USHAMA
Matta 22
Egagau rago ushiya
Pa Yesu e shagya̱ka̱ yek taaje na egagau nyange, <<E gagau tugwama to turwana na bugwam bo mai bone bo shage bwa bob rago ushiyana. Botuma agyam bob a ugagya ato a eb e tuma yek rago, ama ato a ba zwama yek a kurwaba ya.
E tumaka agyam eb a mai nyange, <Ezwama ane ab zwama nezwam,> <<Hingyana gyamagbon na shiu kuryago, a shiro na e bura̱ ene ya̱ ba panga yek kuryago honjhe. A hwagu shi koya̱. e kuragya rago oni.> Ama yeka hogo ba a karige iyaba, Bomai bo kore sanga bob, enk ekore bando o sanga eb, Ama henda a huma a gyama a supagi yek, har a honage yek riʻu Bugwam henda bu gas a boba a honage yek riʻu, pa ba tuki shepo waba ora kuchi Panani e be nyange na agyam eb, <A hwogo kimga rago, Ama ane ab zwammagaa yek a ma gegi ba. Zwam nani e swabe yina-yina ezwame na kuchi bone bo gahi bangi bu korya rago .> Agyam ni henda a swabe yina-yina a be amagane ane ab bangi, a bura̱ na ane aza a bura̱, har rihuga̱ re ushiyana re shiji na ato dinya.
<<Na bugwam bo esh zwam bo hya̱ ato dinya, pa bob bo hya̱ bot mai bo bwada apo a rago ba. Pa bob bwange na bot boni, <Buchagiya inga ba shi bo esh pani gab boda apo a rago ba?>Ama bot boni bo nagik ene bob bwa chano.
Na bugwam bwange na ane a shige boik enk, <E parage bone eb na wa eb etage ek na so tunshi, pab bob bwashi tudaro na tore to hera̱ >.
<<Zwam,Onhon ogage ato dinya ama chimu ab yinga̱.
E Ka̱ba̱ Zwam Etopago e Gandu Wo Kaisar.
Pa parisiyawa a kore ama zwama ta ba supi ek na taaje. Pa ba a tuma aswabo ab taba̱ na ato mai a Hiridus, ange, <<Umarumi, ai, tudaki gab shi bot bo mahinda ke chibagano o yena Onhon gab onshi, bo za tara o koga, zwam bo zhangi koga na koga honzhe. Tu zwama ne gab ha̱. shin oyo honzhe nezwama to tope kaisar gandu, ko henda >>.
Yesu henda zwam egano mugunta mwaba, pa eb nyange naba, <<Zwam ya̱ gahi on kana gwadaga? gahi oramahuta! Ena chibanya ikurubi gandu.>> <<Pa ba zhengi ek dinare. Pa Yesu nyange naba, <<Uhoto one na reze rine ishi ga̱?>> Pa ba ange, <<Ishi o kaisar.>>Pa eb nyange naba, <<To, e pa kaisar ene shi e kaisar , hende a pa Onhon eni shi Onhon. Ta ab hoge ene Yesu echane, pa ba shi iyaheni paba ge ek, paba shi tuhano twaba.
Eka̱ba̱ Zwam Emashingyago Nya̱ ne a Owagi
Na oho ni, sadukiya a mai a kore wo Yesu. Ab ne a oin zwammagaa ne zwama e mashingiu e ana owagi eza. Na ba ka̱ba̱ ek, Pa ba ange, <<Umarumi, musa owange, <Shi bot boʻu bo za bwa, buhu bo bot bo shinya bwaa zwam bo machie boik bwa.> A shiu a mai a huwa a tandare wo gatu. bo Jigu boshiu ushina ta bob boʻu, bo mato ba, na eb e gage buhu bo eb bwaa. Nani henda ushi wo bo rari na bo tato, har uwutago bo tandare. Wari pab bwaa boʻu To, oho o mashingiu e ana owagi, bwaa boi shi bo ga, ab tandara? zwam kuchi a shiya boik >>.
Pa Yesu e chane yek nyange, <<Epu ne zwam gahi dakiwa̱ ataka̱, henda e dakewo mahore ma Onhon ba. Zwam oho e mashingiu e ana owagi u shanagi o za, u shibkano ushiyana o za, zwam ashi ta tumana hagamba a Onhon na turwana. Henda zwam e mashingiu e ana owagi, etabo zazaba ene e Onhon zwame ba? A zabago ne zwam, <Gem ne Onhon o Ibrahim, Onhon Ishaku, Onhon Yakubu.> obo shi Onhon owato muhundo ba owato owagu-owagu ba >>.
Na udubu owato o hoge nani, pa ba shi iyaha̱ni na e chibagano eb.
Inyaso Ene e Henge Tuwaga.
Ta parisiyawa a hoge Yesu e unzagi a sadukiyawa, pa ab matarage. Umai Umarumi, oi chibagano e musa wo ab o ka̱ba̱ Yesu zwam o maka̱ ek. Owange, <<Umarumi, imai inyanso ene e hyange tuwaga wo inyansago >>.
Yesu e chane nyange, <<Okudage Onhon nobe kuchi na so nobe, kuchi na muhondo na mobe, kuchi na turinge na tobe.>> Oni obo shi inyaso e Jigu, henda one o hyange tuwaga. O rare ma oyo ta ujigu, o kuda bot marangu namabe ta gab kudage reto na rebe. Bando esapo ete irya̱, kuchi e chibagano e musa na mupas mu hatuma mu nsa̱ra̱>>.
Eka̱ba̱ zwam Bot-bwakimga
Na parisiyawa ama tatrage rihuga̱ ringa̱ pa Yesu e ka̱ba̱ yek Nyange, <<Inga ene yo naso nuhi wo Botʻbwakimga? bwa bo ga >>.
Pa ba ange na eb, <<Bwa bo Dauda >>.
Pa Yesu nyenga naba, <<To, inga Dauda na mahore ma uhuchi, owange na eb <Bot-butuwaga>? Har owange,
<< <Botʻbutuwaga bwange na Botʻbutuwaga na bumi:
<<Shanu pate na wa numi o katoga
Na tano a chagiya a bita na be
Na sapo achagiya a bitaga a be na mapunda na mabe.>> >
<<Shi Dauda o ogago Bot-bwakimga<Bot-butuwaga, to inga Bot-bwakimga bushi bwa bo eb >>.
Ba bone bo chane ek ba. Gagu ohoni ba bone bo shaka̱ ma hore maso bo kaba ek ba.
USHAMA. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.