BIBLIYA NTAGATIFU OMU MASHI

Lulanga lwa 121

Nyakasane ye mulanzi w’Israheli

Lwimbo. Lwa kusoka.

Ngalamulîre amasù ebwa ntondo, Lêro owantabâla ngahi ayisha?

Nyakasane ye wantabâla, ye wajiraga empingu n’igulu.

Arhâzigè okugulu kwâni kwalabuka, arhahunira omulanzi okulanga.

Nêci, arhahunga arhânahunge, omulanzi olanga Israheli.

Nyakasane ye kulanga Nyakasane ye mulanzi okuli aha burhambi.

Gubire mûshi, izûba lirhâkukomè, bubîre budufu, omwêzi gurhâkujire kurhi.

Nyakasane akucinga oku ngasi kubî, âfungira omûka gwâwe.

Akulanga omu kubalama n’omu kushubûka buno n’ensiku zoshi.

BIBLIYA NTAGATIFU OMU MASHI. Copyright © 2024 BUKAVU Mashi and other Kivu Languages Bible. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY 4.0 · SourceEdition imported 2026-10-25.