པྲཀཱཤིཏཾ 5

1ཨནནྟརཾ ཏསྱ སིཧཱསནོཔཝིཥྚཛནསྱ དཀྵིཎསྟེ ྅ནྟ རྦཧིཤྩ ལིཁིཏཾ པཏྲམེཀཾ མཡཱ དྲྀཥྚཾ ཏཏ྄ སཔྟམུདྲཱབྷིརངྐིཏཾ།

2ཏཏྤཤྩཱད྄ ཨེཀོ བལཝཱན྄ དཱུཏོ དྲྀཥྚཿ ས ཨུཙྩཻཿ སྭརེཎ ཝཱཙམིམཱཾ གྷོཥཡཏི ཀཿ པཏྲམེཏད྄ ཝིཝརཱིཏུཾ ཏམྨུདྲཱ མོཙཡིཏུཉྩཱརྷཏི?

3ཀིནྟུ སྭརྒམརྟྟྱཔཱཏཱལེཥུ ཏཏ྄ པཏྲཾ ཝིཝརཱིཏུཾ ནིརཱིཀྵིཏུཉྩ ཀསྱཱཔི སཱམརྠྱཾ ནཱབྷཝཏ྄།

4ཨཏོ ཡསྟཏ྄ པཏྲཾ ཝིཝརཱིཏུཾ ནིརཱིཀྵིཏུཉྩཱརྷཏི ཏཱདྲྀཤཛནསྱཱབྷཱཝཱད྄ ཨཧཾ བཧུ རོདིཏཝཱན྄།

5ཀིནྟུ ཏེཥཱཾ པྲཱཙཱིནཱནཱམ྄ ཨེཀོ ཛནོ མཱམཝདཏ྄ མཱ རོདཱིཿ པཤྱ ཡོ ཡིཧཱུདཱཝཾཤཱིཡཿ སིཾཧོ དཱཡཱུདོ མཱུལསྭརཱུཔཤྩཱསྟི ས པཏྲསྱ ཏསྱ སཔྟམུདྲཱཎཱཉྩ མོཙནཱཡ པྲམཱུཏཝཱན྄།

6ཨཔརཾ སིཾཧཱསནསྱ ཙཏུརྞཱཾ པྲཱཎིནཱཾ པྲཱཙཱིནཝརྒསྱ ཙ མདྷྱ ཨེཀོ མེཥཤཱཝཀོ མཡཱ དྲྀཥྚཿ ས ཚེདིཏ ཨིཝ ཏསྱ སཔྟཤྲྀངྒཱཎི སཔྟལོཙནཱནི ཙ སནྟི ཏཱནི ཀྲྀཏྶྣཱཾ པྲྀཐིཝཱིཾ པྲེཥིཏཱ ཨཱིཤྭརསྱ སཔྟཱཏྨཱནཿ།

7ས ཨུཔཱགཏྱ ཏསྱ སིཾཧཱསནོཔཝིཥྚཛནསྱ དཀྵིཎཀརཱཏ྄ ཏཏ྄ པཏྲཾ གྲྀཧཱིཏཝཱན྄།

8པཏྲེ གྲྀཧཱིཏེ ཙཏྭཱརཿ པྲཱཎིནཤྩཏུཪྻིཾཾཤཏིཔྲཱཙཱིནཱཤྩ ཏསྱ མེཥཤཱཝཀསྱཱནྟིཀེ པྲཎིཔཏནྟི ཏེཥཱམ྄ ཨེཀཻཀསྱ ཀརཡོ ཪྻཱིཎཱཾ སུགནྡྷིདྲཝྱཻཿ པརིཔཱུརྞཾ སྭརྞམཡཔཱཏྲཉྩ ཏིཥྛཏི ཏཱནི པཝིཏྲལོཀཱནཱཾ པྲཱརྠནཱསྭརཱུཔཱཎི།

9ཨཔརཾ ཏེ ནཱུཏནམེཀཾ གཱིཏམགཱཡན྄, ཡཐཱ, གྲཧཱིཏུཾ པཏྲིཀཱཾ ཏསྱ མུདྲཱ མོཙཡིཏུཾ ཏཐཱ། ཏྭམེཝཱརྷསི ཡསྨཱཏ྄ ཏྭཾ བལིཝཏ྄ ཚེདནཾ གཏཿ། སཪྻྭཱབྷྱོ ཛཱཏིབྷཱཥཱབྷྱཿ སཪྻྭསྨཱད྄ ཝཾཤདེཤཏཿ། ཨཱིཤྭརསྱ ཀྲྀཏེ ྅སྨཱན྄ ཏྭཾ སྭཱིཡརཀྟེན ཀྲཱིཏཝཱན྄།

10ཨསྨདཱིཤྭརཔཀྵེ ྅སྨཱན྄ ནྲྀཔཏཱིན྄ ཡཱཛཀཱནཔི། ཀྲྀཏཝཱཾསྟེན རཱཛཏྭཾ ཀརིཥྱཱམོ མཧཱིཏལེ༎

11ཨཔརཾ ནིརཱིཀྵམཱཎེན མཡཱ སིཾཧཱསནསྱ པྲཱཎིཙཏུཥྚཡསྱ པྲཱཙཱིནཝརྒསྱ ཙ པརིཏོ བཧཱུནཱཾ དཱུཏཱནཱཾ རཝཿ ཤྲུཏཿ, ཏེཥཱཾ སཾཁྱཱ ཨཡུཏཱཡུཏཱནི སཧསྲསཧསྟྲཱཎི ཙ།

12ཏཻརུཙྩཻརིདམ྄ ཨུཀྟཾ, པརཱཀྲམཾ དྷནཾ ཛྙཱནཾ ཤཀྟིཾ གཽརཝམཱདརཾ། པྲཤཾསཱཉྩཱརྷཏི པྲཱཔྟུཾ ཚེདིཏོ མེཥཤཱཝཀཿ༎

13ཨཔརཾ སྭརྒམརྟྟྱཔཱཏཱལསཱགརེཥུ ཡཱནི ཝིདྱནྟེ ཏེཥཱཾ སཪྻྭེཥཱཾ སྲྀཥྚཝསྟཱུནཱཾ ཝཱགིཡཾ མཡཱ ཤྲུཏཱ, པྲཤཾསཱཾ གཽརཝཾ ཤཽཪྻྱམ྄ ཨཱདྷིཔཏྱཾ སནཱཏནཾ། སིཾཧསནོཔཝིཥྚཤྩ མེཥཝཏྶཤྩ གཙྪཏཱཾ།

14ཨཔརཾ ཏེ ཙཏྭཱརཿ པྲཱཎིནཿ ཀཐིཏཝནྟསྟཐཱསྟུ, ཏཏཤྩཏུཪྻིཾཤཏིཔྲཱཙཱིནཱ ཨཔི པྲཎིཔཏྱ ཏམ྄ ཨནནྟཀཱལཛཱིཝིནཾ པྲཱཎམན྄།