Skip to content
BibleKenya

Sikkiligar Bible

ಯಜಕೆಲಾ 42

ಯಾಜಕೊನಾ ಕ್ಹೊಲಿಯೊ

ಪಾಚ಼ಲ್ತೊ ತೆ ಮನೆ ಪಚ್ಚಿಮನಾ ವಾಟತೊ ಭಾರ್ಲ್ಯಾ ಪ್ರಾಕಾರಕನ ಬಲೈನ ದಿಕ್ಷಿತನಾ ಪ್ರಾಕಾರನೆ ಉತ್ತರನಾ ಪೌಳೆ ಗೊಡಿನೆಬಿ ವಚ್ಮಾನಾ ಕ್ಹೊಲಿಯೊಕನ ಬಲೈ ಲಿನ ಐನ ಉತ್ತರ ದಿಕ್ಕನಾ ಬಾಕಲ ರ‍್ಹಯಲ ಕ್ಹೊಲಿಯೊನಾ ಸಾಲನಾ ಕ್ಹಾಮೊ ಹುಬ್ರಾಡ್ಯೊ; ತೆ ಸಾಲ ಲಾಂಬಾಮಾ ಐವತ್ತ ಹತೊ ವ್ಹತಾ. ಮ್ಹೈನಾ ಪ್ರಾಕಾರನೆ ಮಳಲ ದಕ್ಹ ಹತೊ ವ್ಹತಾ. ಅಗಲನಾ ದಿಕ್ಷಿತರ ಪ್ರಾಕಾರನೆ ಭಾರ್ಲ್ಯಾ ಪ್ರಾಕಾರನಾ ನೆಲಗಟ್ಟಿನೆಬಿ ವಚ್ಮಾ ರ‍್ಹಯಲ ತೆ ಪ್ರದೆಶ ಪಚ್ಚಕ್ಹ ಹತೊ ವ್ಹತ್ತಾ. ತ್ಯಾನಾ ಬೆ ಸಾಲ ತನ್ವಾ ಅಂತಸ್ತನಾ ಛತ್ತನಾ ವಾಟೊ ಯಕ್ಕನೆ ಯಕ್ಕ ಎದುರ ಥಯಾತಾ. ತೆ ಸಾಲೊನಾ ವಚ್ಮಾ ಐವತ್ತ ಹತೊ ವ್ಹತ್ತಾ. ಲಾಂಬು ಪಾಂಚ಼಼ ಅತೊ ಯಕ್ಲಿ ಅಗಲನಿ ಯಕ್ಕ ವಾಟ ವ್ಹತ್ತಿ; ಕ್ಹೊಲಿಯೊ ಬಾಕಲೊ ಉತ್ತರ ದಿಕ್ಕ ಬನಿ ವ್ಹತ್ತಿಯೊ. ಉಪ್ಪರಲ್ಯಾ ಕ್ಹೊಲಿಯೊ ವಚ್ಮಾನಾ ವರಿ ಹೆಟಲ್ಯಾ ಕ್ಹೊಲಿಯೊತಾ ಅಡ್ಚನ ವ್ಹತ್ತಾ; ಛತ್ತನಾ ವಾಟೊ ತ್ಯುನು ಅಗಲನೆ ಕ್ಹೈ ಪಡ್ಯಾತಾ. ಕ್ಹೊಲಿಯೊ ತನ್ನ ಅಂತಸ್ತ ವ್ಹತ್ತಾ; (ಭಾರಲ್ಯಾ) ಪ್ರಾಕಾರನಾ ಕ್ಹೊಲಿಯೊನೆ ರ‍್ಹಯಲ ತಿಮ್ಮ ಎ ಕ್ಹೊಲಿಯೊನೆ ಕೈಸಾಲೆ ನ್ಹೊತಿಯೊ; ತಿನಾಹುತಿ ಜಿಮಿನಪರ ಉತ್ತರಮಾ ಉಪ್ಪರಲ್ಯಾ ಕ್ಹೊಲಿಯೊ ಹೆಟಲ್ಯೊ ವರಿ ವಚ್ಮಾನಾ ಕ್ಹೊಲಿಯೊತಿಬಿ ಇಕ್ಕಟ ವ್ಹತ್ತಾ. ಭಾರಲ್ಯಾ ಪ್ರಾಕಾರನ ಬನಿ ರ‍್ಹವಾನಾ ಕ್ಹೊಲಿಯೊನಾ ಸಾಲನೆ ಸಮಾನ ಭಾರ್ಲಿ ಗೊಡಿ ಯಕ್ಕ ವ್ಹತ್ತಿ; ತೆ ಪಚ್ಚಕ್ಹ ಹತೊ ಲಾಂಬಿ (ಬೆವಾ) ಸಾಲನಾ ಕ್ಹಾಮು ವ್ಹತ್ತು. ಭಾರ್ಯಾ ಪ್ರಾಕಾರನಾ ಲಾಸ್ಟ ರ‍್ಹವಾನಾ ಕ್ಹೊಲಿಯೊನು ಸಾಲ ಲಾಂಬಾಮಾ ಪಚ್ಚಕ್ಹ ಹತೊ, ದೆವಸ್ಥಾನ ಕ ರ‍್ಹವಾನಾ ಕ್ಹೊಲಿಯೊನು ಸಾಲ ಲಾಂಬಾಮಾ ಐವತ್ತ ಹತೊ ವ್ಹತಾ. ಕ್ಹೊಲಿಯೊನಾ ಪ್ರಾಕಾರನಾ ಪುರ್ವಮಾ ಹೆಟಲ್ಯಾ ಮಟ್ಟಮಾ ಎ ಪ್ರಾಕಾರನಿ ಗೊಡಿನಾ ವಚ್ಮಾ ಭರಲ್ಯಾ ಪ್ರಾಕಾರತೊ ತ್ಯಾ ಜಾ಼ವಾನಿ ವಾಟ ವ್ಹತ್ತಿ. ಎನೈಸೊ ಪುರ್ವಮಾ ದಿಕ್ಷಿತರ ಪ್ರಾಕಾರನೆಬಿ ಪೌಲಿಗೊಡಿನೆಬಿ ವಚ್ಮಾ ಕ್ಹೊಲಿಯೊ ವ್ಹತ್ತಾ; ಇವ್ನಾ ವಚ್ಮಾ ಯಕ್ಕ ವಾಟ ವ್ಹತ್ತಿ; ತೆ ಉತ್ತರ ದಿಕ್ಕ ಕ್ಹೊಲಿಯೊ ನಿಂಗತ ದಿಕ್ಹಾಡಾತಾ, ತೆ ಲಾಂಬಾಮಾ ರುಂದಮಾ ತ್ಯುನು ಲಾಂಬು ರುಂದ ಯಕ್ಕಜ಼ ವ್ಹೈ; ಇವ್ನು ರಚನಾಕ್ರಮ ದ್ವಾರ ನಿರ್ಗಮಸ್ಥಾನ ಕ್ಹಾರಾ ತ್ಯುನಾ ನಿಂಗತ ವ್ಹತ್ತಾ; ದಕ್ಷಿಣ ಕ್ಹೊಲಿಯೊ ತಿಮ್ಮಜ಼಼ ವ್ಹತ್ತಾ. ಕೊಲಿಯೊನಾ ಪ್ರಾಕಾರನೆ ಪುರ್ವಮಾ ಸೆರಾನಾ ಬನಿ ಗೊಡಿನಾ ಬಾಜು಼ಮಾಜ಼ ರ‍್ಹವಾನಿ ವಾಟನಾ ಲಾಸ್ಟಮಾ ಯಕ್ಕ ಬಾಕಲ ವ್ಹತ್ತು. ತೆಳಾಮಾ ತೆ ಮನೆ- ದಿಕ್ಷಿತರ ಪ್ರಾಕಾರನಾ ಉತ್ತರ ವರಿ ದಕ್ಷಿಣ ಬಗಲ ರ‍್ಹಯಲ ಕ್ಹೊಲಿಯೊ ಪರಿಶುದ್ದ ಥಯಾಸ; ತ್ಯಾ ಯಹೊವಾನಿ ಸನ್ನಿದಿನಾ ಸೆವಕೊ ಥಯಲ ಜಕೊ ಮಹಾಪರಿಶುದ್ದ ಸಾಮನೊನೆ ಭುಜಿಸಸ, ವರಿ ಧಾನ್ಯ ನೈವೆದ್ಯ, ದೊಷಪರಿಹಾರಕಯಜ್ಞ ದ್ರವ್ಯ, ಪ್ರಾಯಶ್ಚಿತ್ತಯಜ್ಞ ದ್ರವ್ಯ ಕಾನಾ ಎಜ಼ ಮಹಾಪರಿಶುದ್ದ ಪಧರ್ಥನೆ ತ್ಯಾ ಮ್ಹೆಲಸ; ತೆ ಸ್ಥಳ ಪರಿಶುದ್ದ ವ್ಹೈ ತೆಕ್ಲುಜ಼. ಯಾಜಕೊ ಪರಿಶುದ್ದಪ್ರಾಕಾರನೆ ಪ್ರವೆಶ ಕಲಪರ ತಿನೆ ಛೊಡಿನ ಭರಲ್ಯಾ ಪ್ರಾಕಾರನೆ ಜೌ಼ನೈ; ತ್ಯುನಾ ದಿಕ್ಷಾನಾ ವಣ್ಣಾವೊನೆ ತಯಾಜ಼ ಕಿನ ಮ್ಹೆಲ್ಯು, ತೆ ಪರಿಶುದ್ದಜ಼ ವ್ಹೈ; ಪಾಚ಼ಲ್ತಾ ಬಿಜಾ಼ ವಣ್ಣಾವೊನೆ ಘಾಲ್ಲಿನ ಸಾಮಾನ್ಯ ಮನಕ್ಹೊನಾ ಪ್ರಾಕಾರನೆ ಆವಸ.

