Lulanga lwa 127

Okucîhira omu maboko ga Nyamuzinda

1Lwimbo lwa kusôka. Lwa Salomoni.

Nka Nyakasane arhayûbasiri enyumpa, abayiyûbaka erhi na busha bârhamira.

Nka Nyakasane arhalanziri olugo, omulâlîzi erhi na busha ârhamira.

2Busha mwarhamira mpu mwazûka sêzisêzi burhacica,

mpu murhajigwîshira duba, mpu murhalya ehi murharhamiri,

kàli anashobôze abarhonyi bâge banali îrò!

3Kàli abâna ngalo ya Nyakasane, akarhenga omu nda luhembo.

4Ababurhirwa ebusole, kwo bali nka bisonga omu nfune z’entwâli.

5Ali w’iragi omulume obumbire omurhana gwâge myampi ya bene eyo,

enshonyi zirhâmubumbe amango ababisha bamujà aha lusò.