2 ಥೆಸಲೊನಿಕ

ಪೌಲನು ಥೆಸಲೊನಿಕದವರಿಗೆ ಬರೆದ ಎರಡನೆಯ ಪತ್ರಿಕೆ

2 ಥೆಸಲೊನಿಕವಾಲಾವೊನೆ ಬರ್ದಲ ಪತ್ರ

ವಳಕ

ಅಪೊಸ್ತಲ ಥಯಲ ಪೌಲಾಕ್ಹು ಥೆಸಲೊನಿಕವಾಲಾವೊನೆ 2 ಪತ್ರ ಬರ್ದಲ ವ್ಹೈ.

ಥೆಸಲೊನಿಕ ಸಭೆವಾಲಾ ಲಾಸ್ಟ ದಿನ್ನನಾ ಹುತಿ ಕ್ರಿಸ್ತ ಬೆವಾ ಸಲಾ ಆವಾನಾ ಹುತಿ ಸಂಬಂಧ ರ‍್ಹಯಲ ವಿಷಯನಾ ಹುತಿ ವಿಚಾರ ಕರಲ ರ‍್ಹೌ ತಿನಾಹುತಿ ಪೌಲಾ ಎ ಬೆ ಪತ್ರಮಾ ಇನಾ ಹುತಿ ಥೆಸಲೊನಿಕವಾಲಾವೊನೆ ಘನೊ ಬರ್ದ್ಯೊಸ. ಥೆಸಲೊನಿಕನು ಅರದು ಬುಕ್ಕ ಲಾಸ್ಟನಾ ದಿನ್ನೊನಾ ಹುತಿ ಬರ್ದಲ ಛೆ ವರಿ ಅರದು ಬುಕ್ಕ ಸ್ವಭಾವಾನಾ ಹುತಿ ಹುಷಾರಕಿ ದಿದ್ಯೊಸ ಕ್ಹಾರಾ ತ್ಯುನಾ ತ್ಯುನಾ ಅನ್ನನಾ ಹುತಿ ಕಾಮ ಕರು ಕೈನ ಹುಷಾರಕಿ ದಿದ್ಯೊಸ.

ಪಿಠಿಕೆ

1) ಪೌಲಾ ಎ ಪತ್ರ ತಿನೆ ವರಿ ತಿನಾ ಕ್ಹಾತೆ ರ‍್ಹಯಲವಾಲಾವೊನೆ ವಳಕ ಕರಾನಾ ಹುತಿ ಎ ಪತ್ರ ಖಾಸ ವಾತೊಮಾ ಎ ಪತ್ರನು ಶುರುವಾತ ಕರಸ.

2) ಪಾಚಲ್ತೊ ಥೆಸಲೊನಿಕ ಸಭೆನೆ ಶೆಂ ಕರಿನ ಕ್ಹುದಾನೆ ಧನ್ಯವಾದ ಕತೊ ತ್ಯುನಾ ಹುತಿ ಪ್ರಾಥನಾ ಕರಸ.

3) ಪೌಲಾ ಬೆಂವಾ ಪತ್ರಮಾ ಲಾಸ್ಟನಾ ದಿನ್ನನಾ ಹುತಿ ಕದ್ಯೊಸ.

4) ಪಾಚಲ್ತೊ ಸೊಮಾರಿತನನಿ ಸ್ವಭಾನು ವಿರುದ್ದ ವರಿ ಕ್ಹಾರಾ ಜ಼ನಾ ಕಾಮ ಕರು ಕೈನ ಮಾಂಗಿಲಿವಸ.

5) ಸಭೆನೆ ನಮಸ್ಕಾರ ಕರ‍್ತೊ ಪೌಲಾ ಎ ಪತ್ರ ಪುರಾ ಕರ‍್ಯೊಸ.