کلُسِّیوں

کلُسِّیوں دے ناں پولُس رسُول دا خط

پیش لفظ

پولُس رسُول ایہ خط کلُسے شہر دے اِیمانداراں کُوں لِکھیا۔ او اُوں ویلے روم شہر ءچ قید ہا۔

کلُسے دی کلیسیا ءچ ایجھے لوک موجود ہَن جیہڑے مسیح دے خلاف تعلیم ڈیندے ہَن۔ اِیں واسطے پولُس اُنہاں کُوں مسیح دی شخصیت دے بارے ءچ تعلیم ڈیندے جو او پُوری کائنات دا مالک ہے تے دُنیا ءچ لوکاں کُوں نجات ڈیوݨ کیتے آیا۔ او کلیسیا دا سِر ہے تے کلیسیا اُوندے ءچ ای زندہ ہے۔ پولُس رسُول کلُسے دے اِیمانداراں کُوں تاکید کریندے جو او اُنہاں لوکاں تُوں ہوشیار راہوݨ جیہڑے شرک آلی سوچ کُوں فلسفے دی شکل ءچ پیش کریندن۔