طِطُس

طِطُس دے ناں پولُس رسُول دا خط

پیش لفظ

پولُس رسُول ایہ خط آپنڑے ہم خدمت طِطُس کُوں لِکھیا، جیہڑا اُونکُوں بہُوں عزیز ہا تے جِیندے اُتے او فخر وی کریندا ہا۔ پولُس رسُول اُونکُوں کریتے جزیرہ دی کلیسیا کُوں تعلیم ڈیوݨ کیتے مقرر کیتا کیوں جو کریتے دے لوک آپنڑی بد اِخلاقی پارُوں بہُوں بدنام ہَن۔

پولُس رسُول طِطُس کُوں ہدایت کریندے جو اوہ غلط تعلیم ڈیوݨ آلیاں کُوں ملامت کرے تے چنگے نگہبان مقرر کرے جیہڑے نیک ہووݨ۔ او ایہ وی ہدایت کریندے جو ہِک سچے اِیماندار کُوں پاک، تابع دار تے نیکی کرݨ ءچ مصروف راہونڑا چاہیدے، تے لوکاں کُوں صرف گالھیں نال ای نئیں بلکہ نیک کردار نال وی مسیح کولھ گِھن آوݨ دی کوشش کرنڑی چاہیدی ہے۔