ದೆವಾಲಯನಿ ಸುತ್ ಮುತ್ತನಿ ಅಳತಿ

ತೆ ಮನಕ್ಹ ಮ್ಹೈನಾ ಮಂದಿರನೆ ಅತಿ ಕರಿನ ಛೊಡಲಪರ ಮನೆ ಪುರ್ವ ಹೆಬ್ಬಾಗಿಲನಾ ವಾಟತಾ ಹೈಂ ಬೈ ಲಿನ ಐನ ಪುರಾ ಆಲಯನಾ ಸುತ್ತ ಮುತ್ತ ಅಳತಿ ಕರ‍್ಯೊ. ಪುರ್ವ ದಿಕ್ಕಮಾ ಲಾಂಬಾ ಅಳತಿಕೊಲಕ್ಹು ಪಾಂಚ಼ ಕ್ಹೊ ಕೊಲ ಎಳದ್ಯೊ. ಉತ್ತರ ದಿಕ್ಕಮಾ ಲಾಂಬು ಅಳತಿಕೊಲಕ್ಹು ಪಾಂಚ಼ ಕ್ಹೊ ಕೊಲ ಎಳದ್ಯೊ. ದಕ್ಷಿಣ ದಿಕ್ಕಮಾ ಅಳತಿಕೊಲಕ್ಹು ಪಾಂಚ಼ ಕ್ಹೊ ಕೊಲ ಎಳದ್ಯೊ. ಪಶ್ಚಿಮ ಗೊಡಿನಾ ಬನಿ ಫರಿನ ಅಳತಿಕೊಲಕ್ಹು ಬೆಕ್ಹೊನ ಐವತ್ತ ಹತೊ. ಕೊಲ ಎಳದ್ಯೊ. ಆಲಯನೆ ಚಾರ ಬಗಲಬಿ ಅಳತಿ ಕರ‍್ಯೊ; ಪರಿಶುದ್ದ ಥಯಲ ವರಿ ಅಪರಿಶುದ್ದ ರ‍್ಹಯಲ ಪ್ರದೆಶನೆ ಜು಼ದಾ ಕರಾನೆ 250 ಹತ್ತ ಪಾಂಚ಼ ಕ್ಹೊ ಅಳತಿ ಕೊಲ ಲಾಂಬಾನು ಪಾಂಚ಼ ಕ್ಹೊ ಅಳತಿ ಕೊಲ ಅಗಲನಿ ಗೊಡಿ ಸುತ್ತ ಮುತ್ತ ವ್ಹತ್ತು.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.