Sanskrit Bible (NT) in Tibetan Script (སཏྱཝེདཿ།)
༡ ཏཱིམཐིཡཿ 1
ཨསྨཱཀཾ ཏྲཱཎཀརྟྟུརཱིཤྭརསྱཱསྨཱཀཾ པྲཏྱཱཤཱབྷཱུམེཿ པྲབྷོ ཪྻཱིཤུཁྲཱིཥྚསྱ ཙཱཛྙཱནུསཱརཏོ ཡཱིཤུཁྲཱིཥྚསྱ པྲེརིཏཿ པཽལཿ སྭཀཱིཡཾ སཏྱཾ དྷརྨྨཔུཏྲཾ ཏཱིམཐིཡཾ པྲཏི པཏྲཾ ལིཁཏི།
ཨསྨཱཀཾ ཏཱཏ ཨཱིཤྭརོ྅སྨཱཀཾ པྲབྷུ ཪྻཱིཤུཁྲཱིཥྚཤྩ ཏྭཡི ཨནུགྲཧཾ དཡཱཾ ཤཱནྟིཉྩ ཀུཪྻྱཱསྟཱཾ།
མཱཀིདནིཡཱདེཤེ མམ གམནཀཱལེ ཏྭམ྄ ཨིཕིཥནགརེ ཏིཥྛན྄ ཨིཏརཤིཀྵཱ ན གྲཧཱིཏཝྱཱ, ཨནནྟེཥཱུཔཱཁྱཱནེཥུ ཝཾཤཱཝལིཥུ ཙ ཡུཥྨཱབྷི རྨནོ ན ནིཝེཤིཏཝྱམ྄
ཨིཏི ཀཱཾཤྩིཏ྄ ལོཀཱན྄ ཡད྄ ཨུཔདིཤེརེཏཏ྄ མཡཱདིཥྚོ྅བྷཝཿ, ཡཏཿ སཪྻྭཻརེཏཻ ཪྻིཤྭཱསཡུཀྟེཤྭརཱིཡནིཥྛཱ ན ཛཱཡཏེ ཀིནྟུ ཝིཝཱདོ ཛཱཡཏེ།
ཨུཔདེཤསྱ ཏྭབྷིཔྲེཏཾ ཕལཾ ནིརྨྨལཱནྟཿཀརཎེན སཏྶཾཝེདེན ནིཥྐཔཊཝིཤྭཱསེན ཙ ཡུཀྟཾ པྲེམ།
ཀེཙིཏ྄ ཛནཱཤྩ སཪྻྭཱཎྱེཏཱནི ཝིཧཱཡ ནིརརྠཀཀཐཱནཱམ྄ ཨནུགམནེན ཝིཔཐགཱམིནོ྅བྷཝན྄,
ཡད྄ བྷཱཥནྟེ ཡཙྩ ནིཤྩིནྭནྟི ཏནྣ བུདྷྱམཱནཱ ཝྱཝསྠོཔདེཥྚཱརོ བྷཝིཏུམ྄ ཨིཙྪནྟི།
སཱ ཝྱཝསྠཱ ཡདི ཡོགྱརཱུཔེཎ གྲྀཧྱཏེ ཏརྷྱུཏྟམཱ བྷཝཏཱིཏི ཝཡཾ ཛཱནཱིམཿ།
ཨཔརཾ སཱ ཝྱཝསྠཱ དྷཱརྨྨིཀསྱ ཝིརུདྡྷཱ ན བྷཝཏི ཀིནྟྭདྷཱརྨྨིཀོ ྅ཝཱདྷྱོ དུཥྚཿ པཱཔིཥྛོ ྅པཝིཏྲོ ྅ཤུཙིཿ པིཏྲྀཧནྟཱ མཱཏྲྀཧནྟཱ ནརཧནྟཱ
ཝེཤྱཱགཱམཱི པུཾམཻཐུནཱི མནུཥྱཝིཀྲེཏཱ མིཐྱཱཝཱདཱི མིཐྱཱཤཔཐཀཱརཱི ཙ སཪྻྭེཥཱམེཏེཥཱཾ ཝིརུདྡྷཱ,
ཏཐཱ སཙྩིདཱནནྡེཤྭརསྱ ཡོ ཝིབྷཝཡུཀྟཿ སུསཾཝཱདོ མཡི སམརྤིཏསྟདནུཡཱཡིཧིཏོཔདེཤསྱ ཝིཔརཱིཏཾ ཡཏ྄ ཀིཉྩིད྄ བྷཝཏི ཏདྭིརུདྡྷཱ སཱ ཝྱཝསྠེཏི ཏདྒྲཱཧིཎཱ ཛྙཱཏཝྱཾ།
