Skip to content
BibleKenya

Sikkiligar Bible

ಎಸ್ತರ 9

ಯಹುದ್ದಿಯೊಕ್ಹು ದುಶ್ಮನೊನು ಹಾರ

ರಾಜಾ಼ನಿ ಆಗನ್ಯಾನಾ ಫೈಸಲಾವೊನೆ ಪುರಾ ಕರಾನಾ ಪಾಲ್ಗುಣ ಮ್ಹೈನಾನಾ ತೆರ್ವಾ ದಿನ್ನ ಐಯು. ತೆ ದಿನ್ನಮಾ ಯೆಹುದಿಯೊನೆ ಹತೊಟಿಮಾ ಕರಿಲೆಸಕೆಸ ಕೈನ ತ್ಯುನಾ ದುಶ್ಮನೊ ಕೈದಾಡಾತಾ. ತೆನೈಸೊ ತಿನಾ ಬದಲಿ ಯೆಹುದ್ಯೊಜ಼ ತ್ಯುನಾ ದುಶ್ಮನೊನೆ ಹತೊಟಿಮಾ ಕರಿಲಿದ್ಯಾ. ತಿನಾಹುತಿ ರಾಜೊ಼ ಥಯಲ ಅಹಷ್ವೆರೊಶನ ಕ್ಹಾರಿಯೊ ಸಂಸ್ಥಾನೊಮಾ ಕ್ಹಾರಾಜ಼ ಗಾಮೊಮಾ ಯೆಹುದಿಯೊ ತ್ಯುನಾ ಬಗ್ಗೆ ಕೆಟ್ಟ ಕರಲವಾಲಾವೊನೆ ವಿರುದ್ದ ಥೈನ ಹತ್ತ ಉಚಾವಾನೆ ಮಳಿನ ಆತಾಮಾ ಕಿನೆಜ಼ ತ್ಯುನಾ ಕ್ಹಾಮಾ ಹುಬ್ರವಾನೆ ಥಯು ನೈ. ತ್ಯುನೊಕ್ಹು ಕ್ಹಾರಿಜ಼ ಜನಾಂಗನೆ ಭೆ ವಾಟ್ಯು; ಯಕ್ಲುಜ಼ ನೈಸೊ ಮೊರ್ದೆಕೈನಿ ತಾಕತ ಜಾಸ್ತಿ ಥಯಲ ತೆಳಾಮಾ ತಿನಿ ಸುದ್ದಿ ಕ್ಹಾರಿಯೊ ಸಂಸ್ಥಾನೊಮಾ ಪೈಲಿ ಗೈ. ಕ್ಹಾರಿಯೊ ಸಂಸ್ಥಾನೊಮಾ ಉಪರಾಜಾ಼ವೊಮಾ ದೆಶಾದಿಪತಿಯೊಮಾ ವರಿ ಬಿಜಾ಼ ರಾಜಾ಼ವೊಮಾ ತಿನಿಕ್ಹು ಬುಚ್ಕಿನ ಯೆಹುದಿಯೊನ ಮದತ ಕರಾನೆ ಅಗಾ ಆಯಾ. ಇಮ್ಮ ಯೆಹುದಿಯೊ ತ್ಯುನಾ ಕ್ಹಾರಾಜ಼ ದುಶ್ಮನೊನೆ ಹರಾಡಿನ ತಲ್ವಾರುಕ್ಹು ಖಲಾಸ ಕರಿನ ನಾಮೊ ನಿಶಾನೈಸೊ ಕರಿಪಾಡ್ಯಾ. ತ್ಯುನೆ ದುಸ್ಮನೊನೆ ಮನಸ್ಮಾ ಕಿಮ್ಮ ವ್ಹತು ತಿಮ್ಮ ಕರ‍್ಯಾ. ಯಹುದಿಯೊ ಶೊಶೆನ ಕೊಟೆಮಾ ಪಾಂಚ಼ಕ್ಹೊ ಜ಼ನಾವೊನೆ ಖಲಾಸ ಕರ‍್ಯಾ. ಮರಲವಾಲೊವೊಮಾ ದಲ್ಫೊನ, ಅಸ್ಪಾತ, ಪೊರಾತ ಆದಲ್ಯ, ಅರಿದಾತ, ಪರ್ಮಷ್ಟ, ಅರಸೈ, ಅರಿದೈ, ವ್ಯಜಾತ, ಕವಾಲಾ ವ್ಹತಾ. ಇವ್ನೆ ಯಹುದ್ದಿಯೊನೆ ದುಶ್ಮನಿ ಕರ್ತಾ ರ‍್ಹಯಲ ಹಮ್ಮೆದಾತನೊ ದಿಕ್ರೊ ಥಯಲ ಹಾಮಾನ ದಕ್ಹ ದಿಕ್ರಾ. ಇಕ್ಲಾ ಮನ್ಕಹೊನೆ ಖಲಾಸ ಕರ‍್ಯಾ. ಯಹುದ್ದಿಯೊ ಸುಲಿಗೆ ಕರ‍್ಯಾ ನೈ. ತೆ ದಿನ್ನ ಶೊಶನ ಕೊಟೆಮಾ ಮರಲವಾಲಲಾವೊನಿ ಸಂಖ್ಯಾ ರಾಜಾ಼ನೆ ಕದ್ಯಾ. ತೆಳಾಮಾ ರಾಜೊ಼ ಎಸ್ತರ ರಾಣಿನೆ ಯಹುದ್ದಿಯೊ ಶೊಶನ ಕೊಟೆಮಾ ಪಾಂಚ಼ ಕ್ಹೊ ಮನಕ್ಹೊನೆ ಹಾಮಾನನಾ ದಕ್ಹ ದಿಕ್ರಾವೊನೆ ಖಲಾಸ ಕರಿಪಾಡ್ಯಾಸ. ಬಿಜಾ಼ ರಾಜ್ಯ ಸಂಸ್ಥಾನೊಮಾ ಕೆಕ್ಲಾ ಮನಕ್ಹೊ ಮರ‍್ಯಾವಶೆ ತಾರಿ ಮಾಂಗ ವರಿ ಸುಬಿ ವಸೆ ಪುರಾ ಥಾವಸ. ತು ಸುಪಚ್ಚಿತಬಿ ಮಿ ತುನೆ ದ್ಯುಸ ಕೈನ ಕದ್ಯೊ. ತೆ ವಾತೆ ಎಸ್ತರ ರಾಜಾ಼ನೆ ಮನಸ ರ‍್ಹಯುಮ ವ್ಹಂತಾಬಿ ರಾಜಾನಿ ಅಗನ್ಯಾನಿಂಗತ ಹಾಮಾನನಾ ದಕ್ಹೆ ದಿಕ್ರಾವೊನೆ ಫಾಸಿಪರ ಘಾಲಾನೆ ಶುಶನಮಅ ರ‍್ಹಯಲ ಯಹುದ್ದಿಯೊನೆ ಅಪ್ಪಣೆ ಥೌ.ಕೈನ ಮಾಂಗಿಲಿದಿ. ತೆಳಾಮಾ ರಾಜೊ಼ ತಿಮ್ಮ ಕರಾನೆ ಅಪ್ಪಣೆ ದಿದ್ಯೊ. ತೆಳಾಮಾಜ಼ ರಾಯ ಆಗನ್ಯಾ ಹೊರಡಸಾನೆ ವರಿ ಹಾಮಾನನಾ ದಿಕ್ರಾವೊನೆ ಫಾಸಿನೆ ಚ಼ಡಾಯಾ. ಶುಶನನೆ ಯೆದ್ದಿಯೊನೆ ಕ್ಹಾತ್ವಾ ದಿನ್ಮಾ ಮಳಿನೆ ತ್ಯಾ ಬೆಕ್ಹೊ ಮನಕ್ಹೊನೆ ಖಲಾಸ ಕರ‍್ಯಾ. ವರಿ ತ್ಯುನೊಕನು ಸುಜ಼ ಕಾಳ್ಳಿದ್ಯಾ ನೈ. ರಾಜೊ಼ ಥಯಲ ಅಹಷ್ವೆರೊಶನಕನ ತಿನೊ ಅಧಿಕಾರನು ಕ್ಹಾತ್ವಾ ವರಕ್ಹ ದಕ್ಹವಾ ಮ್ಹೈನೊ ಥಯಲ್ಪರ ಪುಶ್ಯ ಮಾಸಮಾ ತಿನೆ ರಾಜಾ಼ನಾ ಘರ್ಮಾ ಬಲೈ ಲಾಯಾ. ರಾಜೊ಼ ಕ್ಹಾರಿಯೊಜ಼ ಛೊಕ್ರಿಯೊಮಾ ಎಸ್ತರನೆಜ಼ ಪಸಂದ ಕರ‍್ಯೊ. ಕ್ಹಾರಿಯೊ ಛೊಕ್ರಿಯೊಮಾ ತೆ ತಿನಿ ದಯಾನೆ, ಮಯಾನೆ ಪಾತ್ರ ಥೈ ಕೈನ ತೆ ರಾಜಮುಕುಟ ತಿನಾ ಮಾತಾಪರ ಮ್ಹೆಲಿನ ತಿನೆ ವಷ್ಟಿನಾ ಬದಲಿ ತಿನೆ ರಾಣಿ ಕರ‍್ಯೊ. ತೆ ಕ್ಹಾರಾ ಸರದಾರೊನೆ ವರಿ ಪರಿವಾರವಾಲಾವೊನೆ ಎಸ್ತರನಾ ಹುತಿ ಖಾವಾನು ಮ್ಹೊಟು ಕರೈನ, ಕ್ಹಾರಿಯೊ ಸಂಸ್ಥಾನೊಮಾ ಜೆಲ್ಮಾ ರ‍್ಹಯಲವಾಲಾವೊನೆ ಛೊಡೈನ ದಾನಾ ಧರ್ಮ ಕರಾಯೊ. ಬೆವಾಸಲಾ ಛೊಕ್ರಿಯೊನೆ ಮಳಾತಾಮಾ ಮೊರ್ದಕೈ ರಾಜಾನಾ ಮ್ಹೊಟಾ ಬಾಕಲನಾ ಕ್ಹಾಮು ಬೈಟ್ಯೊತೊ. ಎಸ್ತರಳತೊ ಮೊರ್ದೆಕೈ ಪರಾಂಬರಿಕೆನಾ ದಿನೊಮಾ ರ‍್ಹತಾಮಾ ಕಿಮ್ಮ ತಿಮ್ಮಜ಼ ತೆಳಾಮಾಬಿ ತಿನಾ ಆಜ್ಞೆನೆ ಪಾಲನೆ ಕರಾಲಿ ಥೈನ ಮಿ ಹೈ ಕುಲವಾಲಿ ವ್ಹೈ ಕೈನ ಕಿನೆ ದೆಕಾಡಿನೆ ದಿದಿನೈ. ತೆ ದಿನೊಮಾ ಮೊರ್ದೆಕೈ ರಾಜಾ಼ನಾ ಘರನೆ ಬಾಕಲ ಕೈದಾಲೊ ಥಯಲ ಬಿಗೆತಾನ ವರಿ ತೆರೆಶ ಕವಾಲ ಬೆ ಜ಼ನಿಯೊನಾ ಹುತಿ ರಾಜಕಂಚುಕಿಯೊ ಶಿಟ್ಟ ಥೈನ ರಾಜಾ಼ಪರ ವಿರುದ್ದ ಥೈನ ಮ್ಹೈನಾ ಮ್ಹೈ ಪ್ಲ್ಯಾನ ಕರಿಯೊ. ಎ ಕ್ಹಾರುಜ಼ ಮೊರ್ದೆಕೈನೆ ಗ್ವತ್ತ ಥಾತಾಮಾ ತೆ ಎಸ್ತರಳ ರಾಣಿಕನ ಕದ್ಯೊ. ತೆ ತಿನು ನಾಮ ಕೈನ ರಾಜಾ಼ಕನ ಕೈನ ತೆ ಸಂಗತಿಯೊ ಕದಿ. ವಿಶಯನಾ ಹುತಿ ವಿಚಾರಣೆನಾ ಕವಾನೆ ಟೈಮ ಆತಾಮಾ ತೆ ಕ್ಹರಿಜ಼಼ ವ್ಹಯ ಕೈನ ಗ್ವತ್ತ ಥಾತಾಮಾ ತೆ ಭಂಭಿಜ಼ನಾವೊನೆ ಪ್ಹಾಸಿನೆ ಘಲಾಯೊ. ತೆ ಸಂಗತಿಯೊ ರಾಜೊ಼ ದಿನ್ನೆ ಬರ್ದಾನಾ ಪುಸ್ತಕಮಾ ದಾಖಲಾ ಥಯು. ಕ್ಹಾರಾ ಯಹುದಿಯೊನೆ ದ್ವೆಶಕರ್ತೊ ರ‍್ಹಯಲ ಅಗಾಗ ವಂಶವಾಲೊ ಹಮ್ಮೆದಾತನನು ದಿಕ್ರೊ ಥಯಲ ಹಾಮಾನ ಯೆಹುದಿಯೊನೆ ಖಲಾಸ ಕರು ಕೈನ ಫೈಸ್ಲೊ ಕರಿ ಗಲಿಬಿಲಿ ಕರಿನ ಹಾಳಕರಾನಾ ಹುತಿ ಪುರ ಕದ್ಯಾಮ ಘಲಾಯೊತೊ. ಅಕ್ಹಾರು ರಾಜಾ಼ನಾ ಕ್ಹಾಮು ಆತಾಮಾ ತೆ ಅ ಪ್ಲಾನ ತಿನಾ ಮಾತಾರರಜ಼ ಆವಾದೆತಿನೆ ವರಿ ತಿನಾ ಬಚ್ಚಾ಼ವೊನೆ ಫಾಸಿಪರ ಘಾಲು ಕೈನ ಅಪ್ಪಣೆ ದಿನ ಪತ್ರಮಾ ಬರ್ದಾಯೊ. ಆ ಪೊರ ಚಿಟಿ ಕವಾನಾ ಅವಾಜ಼ ಕ್ಹು ತೆ ದಿನೊಮಾ ಪುರಿಮ ಕವಾನು ನಾಮ ಪಡ್ಯು. ಯಹುದಿಯೊ ತೆ ಪತ್ರಮಾ ರ‍್ಹಯಲ ವಾತೊನೆ ತಿನೆ ಸಂಭಂಧ ರ‍್ಹಯಲ ತ್ಯುನೆಜ಼ ಅನುಭವಿಸಲ ವರಿ ತ್ಯುನಾ ಕ್ಹಾತೆ ಥಯಲ ಶೆ ಕರ್ಲಿದ್ಯಾ. ಹರ್ರ ವರಕ್ಹೆ ಅ ಬೆ ದಿನೊಮಾ ತ್ಯುನಾ ಹುತಿ ನಿಯಮನಾ ಪ್ರಕಾರ ಕೆರರಟ್ಟ ಕಾಲಮಾ ಕರು ಕೈನ ತ್ಯುನಾ ಕ್ಹಾತೆ ಮಳಾಲಾ ಎ ದಾಟು ನೈ ಕೈನ ಪದ್ದತ ಥೌ ಕೈನ ಹರ ಹಮೆಶಾ ಕ್ಹಾರಾ ಗೊತ್ರ ಸಂಸ್ಥಾನೊನೆ ಗಾಮಾವಾವೊನೆ ಎ ಪುರಿಮ ಕವಾನು ಸನ್ನ ಯೆಹುದಿಯೊಮಾ ಹುಬ್ರೈಪಡು ನೈ ತಿನಿ ಷೆ ತ್ಯುನಾ ಬಚ್ಚಾ಼ವೊಮಾಬಿ ರ‍್ಹೌ ಕೈನ ವಳಕ ಕರಿಲಿದ್ಯಾ, ಯಕ್ಲುಜ಼ ನೈಸೊ ಅಬಿಹೈಲನಿ ದಿಕ್ರಿ ಥಯಲ ಎಸ್ತರ ರಾಣಿ ಅದಿಕಾರಮಾ ಐ ಪುರಿಮನೆ ಸಂಭಂಫ ರ‍್ಹಯಲ ನಿಯಮನೆ ಘಟ್ಟ ಜರಾನಾ ಹುತಿ ಯೆಹುದಿ ರ‍್ಹಯಲ ಮೊರ್ದಕೈ ಮದತಕ್ಹು ಪತ್ರ ಬರ್ದಿ. ತೆ ಅಹಶ್ವೆರೊಷನ ರಾಜ್ಯನು ಯಕ್ಹೊನಇಕ್ಹಪರ ಕ್ಹಾತ ಸಂಸ್ಥನೊಮಾ ರ‍್ಹಯಲ ಕ್ಹಾರಾ ಯೆಹುದಿಯೊನೆ ಪತ್ರ ಮೊಕಲ್ಯೊ. ತಿನಿಯೊ ಕ್ಹರಿನಿಯೊ ವಾತೊ ಕ್ಹು ತೆ ಪತ್ರಮಾ ಯೆಹುದಿಯೊ ತ್ಯುನೊಮಾ ವರಿ ತ್ಯುನಾ ಬಚ್ಚಾ಼ವೊಮಾ ಉಪಾಸ ವರಿ ಪ್ರಲಾಪನಾ ದಿನೊಮಾ ಶೆ ಕರಿಲಿವಾನಾ ಹುತಿ ತ್ಯುನೆಜ಼ ಗ್ವತ್ತ ಕರ್ಲಿನ ತಿನಾ ಪ್ರಕಾರ ಪುರಿಮ ದಿನೊ ಮಾರಿ ವರಿ ಯೆಹುದಿ ಥಯಲ ಮೊರ್ದಕೈನಾ ಮನಸ ನಿಂಗತ ಹೆ ವರಕ್ಹೆ ಚು಼ಕ್ಯಾವಾಚಿ ಕರೆಟ್ಟ ಟೈಮ್ಮಾ ಸನ್ನ ಆಚರಣೆ ಕರು ಕೈನ ಬರ್ದಲ ರ‍್ಹೈ. ಎಸ್ತರಳ ತೆ ಅಪ್ಪಣೆ ಪುರಿಮ ಕವಾನು ಸನ್ನ ಸ್ಥಾಪಿತ ಥಯು. ತೆ ಅಪ್ಪಣೆ ಗ್ರಂಥಮಾ ದಾಖಲಾ ಥಯು.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.