Lulanga lwa 113

Kuli Nyamuzinda w’irenge n’ow’olukogo

1Aleluya!

Mwe bambali ba Nyakasane, mukuze, mukuze izîno lya Nyakasane.

2Lij’irenge izîno lya Nyakasane, bunôla n’ensiku n’amango.

3Kurhenga ebushoshôkero bw’izûba na kuhika emunda lizikira, likuzibwe izîno lya Nyakasane.

4Nyakasane Nnâmahanga w’abantu boshi, irenge lyâge liyunjwîre empingu yoshi.

5Ndi oli aka Nyakasane Nyamuzinda wîrhu, ôbà enyanya bwenêne,

6ôyûnama kurheng’enyanya alola idako, abone ebiri empingu n’en’igulu?

7Ye rhenza omuzamba omu katulo Ye nayimanza omukenyi, amukûle oku cavu.

8Amutamaze oku ntebe haguma n’abaluzi, haguma n’abaluzi b’omulala gwâge.

9Ye tamaza owali ngumba omu nyumpa; amuhè obusîme bw’okubà nnina w’abâna.