མཧྱཾ ཤཀྟིདཱཏཱ ཡོ྅སྨཱཀཾ པྲབྷུཿ ཁྲཱིཥྚཡཱིཤུསྟམཧཾ དྷནྱཾ ཝདཱམི།
ཡཏཿ པུརཱ ནིནྡཀ ཨུཔདྲཱཝཱི ཧིཾསཀཤྩ བྷཱུཏྭཱཔྱཧཾ ཏེན ཝིཤྭཱསྱོ ྅མནྱེ པརིཙཱརཀཏྭེ ནྱཡུཛྱེ ཙ། ཏད྄ ཨཝིཤྭཱསཱཙརཎམ྄ ཨཛྙཱནེན མཡཱ ཀྲྀཏམིཏི ཧེཏོརཧཾ ཏེནཱནུཀམྤིཏོ྅བྷཝཾ།
ཨཔརཾ ཁྲཱིཥྚེ ཡཱིཤཽ ཝིཤྭཱསཔྲེམབྷྱཱཾ སཧིཏོ྅སྨཏྤྲབྷོརནུགྲཧོ ྅ཏཱིཝ པྲཙུརོ྅བྷཏ྄།
པཱཔིནཿ པརིཏྲཱཏུཾ ཁྲཱིཥྚོ ཡཱིཤུ རྫགཏི སམཝཏཱིརྞོ྅བྷཝཏ྄, ཨེཥཱ ཀཐཱ ཝིཤྭཱསནཱིཡཱ སཪྻྭཻ གྲཧཎཱིཡཱ ཙ།
ཏེཥཱཾ པཱཔིནཱཾ མདྷྱེ྅ཧཾ པྲཐམ ཨཱསཾ ཀིནྟུ ཡེ མཱནཝཱ ཨནནྟཛཱིཝནཔྲཱཔྟྱརྠཾ ཏསྨིན྄ ཝིཤྭསིཥྱནྟི ཏེཥཱཾ དྲྀཥྚཱནྟེ མཡི པྲཐམེ ཡཱིཤུནཱ ཁྲཱིཥྚེན སྭཀཱིཡཱ ཀྲྀཏྶྣཱ ཙིརསཧིཥྞུཏཱ ཡཏ྄ པྲཀཱཤྱཏེ ཏདརྠམེཝཱཧམ྄ ཨནུཀམྤཱཾ པྲཱཔྟཝཱན྄།
ཨནཱདིརཀྵཡོ྅དྲྀཤྱོ རཱཛཱ ཡོ྅དྭིཏཱིཡཿ སཪྻྭཛྙ ཨཱིཤྭརསྟསྱ གཽརཝཾ མཧིམཱ ཙཱནནྟཀཱལཾ ཡཱཝད྄ བྷཱུཡཱཏ྄། ཨཱམེན྄།
ཧེ པུཏྲ ཏཱིམཐིཡ ཏྭཡི ཡཱནི བྷཝིཥྱདྭཱཀྱཱནི པུརཱ ཀཐིཏཱནི ཏདནུསཱརཱད྄ ཨཧམ྄ ཨེནམཱདེཤཾ ཏྭཡི སམརྤཡཱམི, ཏསྱཱབྷིཔྲཱཡོ྅ཡཾ ཡཏྟྭཾ ཏཻ ཪྻཱཀྱཻརུཏྟམཡུདྡྷཾ ཀརོཥི
ཝིཤྭཱསཾ སཏྶཾཝེདཉྩ དྷཱརཡསི ཙ། ཨནཡོཿ པརིཏྱཱགཱཏ྄ ཀེཥཱཉྩིད྄ ཝིཤྭཱསཏརཱི བྷགྣཱབྷཝཏ྄།
ཧུམིནཱཡསིཀནྡརཽ ཏེཥཱཾ ཡཽ དྭཽ ཛནཽ, ཏཽ ཡད྄ དྷརྨྨནིནྡཱཾ པུན རྣ ཀརྟྟུཾ ཤིཀྵེཏེ ཏདརྠཾ མཡཱ ཤཡཏཱནསྱ ཀརེ སམརྤིཏཽ།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.