Yeremiya 45

Akanwa k’okurhûliriza Baruki

1Binwa omulêbi Yeremiyahu abwîraga Baruki, mugala wa Neriya, amango Baruki ayandikaga ebi binwa na Yeremiyahu adwîrhe amuyandikîsabyo, mwâka gwa kani gwa Yehoyakimu, mwene Yoshiyahu, mwâmi w’e Yûda. 2Kwo Nyakasane, Nyamuzinda wa Israheli adesire ntya kuli Baruki: 3«Kulya kubà wadesire, erhi: Namâhera bulya Nyakasane ambîkîre enundo y’amarhangulo n’amalibuko, narhamire n’okuniha ntanahumûka ciru n’ehitya». 4Ntya kwo Nyakasane adesire: «Eyi nali namâyûbaka nayishâba, ebi nali namârhwêra nabishugula: igulu lyoshi nâhukula. 5Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».