Sanskrit Bible (NT) in Tibetan Script (སཏྱཝེདཿ།)
༡ ཡོཧནཿ 4
ཧེ པྲིཡཏམཱཿ, ཡཱུཡཾ སཪྻྭེཥྭཱཏྨསུ ན ཝིཤྭསིཏ ཀིནྟུ ཏེ ཨཱིཤྭརཱཏ྄ ཛཱཏཱ ན ཝེཏྱཱཏྨནཿ པརཱིཀྵདྷྭཾ ཡཏོ བཧཝོ མྲྀཥཱབྷཝིཥྱདྭཱདིནོ ཛགནྨདྷྱམ྄ ཨཱགཏཝནྟཿ།
ཨཱིཤྭརཱིཡོ ཡ ཨཱཏྨཱ ས ཡུཥྨཱབྷིརནེན པརིཙཱིཡཏཱཾ, ཡཱིཤུཿ ཁྲཱིཥྚོ ནརཱཝཏཱརོ བྷཱུཏྭཱགཏ ཨེཏད྄ ཡེན ཀེནཙིད྄ ཨཱཏྨནཱ སྭཱིཀྲིཡཏེ ས ཨཱིཤྭརཱིཡཿ།
ཀིནྟུ ཡཱིཤུཿ ཁྲཱིཥྚོ ནརཱཝཏཱརོ བྷཱུཏྭཱགཏ ཨེཏད྄ ཡེན ཀེནཙིད྄ ཨཱཏྨནཱ ནཱངྒཱིཀྲིཡཏེ ས ཨཱིཤྭརཱིཡོ ནཧི ཀིནྟུ ཁྲཱིཥྚཱརེརཱཏྨཱ, ཏེན ཙཱགནྟཝྱམིཏི ཡུཥྨཱབྷིཿ ཤྲུཏཾ, ས ཙེདཱནཱིམཔི ཛགཏི ཝརྟྟཏེ།
ཧེ བཱལཀཱཿ, ཡཱུཡམ྄ ཨཱིཤྭརཱཏ྄ ཛཱཏཱསྟཱན྄ ཛིཏཝནྟཤྩ ཡཏཿ སཾསཱརཱདྷིཥྛཱནཀཱརིཎོ ྅པི ཡུཥྨདདྷིཥྛཱནཀཱརཱི མཧཱན྄།
ཏེ སཾསཱརཱཏ྄ ཛཱཏཱསྟཏོ ཧེཏོཿ སཾསཱརཱད྄ བྷཱཥནྟེ སཾསཱརཤྩ ཏེཥཱཾ ཝཱཀྱཱནི གྲྀཧླཱཏི།
ཝཡམ྄ ཨཱིཤྭརཱཏ྄ ཛཱཏཱཿ, ཨཱིཤྭརཾ ཡོ ཛཱནཱཏི སོ྅སྨདྭཱཀྱཱནི གྲྀཧླཱཏི ཡཤྩེཤྭརཱཏ྄ ཛཱཏོ ནཧི སོ྅སྨདྭཱཀྱཱནི ན གྲྀཧླཱཏི; ཨནེན ཝཡཾ སཏྱཱཏྨཱནཾ བྷྲཱམཀཱཏྨཱནཉྩ པརིཙིནུམཿ།
ཧེ པྲིཡཏམཱཿ, ཝཡཾ པརསྤརཾ པྲེམ ཀརཝཱམ, ཡཏཿ པྲེམ ཨཱིཤྭརཱཏ྄ ཛཱཡཏེ, ཨཔརཾ ཡཿ ཀཤྩིཏ྄ པྲེམ ཀརོཏི ས ཨཱིཤྭརཱཏ྄ ཛཱཏ ཨཱིཤྭརཾ ཝེཏྟི ཙ།
ཡཿ པྲེམ ན ཀརོཏི ས ཨཱིཤྭརཾ ན ཛཱནཱཏི ཡཏ ཨཱིཤྭརཿ པྲེམསྭརཱུཔཿ།
ཨསྨཱསྭཱིཤྭརསྱ པྲེམཻཏེན པྲཱཀཱཤཏ ཡཏ྄ སྭཔུཏྲེཎཱསྨབྷྱཾ ཛཱིཝནདཱནཱརྠམ྄ ཨཱིཤྭརཿ སྭཱིཡམ྄ ཨདྭིཏཱིཡཾ པུཏྲཾ ཛགནྨདྷྱཾ པྲེཥིཏཝཱན྄།
ཝཡཾ ཡད྄ ཨཱིཤྭརེ པྲཱིཏཝནྟ ཨིཏྱཏྲ ནཧི ཀིནྟུ ས ཡདསྨཱསུ པྲཱིཏཝཱན྄ ཨསྨཏྤཱཔཱནཱཾ པྲཱཡཤྩིརྟྟཱརྠཾ སྭཔུཏྲཾ པྲེཥིཏཝཱཾཤྩེཏྱཏྲ པྲེམ སནྟིཥྛཏེ།
