Olushika

OLUSHIKA

Enshokolezi

Eci citabu ciderhwa ntyo bulya cishambâla oku biyêrekîre amarhegeko Israheli ahâbagwa na Nyamuzinda oku Sinayi. Mûsa akengêza bene Israheli ago marhegeko bahâbagwa erhi batamîre omu lubanda lw’e Mowabu. Ago marhegeko gayêrekîre akalamo k’abantu n’idini. Ago marhegeko gakulikirwa n’emyanzi y’akalamo kazinda ka Mûsa: Okurhumwa kwa Yozwe, ennanga n’omugisho gwa Mûsa, olufù lwa Mûsa. Eyo myanzi ekengêza okurhenga e Mîsiri n’oku Sinayi n’obulangalire bw’obucire. Eci citabu cikengêza amarhegeko ga Nnâmahanga n’amalaganyo ekarhî ka Nnâmahanga na Israheli. Nyamuzinda acîshoga olubaga lwa Israheli ekarhî k’agandi mashanja goshi mpu lubè lubaga lwâge. Alaganya olubaga lwâge okuluhà ecihugo citagatîfu. Lwayishihâbwa eco cihugo erhi lwankashimba amarhegeko gâge. Erhi Bene Israheli bayûs’iyumva amarhegeko g’ago malaganyo, balama omu murhûla n’omu nshagali. Ci kwône barhamuyumvagya ngasi mango; bavuna irhegeko lyâge. Nyamuzinda naye abahana, abahira omu malibuko n’omu mbaka. Ebikulikirîne omu citabu c’olushika biri bigabi birhanu binene:

1. Enyigirizo ntanzi za Mûsa: cigabi

2. Enyigirizo za kabirhi za Mûsa: cigabi

3. Amarhegeko ga Nnâmahanga: cigabi

4. Enyigirizo nzinda: cigabi

5. Okusêzera n’okufà kwa Mûsa: cigabi