Sikkiligar Bible
ಆದಿ 47
ತೆ ದೆಶಮಾ ಆವಾನು ಘನ್ನು ಕೆಟ್ಟ ವ್ಹತ್ತು. ತ್ಯುನೆ ಐಗುಪ್ತ ದೆಶತಾ ಲಾಯಲದವಸ ಕ್ಹರಲಪರ ತಿನಾಬಾಬಿ ತುಮೆ ಫರಿನ ಗೈನ ಹಜಿ ದಕ್ಹು ಧಾನ್ಯ ಲಿನ ಆವೊ ಕದ್ಯೊ. ತಿನೆ ಯೆಹುದಾ ತೆ ಮನಕ್ಹ ಮನೆ ತಾರಾ ಭೈನೆ ಬಲೈಲಿನ ನೈತೊ ಮಾರು ಮ್ಹೊಡುಬಿ ದೆಕ್ಯು ನೈ ಕೈನ ಕ್ಹರಿಜ಼ ಕದ್ಯೊಸ ತೊ. ತು ಮಾರಾ ನ್ಹಾನಾ ಭೈನೆ ಹಮಾರಾ ಕ್ಹಾತೆ ವಳಾಯಾರೆ ಹಮೆ ಗೈನ ತುನೆ ಧಾನ್ಯ ಲಿನ ಐಯೆಸ; ತಿನೆ ಯೆಹುದಾ ತೆ ಮನಕ್ಹ ಮನೆ ತಾರಾ ಭೈನೆ ಮಿ ತುಮಾರಾ ಬಾನಿ ಸೆವಾ ಪುರಾ ಮನಸಕ್ಹು ಕರ್ಯೊಸ. ತೆ ಕ್ಹಾರು ತುಮೊನೆ ಗ್ವತ್ತ ಛೆ. ವರಿಬಿ ತುಮಾರೊ ಬಾ ಮನೆಮೊಸ ಕರಿನ ಮಾರೊ ಪಗಾರ ದಖಾಸಲಾ ಬದಲಿ ಕರ್ಯೊ. ಮನೆ ಕ್ಹುದಾ ತಿನಾಹತಿ ಮೊಸ ಕರಾನೆ ಥಯು ನೈ. ತುಮಾರೊ ಬಾ ಮನೆ, ಚಿಕ್ಕಿಯೊ ರ್ಹಯಲ ಬಕ್ರಾ ತುನೆ ಪಗಾರ ರ್ಹಯವಾದೆ ಕೈನ ತೆ ಕತಾಮಾ ಕ್ಹಾರಾಜ಼ ಹಿಂಡ ಚಿಕ್ಕಿಯೊನಾ ಥಯಾ.ತೆ ಘೆರಿಯೊ ರ್ಹಯಲ ತಾರೊ ಪಗಾರ ಥೈನ ರ್ಹವಾದೆ ಕೈನ ಕತಾಮಾ ಬಕ್ರಾ ಕ್ಹಾರಾ ಘೆರಿಯೊನಾ ವ್ಹತಾ. ಇಮ್ಮ ಕ್ಹುದಾ ತುಮಾರಾ ಬಾನಾ ಬಕ್ರಾ ಕ್ಹಾರಾ ವರಿ ಜಾನವರೊ ತಕಂತೊ ಕಾಡಿನ ಮನೆ ದಿದ್ಯೊ. ಬಕ್ರಾ ಪೆಟ್ಟ ರ್ಹತಾಮಾ ಮಿ ಕ್ಹಪನಮಾ ದೆಕ್ತಾಮಾ ಬ್ಕಾವೊನಾ ಕ್ಹಾತೆ ಸಂಗಮ ಕರ್ತಾಮಾ ಬಕ್ರಿಯೊ ಕ್ಹಾರಿಯೊ ಘೆರಿಯೊ, ಚಿಕ್ಕಿಯೊ ಮಚ್ಚೆ ಥೈನ ದಿಕ್ಹಿಯೊ. ತೆ ಕ್ಹಪನಮಾ ದೆವದುತ, ಯಾಕೊಬ ಕೈನ ಬಲಾತಾ ಮಿ ನ್ಹ್ಯಾ ಛೆ ಕೈನ ಕತಾಮಾ ತೆ ಮನೆ, ಲಾಬಾನ ತಾರಿ ವಿಷಯಮಾ ಚಾ಼ಲಿಲಿದಲ ತರಿಕೊ ಮಿ ದೆಕ್ಯೊಸ, ತಿನಾಹುತಿ ಡೊಳೊ ಉಚೈನ ಬಕ್ರಿಯೊನಾ ಕ್ಹಾತೆ ಬಕ್ರಾ ಸಂಗಮ ಕರಾಲಾ ಬ್ಕರಾವೊನೆ ದೆಕೊ ಗೆರಿಯೊ, ಚಿಕ್ಕಿಯೊ, ಮಚ್ಚನಿ ವ್ಹತಿಯೊ. ತಾರಾ ಖಂಬಾನೆ ಅಭಿಶೆಕ ಕರಿನ ಮನೆ ಕ್ಹಮ್ಮ ಕರಲ ಬೆತೆಲನೊ ಕ್ಹುದಾ ಮಿಜ಼ ವ್ಹೈ ಹಮ್ನಾ ತು ಉಟಿನ ಆ ದೆಶನೆ ಛೊಡಿನ ತು ಹುಟ್ಟಲ ದೆಶನೆ ಬಿ ವರಿ ತಾರಾ ಕ್ಹಾಂದಾನ ಕನ ಫರಿನ ಜಾ಼ ಕೈನ ಕದ್ಯೊ. ಯಾಕೊಬ ಎ ವಾತೊ ಕದಲ್ಪರ ರಾಹೆಳ ವರಿ ಲೆಯಳ ಹಮಾರಾ ಬಾನಾ ಘರ್ಮಾ ಹಮ್ನಾ ಹಮೊನೆ ಸು ಪಾಲ ಛೆ? ತೆ ಹನೊನೆ ಬಿಜಾ಼ ವ್ಹೈ ಕೈನ ದೆಕಸ್ತೊ ತೆ ಹಮೊನೆ ಇಕ್ಕಿನ ಹಮೊಕ್ಹು ಮಳಲ ರೊಕ್ಕಾ ತೆ ಯಕ್ಲೊ ಗಳಿಗಯೊಸ್ತೊ. ತಿನಾಹುತಿ ಕ್ಹುದಾ ಅಪ್ನಾ ಬಾ ಕಂತೊ ಕಾಳಿದಲ ಆಸ್ತಿ ಪುರಾ ಹಮೊನೆ ಬಿ ವರಿ ಹಮಾರಾ ಬಚ್ಚಾವೊನೆ ಬಿ ದಿದ್ಯೊಸ್ತೊ ಕ್ಹುದಾ ಕಿಮ ಕವಸ ತಿಮ್ಮಜ಼ ಕರ ಕೈನ ಉತ್ತರ ದಿದ್ಯಾ. ತೆಳಾಮಾ ಯಾಕೊಬ ತಿನಾ ಬಚ್ಚಾವೊನೆ ವರಿ ತಿನಿಯೊ ಬಾಕ್ಡಿಯೊನೆ ಹುಂಟಪರ ಚ಼ಡಾಯೊ. ತೆ ಗಳಸಲ ಕ್ಹಾರಿ ಆಸ್ತಿ ಪದ್ದನ ಅರಾಮ ದೆಶಮಾ ಗಳಸಲ ಕ್ಹಾರಾ ಜಾನವರನೆ ಲಿನ ಕಾನಾನ ದೆಶೆ ತಿನಾ ಬಾ ಥಯಲ ಇಸಾಕಕನ ಚಾಲ್ಯಾ. ತೆಳಾಮಾ ಲಾಬಾನ ತಿನಾಬಕ್ರಾನಾ ಬಾಲೊ ಕತ್ರಾನಾ ಹುತಿ ಗಯೊತೊ. ಇಮ್ಮ ರ್ಹತಾಮಾ ರಾಹೆಲ ತಿನಾ ಬಾನಾ ಘರ್ಮಾ ರ್ಹಯಲ ಮೊರ್ತಿಯೊ ಚೊ಼ರಿ ಕರ್ಲಿದಿ. ತೆನೈಸೊ ಯಾಕೊಬ ಅರಾಮ್ಯನೊ ಲಾಬಾನನೆ ತಿಳಸಾಯಾ ವಾಚಿ ತಿನೆ ಮೊಸ ಕರಿನ ಗೈಪಡ್ಯೊ. ಅಮ್ಮ ತೆ ತಿನಿ ಆಸ್ತಿ ಪುರಾ ಲಿನ ಯುಫ್ರೆಟಿಸ ಮ್ಹೊಟಿ ನದಿನೆ ದಾಟಿನ ಗಿಲ್ಯಾದ ಕವಾನಾ ಡೊಂಗರನಿ ವಾಟ ಧರಿನ. ಯಾಕೊಬ ಫರಿನ ಗಯೆಲ ತನ್ನ ದಿನ್ನ ಥಯಲ್ಪರ ಲಾಬಾನನೆ ಗ್ವತ ಥಾತಾಮಾ. ತೆ ತಿನಾ ಸಂಬಧಿಕೊನೆ ಮಳೈನ ಕ್ಹಾತ ದಿನ್ನ ಪ್ರಯಾಣ ಕರಿನ ಯಾಕೊಬನಾ ಪಾಚೊ಼ ಗೈನ ಗಿಲ್ಯಾದ ಡೊಂಗರನಾ ಗಾಮ್ಮಾ ತಿನೆ ಮಳ್ಯೊ. ತೆನೈಸೊ ತೆ ರಾತೆ ಕ್ಹುದಾ ಅರಾಮ್ಯನೊ ಥಯಲ ಲಾಬಾನನಾ ಕ್ಹಪನಮಾ ಐನ ತು ಯಾಕೊಬನಾ ಕ್ಹಾತೆ ಚೊ಼ಕು ಕೆಟ್ಟ ಬೊಲ್ಯಾ ಬಗರ ಹುಶಾರಕಿಕ್ಹು ರ್ಹೆ ಕದ್ಯೊ. ತೆ ಥಯಲ್ಪರ ಲಾಬಾನ ಯಾಕೊಬನೆ ಮಳಲ್ಪರ ಯಾಕೊಬ ಡೊಂಗರ್ಮಾ ತಿನು ಝುಪಡು ಘಾಲಿದ್ಯೊತೊ ಲಾಬಾನಬಿ ತಿನಾ ಮನಕ್ಹೊನಾ ಕ್ಹಾತೆ ತೆಜ಼ ಗಿಲ್ಯಾದ ಡೊಂಗರಮಾ ಝುಪಡು ಘಾಲಿದ್ಯೊ. ಲಾಬಾನ ಯಾಕೊಬನೆ ಆ ಸು ವ್ಹೈ ತು ಕರಲ? ತು ಮಾರಾ ದಿಕ್ರಿಯೊನೆ ಯುದ್ಧಮಾ ಧರಿನ ಲಾಯೆನಿಂಗತ ಲಿನ ಮನೆ ಕದ್ಯಾವಾಚಿ ತ್ಯಾಂತೊ ಐಪಡ್ಯೊಸ್ತೊ. ಕಾ ಮನೆ ಮೊಸ ಕರಿನ ಚೊ಼ರಿ ಕರಲನಿಂಗತ ಐಪಡ್ಯೊ? ಮಿ ಕ್ಹುಶಿಕ್ಹು ತುನೆ ಗಿದ್ದೊ, ನ್ಹಾಚಾಲಾ ವರಿ ಘನ್ನ ತರಾನಾ ವಾದ್ಯೊನಾ ಕ್ಹಾತೆ ತುನೆ ವಳಾತೊತೊ. ತೆನೈಸೊ ತು ಮಾರಾ ದಿಕ್ರಿಯೊನೆ ವರಿ ಮಾರಾ ನಾತ್ನಾ-ನಾತ್ನಿಯೊನೆ ಬಿ ಗಳೆ ಮಳನೆ ನೈ ಥಯಲನಿಂಗತ ಕರ್ಯೊಸ ತು ಕರಲ ಪಿಸಾಳಾನು ಕಾಮ ವ್ಹೈ. ತುಮೊನೆ ಕೆಟ್ಟ ಕರಾನೆ ಮಕನ ತಾಕತ ಶೆ ತೆನೈಸೊ ಕಾಲನಾ ರಾತೆ ತಾರಾ ಬಾನೊ ಕ್ಹುದಾ ಯಾಕೊಬನೆ ಚೊಕು ರ್ಹವಾದೆ ಕೆಟ್ಟ ರ್ಹವಾದೆ ಬೊಲು ಕದ್ಯಾವಾಚಿ ತಿಮ್ಮಜ಼ ಹುಶಾರಕ್ಹು ರ್ಹೆ ಕೈನ ಕದ್ಯೊ. ತೆನೈಸೊ ತುನೆ ತಾರಾ ಬಾನಾ ಘರೆ ಜಾ಼ವಾನಿ ಘನ್ನಿ ಆಸ ರ್ಹಯಲಕ್ಹು ತು ಜೌ಼ ಲಾಗ್ಯು ತೆನೈಸೊ ತು ಮಾರಾ ದೆವಸ್ಥಾನೊನೆ ಕಾ ಚೊ಼ರಿ ಕರ್ಯೊ? ಕೈನ ಪುಚ್ಯೊ಼. ತಿನಾಹುತಿ ಯಾಕೊಬ ಲಾಬಾನನೆ ತು ತಾರಾ ದಿಕ್ರಿಯೊನೆ ಜ಼ಬರದಸ್ತಿಕ್ಹು ಮಕಂತೊ ಕಾಳೆಶಿ ಕೈನ ಭುಚ್ಕಿನ ಐಪಡ್ಯೊ.
Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.