ಎಫೆಸ

ಎಫೆಸದವರಿಗೆ ಬರೆದ ಪತ್ರಿಕೆ

1 ಎಫೆಸವಾಲಾವೊನೆ ಬರ್ದಲ ಪತ್ರ

ವಳಕ

ಎಫೆಸವಾಲಾವೊನೆ ಬರ್ದಲ ಪತ್ರ ಕ್ರಿಸ್ತಕ್ಹು 60 ವರಕ್ಹ ಬರ್ದಲ ವ್ಹೈ. ಕೊಲೆಸ್ಸೆವಾಲಾವೊನೆ ಬರ್ದಲ ಪತ್ರ ಎಜ಼ ಟೈಮ್ಮಾ ಬರ್ದಲ ವ್ಹೈ ಕೈನ ಕವಸ. ಬರ್ದಾಲೊ ತಿನಾಕ್ಹು ತೆ ಅಪೊಸ್ತಲ ಪೌಲಾ ವ್ಹೈಕೈನ ವಳಕ ಪಾಡಿಲಿಸ. (1 ಅದ್ಯಾಯ 1 ವಚನಾ) ಕೊಲಸ್ಸೆಮಾ ರ‍್ಹಯಲ ನಿಂಗತ ವೈಯಕ್ತಿಕ ವಂದನೆ ಎಫೆಸ್ಸೆವಾಲಾವೊನೆ ಬರ್ದಿನ ಪತ್ರಿಕೆಮಾ ದಿಕ್ಹಿನ ಆಯಾವಾಚಿ ರ‍್ಹಯುತಬಿ ಘನ್ನೊ ಅದ್ಯಾಯ ಬರ್ದಲವಾಲಾ ಎ ಪತ್ರ ಪೌಲಾ ಬರ್ದ್ಯೊಸ ಕೈನ ವಪ್ಪಿಲಿವಸ ಇನಾ ಹುತಿ ಎ ಪತ್ರ ತೆ ಪ್ರಾಂತ್ಯಮಾ ಘನ್ನಿಯೊ ಸಭೆನೆ ಫೈಲಾಯಲ ಛೆ. ಪೌಲಾ ಎ ಪತ್ರ ಬರ್ತಾಮಾ ತೆ ಜೆಲ್ಮಾ ವ್ಹತ್ತೊ ಕವಾನುಬಿ ಬರ್ದ್ಯೊಸ. (3. 1 41 ವರಿ 620 ವಚನಾ) ಪೌಲಾ ಎ ಪತ್ರ ಎಫೆಸೆನಾ ಸಭೆನೆ ಮಳಾನೆ ಜಾ಼ತಾಮಾ ತುಕಿಯಾಸನಾ ಮುಲಕ ಮೊಕಲ್ಯೊಸ ( 6 ಅದ್ಯಾಯ 21 ತಿ 22 ವಚನಾ) 1 ಎಫೆಸ್ಸ ಗಾಮ ಯಕ್ಕ ಮ್ಹೊಟು ಗಾಮ ವ್ಹತ್ತು ರೊಮ ಸಾಮ್ರಾಜ್ಯನು ಅಶರ ಎಶ್ಯಾ. ಮೈನರ ಪ್ರಾಂತ್ಯನಿ ರಾಜಧಾನಿ ವ್ಹತಿ. ಎಫೆಸ್ಸೆ ಗಾಮಾ ಗ್ರಿಕ ದಿವಸ್ತಾನ ಅರ್ಥಮಿಸಲ ದೆವಾಲಯ ಥೈನ ಪ್ರಸಿದ್ದ ಥೈತಿ. (ಅಪೊಸ್ತಲ ಕೃತ್ಯ 19 ಅದ್ಯಾಯ 23 ತಿ 31 ವಚಾನಾ ಲಕ್ಕಾ) ಎಫೆಸ ಗಾಮನು ಸಭೆ ಶುರುಥಾತಾಮಾ ಘನ್ನಿ ತಾಕತ ವ್ಹತಿ. ತೆನೈಸೊ ಪಾಚಾ಼ತೊ ಅಂತ್ಯ ಕರಾನು ಟೈಮ ಆಯೊತೊ. (ಪ್ರಕಟಣೆ 2 ಅದ್ಯಾಯ 1 ತಿ 7 ವಚನಾ). 3) ಪೌಲಾ ಬರ್ದಲನಾ ಅರ್ದಾಕ್ಹು ಅರ್ದು ಪತ್ರ ಕ್ಹುದಾ ತಿನಾ ಮನಕ್ಹೊನೆ ಕಿಮ್ಮ ಇನಿಲಿದ್ಯೊ ವರಿ ಯೆಸು ಕ್ರಿಸ್ತನಾ ಮುಲಕ ತ್ಯುನಾ ಪಾಪೊಕ್ಹುಜ಼ ತ್ಯುನೊನೆ ಕಿಮ್ಮ ವಚಾ಼ಡ್ಯೊ ಕವಾನು ತಿಳಸಾವಸ. ತೆ ಸಭೆನೆ ಕ್ರಿಸ್ತನಾ ಅಂಗನೆ ವರಿ ಕ್ರಿಸ್ತನ ತಿನು ಮಾತು ಥಯೊಸ ವರಿ ಕ್ರಿಸ್ತ ಮುಲಾನೊ ದಗ್ಡಾನೆ ಹೊಲ್ಸಸ. ಬೆವಾನಾ ಅರ್ದಾಭಾಗಮಾ ಪೌಲಾ ಕ್ರಿಸ್ತನಿ ಜಿವ್ನಾ ಕಿಮ್ಮ ಜಿವ್ನಾ ಕರು ವಳಕ ಪಾಡಿನೆ ದಿವಸ.

ಪಿಠಿಕೆ

1 ) ಪೌಲಾ ತಿನು ವಳಕ ಕವಸ ವರಿ ಎಫೆಸೆವಾಲಾವೊನೆ ವಂದನೆ ಕವಸ.

2 ) ಪಾಚ಼ಲ್ತೊ ತೆ ಕ್ರಿಸ್ತಮಾ ಹುತಿ ಸಭೆ ರ‍್ಹಯಲ ಸಂಭಂದನಾ ಹುತಿ ಕವಸ)

3) ಪಾಚ಼ಲ್ತೊ ಪೌಲಾ ವಿಸ್ವಾಶಿಯೊನೆ ಕಿಮ್ಮ ಜಿವ್ನಾ ಕರು ಕವಾನಾ ಹುತಿ ಬರ್ದಸ.

4) ಲಾಸ್ಟಮಾ ಪೌಲಾ ದಕ್ಹಿಯೊ ಸಲಹೆ ದಿವಸ.