Skip to content
BibleKenya

Sikkiligar Bible

ಇಬ್ರಿಯ 1

ಕ್ಹುದಾ ತಿನಾ ದಿಕ್ರಾನಾ ಮುಕಾಂತರ ಬೊಲಲ

ಪೈಲಾನಾ ದಿನ್ನೊಮಾ ಅಪ್ನಾ ಮನಕ್ಹೊನಾ ಕ್ಹಾತೆ ಪ್ರವಾದಿಯೊಕ್ಹು ಬಿಜಿ-ಬಿಜಿ ತರಾಮಾ ಕ್ಹುದಾ ಘನ್ನಿ ಸಲಾ ಬೊಲ್ಯೊ. ತೆನೈಸೊ, ಎ ಲಾಸ್ಟನಾ ದಿನ್ನೊಮಾ ಕ್ಹುದಾ ಅಪ್ನಾ ಕ್ಹಾತೆ ತಿನಾ ದಿಕ್ರಾನಾ ಮುಕಾಂತರ ಬೊಲ್ಯೊಸ. ತಿನಾ ದಿಕ್ರಾಕ್ಹುಜ಼ ಕ್ಹುದಾ ಪುರಾ ದುನಿಯಾಮಾನು ಹರಯಕ್ಕ ಸೃಷ್ಟಿ ಕರ‍್ಯೊ, ವರಿ ಹರಯಕ್ಪರ ತಿನೆ ಅದಿಕಾರ ದಿದ್ಯೊ. ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ನಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ.

ಕ್ಹುದಾನೊ ದಿಕ್ರ ಯೆಸು

ಕ್ಹುದಾ ತಿನೆ ದೆವದುತೊನಾ ನಾಮೊತಿಬಿ ಮ್ಹೊಟು ನಾಮ ತಿನೆ ಮ್ಹೆಲ್ಯೊತೊ, ಕಾಕದ್ಯಾಮ ಕ್ಹುದಾ ತಿನೆ ದೆವದುತೊತಿಬಿ ಮ್ಹೊಟೊ ಕರ‍್ಯೊತೊ. ಕಿಮ್ಮ ಕದ್ಯಾಮ ಕ್ಹುದಾ ಕಯಾಜ ದೆವದುತನೆ ಅಮ್ಮ ಕದ್ಯೊ ನತ್ತಿ,

ತು ಮಾರೊ ದಿಕ್ರೊ ವ್ಹೈ

ಮಿಜ಼ ತುನೆ ಹಮ್ನಾ ಪಡದಿಲಿದ್ಯೊಸ ವರಿ

ಮಿ ತಿನೊ ಬಾ ಥೈನ ರ‍್ಹೌಸ

ತೆ ಮಾರೊ ದಿಕ್ರೊ ಥೈನ ರ‍್ಹವಸ.

ತೆನೈಸೊ ಕ್ಹುದಾ ತಿನಾ ಪೈಲಾರ ದಿಕ್ರಾನೆ ದುನಿಯಾಮಾ ಫರಿನ ವಳಾತಾಮಾ,

ದೆವದುತೊ ಕ್ಹಾರಾ ತಿನೆ ಆರಾಧನಾ ಕರು” ಕೈನ ಕದ್ಯೊಸ.

ದುತೊನಾ ಹುತಿ ಕ್ಹುದಾ ಕವಾನು ಸುವೈ ಕದ್ಯಾಮ,

ಕ್ಹುದಾ ತಿನಾ ದುತೊನೆ ವಾರಾ ನಿಗಂತಬಿ ವರಿ

ತಿನಾ ಸೆವಕೊನೆ ಆಗನಾ ಕೆಂಡಾ ನಿಂಗತಬಿ ಕರ‍್ಯೊಸ.

ದಿಕ್ರಾನಾ ಹುತಿತೊ ಕ್ಹುದಾ,

ತಾರು ಸಿಂಹಾಸನ ಯುಗೊ ಯುಗೊತಕಾ ರ‍್ಹವಸ

ನ್ಯಾಯನಿ ಲಾಕಡಿಜ ತಾರಿ ರಾಜ ಕರಾನಿ ಲಾಕಡಿ ವ್ಹೈ.”

ತು ನ್ಯಾಯನೆ ಮಯಾ ಕರ‍್ಯೊ

ವರಿ ಅನ್ಯಾಯ ದ್ವೆಶ ಕರ‍್ಯೊ.

ತಿನಾಹುತಿ ತಾರೊ ಕ್ಹುದಾಜ಼, ತುನೆ ತಾರಾ ಕ್ಹಾತೆ ರ‍್ಹಯಲವಾಲವೊತಿಬಿ

ಮ್ಹೊಟಿ ಜ಼ಗಾಮಾ ಬೈಟಾಡಿನ ಘನ್ನಿ ಖುಶಿನಾ ತೆಲಕ್ಹು ಅಬಿಷೆಕ ಕರ‍್ಯೊ” ಕೈನ ಕದ್ಯೊ.

ವರಿ ತೆನೈಸೊ ಕ್ಹುದಾ ಅಮ್ಮ ಕವಸ,

ಕರ್ತಾ ಆದಿಮಾ ತು, ಜಿಮಿನನೆ ಫಾಯಾ ಘಾಲ್ಯೊಸ ವರಿ

ಹಬಾಳತೊ ತಾರಾ ಹತನು ಕಾಮ ವ್ಹೈ.”

ತೆನೈಸೊ ಆ ಕ್ಹಾರು ಹಾಳ ಥೈ ಜ಼ಾವಸ, ಮಾತ್ರಾ ತು ಹಮೆಶಾಬಿ ರ‍್ಹಶಿ.

ತೆ ಕ್ಹಾರು ವಣ್ಣಾವೊನಾ ನಿಗಂತ ಜುನ್ನು ಥಾವಸ.

ತೆ ಕ್ಹಾರು ಉಪ್ಪರಲ್ಯು ಅಂಗ್ಡಾನಾ ನಿಂಗತಬಿ ವರಿ ವಣ್ಣಾವೊನಾ ನಿಂಗತಬಿ

ತು ಮಡಚಿ ಪಡಶಿ ವರಿ ತೆ ಬದಲಿ ಥಾವಸ.

ತುತೊ ಕೆಳಾಮಾಜ಼ ಬದ್ಲಿ ಥಾತೊ ನೈ.

ತಾರಿ ವಯಸ್ಸ ಕೆಳೆಜ಼ ಕ್ಹರತಿ ನೈ.

ವರಿ ಕ್ಹುದಾ ಕಯಾ ದೆವದುತನಾ ಹುತಿಬಿ ಅಮ್ಮ ಕದ್ಯೊ ನತ್ತಿ.

ಮಿ ತಾರಾ ದುಶ್ಮನೊನೆ

ತಾರಾ ಪಗನಾ ಹೆಟೊ ಘಾಲೆ ಲಕ್ಕಾ

ತು ಮಾರಾ ಸಿದಾ ಹತ ಬಗಲ ಬೈಟ,ಕಿರ್ತನೆ 110:1

ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.