USHAMA
Matta 8
Yesu E Rumigetumi Bot Bo Hono E Turyaha
Na Yesu kazhiya̱ zaat mushama, ato dinya a ragaga ek. Pa bone bozhe turyaha, bo kore wo eb bo hunka̱ na bishina̱ be eb bwangya, <<Bot butuwaga, shi bukudage, bopwa kana rumigya̱tum >>. Pa Yesu e tuta wa eb pa eb nyange, <<Na yado na bugus, ush bot bone buza turiya.>> kapaba hone kingi ka eb kareki rumigya̱. pa Yesu nyange na eb, <<Yingyana o ta zwama na ko gane paare, ama kura umachi ibane reto na rebe wo pirist, pa henda uhanchi no be ta ichibaga e musa nyange. gab shi na ni zwam a daki ne zwama burimugiu >>.
Yesu E Rumigyatumi Bwabot Bo Gas
Ta Yesu e esh kaparnahu, pa bot bo gas bo roma bo kure wo eb bobeshi gembo ne zwam, Nyange <<Bot butuwaga, bwa na bumi boyo rabche bomaringeu hwehwe bo on hogetuzuma dinya.>> Pa Yesu nyange na bob, <<Na kure na bu rumigya tum boik>> Pa bot butuwaga bo gas bo roma buchane bwangya, <<Bot Butuwaga, na dama gab kurya yab nimi ba, ama sha taze kurum, bone bona owengeu tugyam bwa rumigeu. Zwam gem ma nayo reto rebot mai, Nazhe handa ato gas reto na remi, na shaku zwam nabone, <karigya,> e be karigya, botomai henda gyam zwama boik, <kurya> e be kurya, gem zwama bugyam na bumi, <she iyi mai,>ebe shi.>> Na Yesu e hoge nani pa eb ishi kadana, pa eb ezwama ana sob ek, <<Tamahinda na raga ke zwama, kopa isra ila na tabe hiya bot boi tano e so e mahore ta eba. Na raga ke zwammagaa, udubu o ato owa sher bando zaat na retowa a shani re kuryago taba na Ibrahim na Ishaku na Yakubu na tugwama to turwana. Ama ato ana a shanu na tugwama tuni a tago yek pa udubu o tunsh pab yek ashi tudaro ne hakango e hera.>> Pa Yesu nyange na bot butuwaga bo gas bo roma <<kora, a bu shageu ta gab tane so nobe.>>Kapaba bugyam bo bob burumigi.
Yesu e Rumigyatumi Iniu e Bitrus
Na Yesu e esh yaba e esh yab e Bitrus, pa e be ha̱ him e Bitrus eb rabcha, kingi keka damage ek. Pa eb e da̱ri wa e bob,kingi ka ragi rumigya, pa bob ba mashinge bushagi ek hidim.
Na reb ush ato a shibkane Yesu ato Mophar mowo dinya, pa eb e sheratume Mophar mote wo taje kurum pa Yesu e rumigyatumi ana rumagi. Ishi nani zwam a shinji ene yaba zwam na yinu boink bando hatuma wato Ishaya ne zwam,
<<E be jhangi mahone hone na mati,
E be yanshe kuchi mahone hone na mati>>
Ane a zwame a sob Yesu
Na Yesu e hya udubu owato a ringa ek, pa eb nyangya a kachiya hiro o rwaga. Pa Umarumi o mai oichibagano ataura e kure a zwama ek, <<Umarumi, nabo swab kuchi wo gabwa koro.>> Pa Yesu nyange na eb, <<Shawa she a hir shi za a hambi a shib, munono henda muzha a huga a murab mo mub. ama bwa bo bot bu za rihuga re bob bwa tano reto re bob ba.>> Bomai bando aswab bwange na eb, <<Botʻbutuwaga, ga nakure na wumba buchi na bumi ka tumo.>> Ama Yesu nyange na eb <<Na swabe, ga ato na owa a wumba̱ ato a ba na owa >>.
Yesu e Pasa Yiru Shira̱
Ta Yesu e eshe ugu o mani, pa aswabo a bone eb a ragaga ek. pa yiru owa shira na opher umashinge na rwaga har mani maraga kamashingyage isaga na so ugu, ama Yesu e yo pab e rabuch. Pa swabo a buna eb a kore a yinshingatume ek, <<Bot'butuwaga, tu chage twaʻu! >>.
Pa Yesu nyange naba, <<Zwan nya gahi hoge ryasa nane? gashi ato gahi tani so nuhi chimu.>> Pa eb a mashinge apasa pher na rwaga, pa rihig rini iragashi tsit.
Ato ashi kadana angya <<Iri bot bwana buni, bone bu pher na rwaga a hoge boik! > >.
Yesu e Rumigyatumi Ato Baryagya̱ Muphar Mowo
Na Yesu e kachiya hiro o ri, koro tunge to gorasinawa, ato baragya a shere bando ab wumba̱ ato pa ba ma hare na eb. e ka shiu ato a ne a ba hoge ryasa ryaba dinya har aza ma bu ne bu pwa ura yina uniya̱. << Kapaba, kapaba paba sanga muʻogo angya, <<Inga ronuhi na gatu, gab bwa bo Onhon? umbu bu kore zwam tu pa maduru kape mugeta mu shinji? >>.
Tusha chimu sherwa shi yo dinya shi on rihuba. mupyar mowo mu ka̱ba̱ Yesu mwange, <<Shi bu tu shiryatume, gab sape to esh udubu o sherwa shi ne>>. Pa Yesu nyange naba, <<To, karegenji!>> Pa mob mu shere mo esh na so sherwa, pa udubu o sherwa o mashinge na somo sarai shi kazhagi, pa sheb she esh na so rwaga, pa sheb she owagi na so mani. Ato ana on rihuba a sheb a karege, taba esh shepo paba zwama ato alabare a ne e pare na ato muphar mowo. kuchi ato shepo uni a sher zwam ek a sumga Yesu. Naba hya̱ ek, pa a ba ange na eb e ge tonge twaba.
USHAMA. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.