Sanskrit Bible (NT) in Tibetan Script (སཏྱཝེདཿ།)
ཨིབྲིཎཿ 5
ཡཿ ཀཤྩིཏ྄ མཧཱཡཱཛཀོ བྷཝཏི ས མཱནཝཱནཱཾ མདྷྱཱཏ྄ ནཱིཏཿ སན྄ མཱནཝཱནཱཾ ཀྲྀཏ ཨཱིཤྭརོདྡེཤྱཝིཥཡེ྅རྠཏ ཨུཔཧཱརཱཎཱཾ པཱཔཱརྠཀབལཱིནཱཉྩ དཱན ནིཡུཛྱཏེ།
ས ཙཱཛྙཱནཱཾ བྷྲཱནྟཱནཱཉྩ ལོཀཱནཱཾ དུཿཁེན དུཿཁཱི བྷཝིཏུཾ ཤཀྣོཏི, ཡཏོ ཧེཏོཿ ས སྭཡམཔི དཽརྦྦལྱཝེཥྚིཏོ བྷཝཏི།
ཨེཏསྨཱཏ྄ ཀཱརཎཱཙྩ ཡདྭཏ྄ ལོཀཱནཱཾ ཀྲྀཏེ ཏདྭད྄ ཨཱཏྨཀྲྀཏེ྅པི པཱཔཱརྠཀབལིདཱནཾ ཏེན ཀརྟྟཝྱཾ།
ས གྷོཙྩཔདཿ སྭེཙྪཱཏཿ ཀེནཱཔི ན གྲྀཧྱཏེ ཀིནྟུ ཧཱརོཎ ཨིཝ ཡ ཨཱིཤྭརེཎཱཧཱུཡཏེ ཏེནཻཝ གྲྀཧྱཏེ།
ཨེཝམྤྲཀཱརེཎ ཁྲཱིཥྚོ྅པི མཧཱཡཱཛཀཏྭཾ གྲཧཱིཏུཾ སྭཱིཡགཽརཝཾ སྭཡཾ ན ཀྲྀཏཝཱན྄, ཀིནྟུ "མདཱིཡཏནཡོ྅སི ཏྭམ྄ ཨདྱཻཝ ཛནིཏོ མཡེཏི" ཝཱཙཾ ཡསྟཾ བྷཱཥིཏཝཱན྄ ས ཨེཝ ཏསྱ གཽརཝཾ ཀྲྀཏཝཱན྄།
ཏདྭད྄ ཨནྱགཱིཏེ྅པཱིདམུཀྟཾ, ཏྭཾ མལྐཱིཥེདཀཿ ཤྲེཎྱཱཾ ཡཱཛཀོ྅སི སདཱཏནཿ།
ས ཙ དེཧཝཱསཀཱལེ བཧུཀྲནྡནེནཱཤྲུཔཱཏེན ཙ མྲྀཏྱུཏ ཨུདྡྷརཎེ སམརྠསྱ པིཏུཿ སམཱིཔེ པུནཿ པུནཪྻིནཏིཾ པྲརྠནཱཉྩ ཀྲྀཏྭཱ ཏཏྥལརཱུཔིཎཱིཾ ཤངྐཱཏོ རཀྵཱཾ པྲཱཔྱ ཙ
ཡདྱཔི པུཏྲོ྅བྷཝཏ྄ ཏཐཱཔི ཡཻརཀླིཤྱཏ ཏཻརཱཛྙཱགྲཧཎམ྄ ཨཤིཀྵཏ།
ཨིཏྠཾ སིདྡྷཱིབྷཱུཡ ནིཛཱཛྙཱགྲཱཧིཎཱཾ སཪྻྭེཥཱམ྄ ཨནནྟཔརིཏྲཱཎསྱ ཀཱརཎསྭརཱུཔོ ྅བྷཝཏ྄།
ཏསྨཱཏ྄ ས མལྐཱིཥེདཀཿ ཤྲེཎཱིབྷུཀྟོ མཧཱཡཱཛཀ ཨཱིཤྭརེཎཱཁྱཱཏཿ།
ཏམདྷྱསྨཱཀཾ བཧུཀཐཱཿ ཀཐཡིཏཝྱཱཿ ཀིནྟུ ཏཱཿ སྟབྡྷཀརྞཻ ཪྻུཥྨཱབྷི རྡུརྒམྱཱཿ།
ཡཏོ ཡཱུཡཾ ཡདྱཔི སམཡསྱ དཱིརྒྷཏྭཱཏ྄ ཤིཀྵཀཱ བྷཝིཏུམ྄ ཨཤཀྵྱཏ ཏཐཱཔཱིཤྭརསྱ ཝཱཀྱཱནཱཾ ཡཱ པྲཐམཱ ཝརྞམཱལཱ ཏཱམདྷི ཤིཀྵཱཔྲཱཔྟི ཪྻུཥྨཱཀཾ པུནརཱཝཤྱཀཱ བྷཝཏི, ཏཐཱ ཀཋིནདྲཝྱེ ནཧི ཀིནྟུ དུགྡྷེ ཡུཥྨཱཀཾ པྲཡོཛནམ྄ ཨཱསྟེ།
ཡོ དུགྡྷཔཱཡཱི ས ཤིཤུརེཝེཏིཀཱརཎཱཏ྄ དྷརྨྨཝཱཀྱེ ཏཏྤརོ ནཱསྟི།
ཀིནྟུ སདསདྭིཙཱརེ ཡེཥཱཾ ཙེཏཱཾསི ཝྱཝཧཱརེཎ ཤིཀྵིཏཱནི ཏཱདྲྀཤཱནཱཾ སིདྡྷལོཀཱནཱཾ ཀཋོརདྲཝྱེཥུ པྲཡོཛནམསྟི།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.