Yozwè 19

Omwanya gwa bene Simoni

1Banaciyeshera Simoni1 naye ecigole, bo baligi b’omu mulala gwa Simoni n’amûko gâgwo: Omwanya gwâbo gwarhôlwa ekarhî k’omwanya gwa bene Yûda. 2Ogwo mwanya gwâbo gwàli gugwêrhe Ber-Seba, Seba na Molada. 3Seba, Molada, Hasari-Shuala, Bala, Esemi, 4Eltoladi, Betuli, Horma, 5Siklagi, Beti-ha-Markaboti, Hasari-Suza, 6Bet-Lebaoti na Sharuheni: ngo ikumi n’isharhu n’ebishagala byâzo. 7Ein-Rimoni, Eteri na Ashani: ngo ini n’ebishagala byâzo. 8Bahâbwa n’ebindi bishagala bizungulusire ezo ngo2, kuhika aha Baalati-Beeri, oli aha Ramati w’e Nêgebu. Gwo mwanya gw’omulala gwa bene Simoni ogwo, nk’oku amûko gâbo ganali 9Omwanya gwa bene Simoni gwakûlwa oku cigabi ca bene Yûda; bulya ecigabi ca bene Yûda càli cigali bwenêne kuli bo, na ntyo bene Simoni bahâbwa omwanya gwâbo ekarhî k’omwanya gwa bene Yûda.

Ecihugo ca Zabuloni

10Ecigole ca kasharhu cayesherwa bene Zabuloni3, nk’oku amûko gâbo ganali; olubibi lw’omwanya gwâbo lwàli luhisire e Saridi. 11Olubibi lwâbo lwàli kurhenga ebuzika-zûba olunda lw’e Mareala, lwahika kuli Dabesheti, lwahika oku mugezi guli olunda lw’e buzûka-zûba lwa Yokeneami. 12Kurhenga e Saridi gwashubira e buzûka-zûba, olunda izûba lirhenga, kuhika oku lubibi lwa Kisiloti-Tabori, lwagendihika aha Doberati, lwanacisôkera e Yafia. 13Kurhenga eyo munda lwagendigera olunda lw’e buzûka-zûba, ebushoshôkero aha Gati­ Heferi, oku lugo lwa Kasini, lwanacihika aha Rimoni, obibikanwa na Nea. 14Olubibi lwanaciyerekera olunda lw’emwênè, ebwa Hanatoni, lwagendihika omu kabanda ka Yifitaha-Eli. 15Engo zâbo zàli: Katati, Nahalali, Shimroni; Ideala na Betelehemu: ngo ikumi n’ibiri n’ebishagala byâzo. 16Ntyo kwo gwàli omwanya gwa bene Zabuloni, nk’oku amûko gâbo ganali: zo zàli ngo zâge ezo n’ebishagala byâzo.

Ecihugo ca Isakari

17Ecigole ca kani cayesherwa Isakari4, bo baligi bene Isakari, nk’oku amûko gâbo ganali. 18Olubibi lwâbo ali: Yizreeli, Kesuloti, Shunemi, 19Hafarayimi, Shioni. Anaharati, 20Rabiti, Kishioni, Abesi, 21Remeti, En-Ganimi; En-Hadad na Beti-Pasesi. 22Olwo lubibi lwahika kuli Tabora, aha Sahazima, n’aha Beti-Shemeshi, lwagendija oku Yordani: engo zâbo zàli ikumi na ndarhu n’ebishagala byâzo. 23Gwo mwanya gw’omulala gwa bene Isakari ogwo, nk’oku amûko gâbo ganali, n’engo zâbo n’ebishagala byâzo.

