Lulanga lwa 52

Okutwa olubanja lw’omulenzi

1Gwarhi omukulu w’abimbiza. Nyigîrizo. Za Daudi.

2Amango Dwege w’e Edomu àyishig’ibwîra Saulu, erhi: «Daudi ajìre omu mwa Abimeleki».

3Kurhi okwo walimbira obubî, wâni cikala-nshonyi?

4Ngasi mango erhi na bubî warhânya, obulijira olulimi lwôji nka lugembe, nyankola-maligo.

5Amabi g’orhonya oku minjà, obunywesi bw’oyumva orhonyize oku iderha linja!

6Ebinwa bibi orhabikubwakwo, kanywesi!

7Okwôla kwârhuma Nyamuzinda akushâba buyumpa, akushugule budundu, kwârhuma akubarhûla omu cihugo, akumânyule oku igulu ly’abazîne.

8Abashinganyanya bamubona bageremw’omusisi, oku bundi bamukwame, mpu:

9«Y’oyo omwîra winyu wàbulaga bwajira Nyamuzinda lwakiro lwâge: akaz’icîkubagira obunji bw’ebirugu byâge, akaz’ilimbira ebyâha byâge!»

10Niehe kwo ndi nka muzêti gujininira omu ka-Nyamuzinda; olukogo lwa Nnâmahanga lwo ncîkubagira ensiku n’amango.

11Nakaz’ikukuza ensiku zoshi bulya wakozire, nakaz’ikuza izîno lyâwe omu masù g’abarhonyi bâwe, bulya liri linja.