Skip to content
BibleKenya

Sikkiligar Bible

2 ಯೊಹಾನ 1

ಸಭೆಮಾ ಮ್ಹೊಟೊ ಥಯಲ ಮಿ ಯಾವೊನೆ ವರಿ ತಿನಾ ಬಚ್ಚಾವೊನೆ ಬರ್ದಾನು ಸುವೈ ಕದ್ಯಾಮ; ಅಪ್ನೊಮಾ ರ‍್ಹಯಲ ವರಿ ಅಪ್ನಾ ಕ್ಹಾತೆ ಕೆಳಾಮಾಬಿ ಹಮೆಶಾಬಿ ಅಪ್ನಾ ಕ್ಹಾತೆ ರ‍್ಹವಾನು ಕ್ಹರಿನಾ ಹುತಿ ಮಿ ತುಮೊನೆ ಕ್ಹರಿಕ್ಹು ಮಯಾ ಕರುಸ;

ಮಿ ಯಕ್ಕಜ಼ ನೈ ಮಾರಾ ಕ್ಹಾತೆ ಕ್ಹರಿ ಸು ವ್ಹೈ ಕೈನ ತಿಳಿದಿಲಿದಲ ಕ್ಹಾರಾಜ಼ನಾ ತುಮೊನೆ ಮಯಾ ಕರಸ. ಹಮಾರಾ ರ್ಹಯಲ ವರಿ ಕ್ಹರಿನಾಹುತಿ, ಹಮೆ ತುಮೊನೆ ಕ್ಹರಿಜ ಮಯಾ ಕರುಸ. ಆಂ ಕ್ಹರಿಜ಼ ಹಮಾರಾಮಾ ಕೆಳಾಮಾಬಿ ರ್xಹವಸ.

ಬಾ ಥಯಲ ಕ್ಹುದಾಕ್ಹು, ಕ್ಹುದಾನೊ ದಿಕ್ರೊ ಥಯಲ ಯೆಸು ಕ್ರಿಸ್ತಕ್ಹು, ಕೃಪೆ, ಮರಗಾ, ಶಾಂತಿ, ಕ್ಹರಿ, ಮಯಾ ಹರಯಕ್ಕ ವಕ್ಹತ ಅಪ್ನಾ ಕ್ಹಾತೆ ರ್ಹವಸ.

ಕ್ರಿಸ್ತ ಕದಲ ನಿಂಗತ ಚಾ಼ಲಾನು

ತುಮಾರಾ ಬಚ್ಚಾವೊಮಾ ದಕ್ಹಾಜ಼ನಾನಾ ಬಗ್ಗೆ ಮಿ ಐಕ್ತಾಮಾ ಘನಿ ಕ್ಹುಶಿ ಥಯಿ. ಬಾ ಥಯಲ ಕ್ಹುದಾ ಹಮೊನೆ ಅಗನ್ಯಾ ದಿದಲ ಕ್ಹರಿನಾ ವಾಟೊನೆ ತ್ಯುನೆ ಚಾ಼ಲ್ತಾಮಾಜ಼ ಮನೆ ಕ್ಹುಶಿ ಥಯಿ. ಮಾರಿ ಮಾವೊ, ಮಿ ತುಮೊನೆ ನಯಾ ಆಜ್ಞಾ ಬರದೆವಾಚಿ ಪೈಲಾತೊಜ ಹಮನೊನೆ ರ‍ಹೆಲ ಆಜ್ಞಾ ತುಮೊನೆ ಬರ್ದಾಲೊ ಥೈನ; ಅಪೆ ಯಕ್ಕನೆ ಯಕ್ಕ ಮಯಾ ಕರಾಲಾ ಥಯೆ ಕೈನ ತುಮೊಕನ ಮಾಂಗಿಲ್ಯುಸ. ಕ್ಹುದಾನಿ ಆಗನ್ಯಾನೆ ಕಾಯಿದಿಲಿನ ವಿಧೆಯತೆ ಥಾವಾನುಜ಼ ಮಯಾ ವ್ಹೈ. ಮಾಯಾ ಚಾಲಾವಾಲಾ ವ್ಹೈ ಕೈನ ತುಮೆ ಪೈಲಾತಾ ಪುಚ್ಚಲ ಆಜ್ಞಾ ಥೈಸ.