Ecihugo c'Aseri

24Ecigole ca karhanu canaciyesherwa omulala gwa bene Aseri5, nk’oku amûko gâbo ganali. 25Olubibi lwâbo ali Helakati, 26Hali, Beteni, Akishafi, Alameleki, Ameadi, na Misheala; lwakazâgihikira olunda lw’ebuzûka-zûba oku Karmeli6, n’oku lwîshi lwa Libna, kandi lwanacija ebushoshôkero olunda lwa Bet-Dagoni. 27Lwanacihika kuli Zabuloni n’oku kabanda ka Iftali-Eli olu­nda lw’emwênè gwa Beti-Haemeki n’ogwa Nehieli, lwagendihika aha Kabulu, 28lwajà olunda lw’ekumosho aha Abdoni, aha Rehobu, Hamoni na Kana kuhika Sidoni-Munene. 29Olubibi lwayêrekera olunda lw’e Rama, kuhika oku lugo luzibuzibu lwa Tiri. Olugo lwanacija olunda lw’e Hosa, lwagendihwêra oku nyanja e Mahaleb. 30Mahalabi, Akizibi, kuguma n’Uma, Afeki na Rehobu: ngo makumi abiri n’ibiri n’ebishagala byâzo. 31Gwo gwàli mwanya gw’omulala gwa bene Aseri ogwo, nk’oku amûko gâbo ganali: engo n’ebishagala byâzo.

Ecihugo ca Nefutali

32Ecigole ca kali ndarhu cayesherwa bene Nefutali, nk’oku amûko gâbo ganali. 33Olubibi lwâbo lwàli kurhenga e Helefi kuhika oku mwelo gwa Saananimi, olunda lw’ebuharhana bw’Adami-Nekebu na Yabneeli, kuhika aha Lakumi, lwagendija oku Yordani. 34Olubibi lwagera olunda lw’ebuzika-zûba aha Azinoti-Tabora, na kurhenga aho, lwagendija e Hukoki; lwahika kuli Zabuloni, omu karhî, lwahika kuli Aseri olunda lw’ebuzika-zûba, na kuli Yordani emunda izûba lirhenga. 35Engo zâbo nzibu zàli: Sidimi, Seri, Hamati, Rakati, 36Kinereti, Adama, Rama, Hasori, 37Kedesi, Edreyi, Eni-Hasori, 38Yireoni, Migidali-Eli, Horemi, Beti-Anati na Bet-Shemeshi: ngo ikumi na mwenda n’ebishagala byâzo. 39Gwo mwanya gw’omulala gwa bene Nefutali7 ogwo, nk’oku amûko gâbo ganali, engo n’ebishagala byâzo.

Ecihugo ca Dani

40Ecigole ca kali nda cayesherwa omulala gwa bene Dani8, nk’oku amûko gâbo ganali. 41Ecihugo càli mwanya gwâbo càli cigwêrhe Sorea, Eshtaoli, Ir­ Shemeshi, 42Shaalabini, Ayaloni, Itla, 43Eloni Timna, Ekroni, 44Elteke, Gibetoni, Baalati, 45Azari yerigi Yehudi na, Bene Beraka, Gati-Rimoni; 46n’olunda lw’ebuzika-zûba lw’enyanja Rakoni, ecihugo càli ah’ishiriza lya Yope. 47Ecihugo ca bene Dani càli cirhalusire aha bâli bahîrwe, bulya mango maguma bene Dani banacisôka banacigendilwîsa Leshem banacimuhima, ba­namugeza oku bwôji bw’engôrho; erhi babà bamanyaga eco cihugo, baciyûbaka, banaciyîrika izîno lya Layishi-Dani, bacîhà izîno lya Dani, îshe wâbo. 48Kwo kàli ntyo akashambala k’omulala gwa bene Dani, nk’oku amûko gâbo ganali: engo zâbo n’ebishagala byâzo.

Ecihugo ca Yozwè

49Erhi bayûsa bayûbaka engo zâbo, kulya ngasi baguma banajâga bahâbwa, bene Israheli banacihà Yozwè mugala wa Nuni9 ishwa, gwo gwâge mwanya omu karhî kâbo, Timnati. 50Oku irhegeko lya Nyakasane, banacimuhà olugo ahûnaga, Timnati-Serahi10, omu ntondo ya Efrayimu. Ayûbaka olwo lugo anabêramwo.

Okufundika

51Eyo myanya omudâhwa Eleazari, Yozwè mugala wa Nuni n’abarhambo b’enyumpa za ngasi milala ya bene Israheli bagabiraga Bene Israheli n’ecigole aha Silo, embere za Nyakasane, aha muhango gw’ihêma ly’embugânano. Kwo bayûsizagye ntyo okugabâna ecihugo.