اِفِسیوں

اِفِسیوں دے ناں پولُس رسُول دا خط

پیش لفظ

ایہ خط پولُس رسُول اِفِسُس شہر دے اِیمانداراں کُوں لِکھیا۔ اُوں ویلے او روم شہر ءچ قید ہا۔ خط دے شروع ءچ او بیان کریندے جو نجات خُدا دے فضل تے محبت نال تے مسیح اُتے اِیمان گِھن آوݨ نال مِلدی ہے۔

اِفِسُس دے مسیحی مختلف قوماں تے نسلاں نال تعلق رکھیندے ہَن۔ پولُس رسُول اُنہاں کُوں ایہ تعلیم ڈیندے جو مسیح دا بدن ہوندے ہوئے ساکُوں اِتفاق تے میل مِلاپ نال زندگی گُزارنڑی چاہیدی ہے تے ایہ وی جو اِیں بدن دا پاک تے بے عیب ہووݨ تے ترقی کرݨ بہُوں ضروری ہے۔

او جماعت دے ہر فرد مثلاً پایاں کُوں، ذالاں کُوں، نوجواناں کُوں، نوکراں کُوں تے مالکاں کُوں نصیحت کریندے جو مسیح دے لوک ہوندے ہوئے کِینویں زندگی گُزارنڑی چاہیدی ہے۔ پولُس رسُول کلیسیا کُوں ڈسیندے جو شیطان تے بُرائی دیاں طاقتاں دے خلاف رُوحانی جنگ کرݨ دا ویلا آ گئے۔ اِیں واسطے کلیسیا کُوں رُوحانی ہتھیار چا تے ہر ویلے تیار راہونڑا چاہیدے۔