Lulanga lwa 130

Nyamuzinda ye shundwakwo obwonjo

1Lwimbo lwa kusôka.

Oku ndi emuhengere, Yâgirwa, nakuyâkûza.

2Waliha, yumva omulenge gwâni! amarhwîri gâwe garhegêre, gayumve izù ly’omusengero gwâni.

3Erhi wakalola ebyâha, Yâgirwa, Yâgirwa ndi wakayêra?

4Câba aha burhambi bwâwe h’obwonjo bw’ebyâha bushundwa, mpu lyo bakukolera banakukenzire.

5Niehe Nyamwagirwa ye ncîkubagîre, n’omurhima gwâni luderho lwâge gucîkubagire.

6Omurhima gwâni gudwîrhe gwagungêza Nyakasane, kulusha kula omulâlîzi agungêza obucè.

7Kulusha omulâlîzi walinga oku lukula ârhanda, Israheli alinge Nyakasane.

8Yêne ye walîkûza Israheli, oku byâha byâge byoshi.