Lulanga lwa 137

Owayibagira ah’omunyunyu gwâge gubà erhi arhamubà

1Erhi rhwabâga rhudahîre

oku bikunguzo by’enyîshi z’e Babiloni,

yône mirenge rhwakàgidubula

erhi kufà Siyoni mungo kurhuma.

2Kwarhuma ciru n’ennanga zîrhu rhukazimanika,

oku mirhi ya mw’eryo ihanga.

3Abarhuhekaga mw’eryo ihanga

erhi barhurhenza omu cihugo c’amasîma,

balinda bakala enshonyi z’okurhuhûna enyimbo, mpu:

«Rhuyimbiri enyimbo z’omwîshingo gw’e Siyoni.»

4Kurhigi rhwakayimba enyimbo z’okukuza Nyakasane omw’ihanga lya bene? 5Yeruzalemu wêhe aha nakakuyibagira,

nankashingâna okulyo kwâni kwahozire.

6Nêci olulimi lwâni, waliha Yeruzalemu,

luyûmire ebiraka, aha nankakuyîbagira

nîsi erhi aha nankabula kuderha oku we murhanzi omu bansimîsa.

7Kengêra Nyamwagirwa, kurhi bene Edomu bàjizîre Yeruzalemu

mpu ehyajirwe kuhika okw’ibuye lizinda.

8Kashâba we, mwâli wa Babeli,

ali w’iragi linene owabona amabî warhujirîre.

9Nêci ali w’iragi owagwârha ebirhaba byâwe

n’okubivunyungulira oku mabuye.