ಕಾಕದ್ಯಾಮ ಯೆಸುಕ್ರಿಸ್ತ ಮನಕ್ಹ ಥೈನ ಆಯೊ ಕವಾನು ಒಪ್ಪೆವಾಚಿ ರಹೆಲ ದಕ್ಹಜ಼ನಾ ಮೊಸ ಕರಾವಾಲಾ ದುನಿಯಾಮಾ ಆಯಾತಾ. ಹವಾಜ಼ ಯೆಸುನೆ ಒಪ್ಪೆವಾಚಿ ಮೊಸ ಕರಾಲಾ ಕ್ರಿಸ್ತನಾ ವಿರೊದಿಯೊ ಥಯಾಸ. ತುಮೆ ಕೊಶಿಶ ಕರಿನ ಕರಲ ಕ್ಹಾರು ಜವೈಲೆವಾಚಿ ಪುರಾ ಪ್ರತಿಫಲ ಹೊಂದಿಲಿವಾನಾಹುತಿ ಹುಶಾರಕಿ ರ್ಹೆ.

ಕ್ರಿಸ್ತನ ಉಪದೆಶಮಾ ನೈ ಘಟ್ಟ ರ‍್ಹಯಲವಾಲಾವೊನೆ ತಿನೆ ದಾಟಿ ಜಾ಼ವಾಲಾವೊನೆ ತ್ಯುನಾ ಕ್ಹಾತೆ ಕ್ಹುದಾ ರ‍್ಹತೊ ನೈ. ತೆ ಉಪದೆಶಮಾ ಘಟ್ಟ ರ್ಹಯಲ ವಾಲಾವೊನಾಕ್ಹಾತೆ ಬಾಬಿ ರ‍್ಹವಸ ವರಿ ದಿಕ್ರೊಬಿ ರ‍್ಹವಸ. ಆಂ ಉಪದೆಶನೆ ನೈ ವಪ್ಪಾಲೊ ಕಯೊಬಿ ತುಮಾರಾ ಕ್ಹಾತೆ ಆಯಾರೆ ತಿನೆ ಘರಮಾ ಸೆರಸಿ ಲಿವೊ ನಕೊ, ತಿನೆ ಚೊ಼ಕು ಥಾವಾದೆ ಕೈನ ಕವೊ ನಕೊ. ಕಾ ಕದ್ಯಾಮ ತಿನೆ ಚೊ಼ಕು ಥಾವಾದೆ ಕೈನ ಕವಾನು ತೆ ಕೆಟ್ಟ ಕಾಮೊಮಾ ವಾಟೊ ಲಿವಾಲೊ ಥಾವಸ.

ಲಾಸ್ಟನಾ ವಾತೊ

ತುಮೊನೆ ಬರ್ದಾನಾ ಹುತಿ ಮನೆ ಘನಿಯೊ ವಿಷಯೊ ರ‍್ಹೈತಬಿ ತಿನೆ ಮನಸಕ್ಹು ಕಾಗತಪರ ಬರ್ದಿನ ತಿಳಸಾವಾನಾಹುತಿ ಮನೆ ಮನಸ ನತ್ತಿ. ತಿನಾಹುತಿ ಮಿ ತುಮಾರಾ ಕ್ಹಾತೆಜ಼ ಬೊಲು ಕೈನ ಮನಸ ಛೆ. ತೆಳಾಮಾ ತುಮಾರು ಕ್ಹುಶಿ ಪರಿಪುರ್ಣ ಥಾವಸ.

ತಾರಾ ಭೆನೊನಾ ಬಚ್ಚಾ಼ ತುನೆ ವಂದನೆ ಕವಾಡಾಸ.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.