ཧེ པྲིཡཏམཱཿ, ཨསྨཱསུ ཡདཱིཤྭརེཎཻཏཱདྲྀཤཾ པྲེམ ཀྲྀཏཾ ཏརྷི པརསྤརཾ པྲེམ ཀརྟྟུམ྄ ཨསྨཱཀམཔྱུཙིཏཾ།
ཨཱིཤྭརཿ ཀདཱཙ ཀེནཱཔི ན དྲྀཥྚཿ ཡདྱསྨཱབྷིཿ པརསྤརཾ པྲེམ ཀྲིཡཏེ ཏརྷཱིཤྭརོ ྅སྨནྨདྷྱེ ཏིཥྛཏི ཏསྱ པྲེམ ཙཱསྨཱསུ སེཏྶྱཏེ།
ཨསྨབྷྱཾ ཏེན སྭཀཱིཡཱཏྨནོཾ྅ཤོ དཏྟ ཨིཏྱནེན ཝཡཾ ཡཏ྄ ཏསྨིན྄ ཏིཥྛཱམཿ ས ཙ ཡད྄ ཨསྨཱསུ ཏིཥྛཏཱིཏི ཛཱནཱིམཿ།
པིཏཱ ཛགཏྲཱཏཱརཾ པུཏྲཾ པྲེཥིཏཝཱན྄ ཨེཏད྄ ཝཡཾ དྲྀཥྚྭཱ པྲམཱཎཡཱམཿ།
ཡཱིཤུརཱིཤྭརསྱ པུཏྲ ཨེཏད྄ ཡེནཱངྒཱིཀྲིཡཏེ ཏསྨིན྄ ཨཱིཤྭརསྟིཥྛཏི ས ཙེཤྭརེ ཏིཥྛཏི།
ཨསྨཱསྭཱིཤྭརསྱ ཡཏ྄ པྲེམ ཝརྟྟཏེ ཏད྄ ཝཡཾ ཛྙཱཏཝནྟསྟསྨིན྄ ཝིཤྭཱསིཏཝནྟཤྩ། ཨཱིཤྭརཿ པྲེམསྭརཱུཔཿ པྲེམྣཱི ཡསྟིཥྛཏི ས ཨཱིཤྭརེ ཏིཥྛཏི ཏསྨིཾཤྩེཤྭརསྟིཥྛཏི།
ས ཡཱདྲྀཤོ ྅སྟི ཝཡམཔྱེཏསྨིན྄ ཛགཏི ཏཱདྲྀཤཱ བྷཝཱམ ཨེཏསྨཱད྄ ཝིཙཱརདིནེ ྅སྨཱབྷི ཪྻཱ པྲཏིབྷཱ ལབྷྱཏེ སཱསྨཏྶམྦནྡྷཱིཡསྱ པྲེམྣཿ སིདྡྷིཿ།
པྲེམྣི བྷཱིཏི རྣ ཝརྟྟཏེ ཀིནྟུ སིདྡྷཾ པྲེམ བྷཱིཏིཾ ནིརཱཀརོཏི ཡཏོ བྷཱིཏིཿ སཡཱཏནཱསྟི བྷཱིཏོ མཱནཝཿ པྲེམྣི སིདྡྷོ ན ཛཱཏཿ།
ཨསྨཱསུ ས པྲཐམཾ པྲཱིཏཝཱན྄ ཨིཏི ཀཱརཎཱད྄ ཝཡཾ ཏསྨིན྄ པྲཱིཡཱམཧེ།
ཨཱིཤྭརེ ྅ཧཾ པྲཱིཡ ཨིཏྱུཀྟྭཱ ཡཿ ཀཤྩིཏ྄ སྭབྷྲཱཏརཾ དྭེཥྚི སོ ྅ནྲྀཏཝཱདཱི། ས ཡཾ དྲྀཥྚཝཱན྄ ཏསྨིན྄ སྭབྷྲཱཏརི ཡདི ན པྲཱིཡཏེ ཏརྷི ཡམ྄ ཨཱིཤྭརཾ ན དྲྀཥྚཝཱན྄ ཀཐཾ ཏསྨིན྄ པྲེམ ཀརྟྟུཾ ཤཀྣུཡཱཏ྄?
ཨཏ ཨཱིཤྭརེ ཡཿ པྲཱིཡཏེ ས སྭཱིཡབྷྲཱཏཪྻྱཔི པྲཱིཡཏཱམ྄ ཨིཡམ྄ ཨཱཛྙཱ ཏསྨཱད྄ ཨསྨཱབྷི རླབྡྷཱ།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.