عبرانیوں

عبرانیاں دے ناں خط

پیش لفظ

ایہ خط اُنہاں مسیحی اِیمانداراں دے ناں ہے جیہڑے یہُودی نسل تُوں ہَن تے آپنڑے اِیمان دی خاطر ڈُکھ چیندے پئے ہَن۔ خط دا مقصد اُنہاں دی حوصلہ افزائی کرݨ ہے تاں جو او آپنڑا اِیمان چھوڑ تے آپنڑیاں پُرانڑیاں یہُودی رسماں دو واپس نہ ونجنڑ جِنہاں دا نجات تے راستبازی نال کوئی تعلق نئیں۔

ایہ خط بیان کریندے جو مسیح سبھ فرشتیاں تُوں، مُوسیٰ تُوں، شریعت تُوں، پُرانڑے عہد تُوں، قُربانیاں تُوں تے پہلے آلے یکے کاہِناں تُوں بہُوں اعلیٰ ہے۔ صرف اُوہو گُناہاں دا کفارہ تے نجات ڈیوݨ آلا ہے۔ اِیں واسطے بیشک اِیں دُنیا ءچ ہِک اِیماندار کُوں مسیحی خدمت پارُوں ڈُکھ برداشت کرنڑا پوندے، پر اُونکُوں وفاداری نال آپنڑے مسیحی اِیمان اُتے قائم راہونڑا چاہیدے کیوں جو آخرت ءچ اِیندا اجر ضرور مِلسی۔