༡ ཀརིནྠིནཿ 2

1ཧེ བྷྲཱཏརོ ཡུཥྨཏྶམཱིཔེ མམཱགམནཀཱལེ྅ཧཾ ཝཀྟྲྀཏཱཡཱ ཝིདྱཱཡཱ ཝཱ ནཻཔུཎྱེནེཤྭརསྱ སཱཀྵྱཾ པྲཙཱརིཏཝཱན྄ ཏནྣཧི;

2ཡཏོ ཡཱིཤུཁྲཱིཥྚཾ ཏསྱ ཀྲུཤེ ཧཏཏྭཉྩ ཝིནཱ ནཱནྱཏ྄ ཀིམཔི ཡུཥྨནྨདྷྱེ ཛྙཱཔཡིཏུཾ ཝིཧིཏཾ བུདྡྷཝཱན྄།

3ཨཔརཉྩཱཏཱིཝ དཽརྦྦལྱབྷཱིཏིཀམྤཡུཀྟོ ཡུཥྨཱབྷིཿ སཱརྡྡྷམཱསཾ།

4ཨཔརཾ ཡུཥྨཱཀཾ ཝིཤྭཱསོ ཡཏ྄ མཱནུཥིཀཛྙཱནསྱ ཕལཾ ན བྷཝེཏ྄ ཀིནྟྭཱིཤྭརཱིཡཤཀྟེཿ ཕལཾ བྷཝེཏ྄,

5ཏདརྠཾ མམ ཝཀྟྲྀཏཱ མདཱིཡཔྲཙཱརཤྩ མཱནུཥིཀཛྙཱནསྱ མདྷུརཝཱཀྱསམྦལིཏཽ ནཱསྟཱཾ ཀིནྟྭཱཏྨནཿ ཤཀྟེཤྩ པྲམཱཎཡུཀྟཱཝཱསྟཱཾ།

6ཝཡཾ ཛྙཱནཾ བྷཱཥཱམཧེ ཏཙྩ སིདྡྷལོཀཻ རྫྙཱནམིཝ མནྱཏེ, ཏདིཧལོཀསྱ ཛྙཱནཾ ནཧི, ཨིཧལོཀསྱ ནཤྭརཱཎཱམ྄ ཨདྷིཔཏཱིནཱཾ ཝཱ ཛྙཱནཾ ནཧི;

7ཀིནྟུ ཀཱལཱཝསྠཱཡཱཿ པཱུཪྻྭསྨཱད྄ ཡཏ྄ ཛྙཱནམ྄ ཨསྨཱཀཾ ཝིབྷཝཱརྠམ྄ ཨཱིཤྭརེཎ ནིཤྩིཏྱ པྲཙྪནྣཾ ཏནྣིགཱུཌྷམ྄ ཨཱིཤྭརཱིཡཛྙཱནཾ པྲབྷཱཥཱམཧེ།

8ཨིཧལོཀསྱཱདྷིཔཏཱིནཱཾ ཀེནཱཔི ཏཏ྄ ཛྙཱནཾ ན ལབྡྷཾ, ལབྡྷེ སཏི ཏེ པྲབྷཱཝཝིཤིཥྚཾ པྲབྷུཾ ཀྲུཤེ ནཱཧནིཥྱན྄།

9ཏདྭལླིཁིཏམཱསྟེ, ནེཏྲེཎ ཀྐཱཔི ནོ དྲྀཥྚཾ ཀརྞེནཱཔི ཙ ན ཤྲུཏཾ། མནོམདྷྱེ ཏུ ཀསྱཱཔི ན པྲཝིཥྚཾ ཀདཱཔི ཡཏ྄། ཨཱིཤྭརེ པྲཱིཡམཱཎཱནཱཾ ཀྲྀཏེ ཏཏ྄ ཏེན སཉྩིཏཾ།

10ཨཔརམཱིཤྭརཿ སྭཱཏྨནཱ ཏདསྨཱཀཾ སཱཀྵཱཏ྄ པྲཱཀཱཤཡཏ྄; ཡཏ ཨཱཏྨཱ སཪྻྭམེཝཱནུསནྡྷཏྟེ ཏེན ཙེཤྭརསྱ མརྨྨཏཏྟྭམཔི བུདྷྱཏེ།

11མནུཛསྱཱནྟཿསྠམཱཏྨཱནཾ ཝིནཱ ཀེན མནུཛེན ཏསྱ མནུཛསྱ ཏཏྟྭཾ བུདྷྱཏེ? ཏདྭདཱིཤྭརསྱཱཏྨཱནཾ ཝིནཱ ཀེནཱཔཱིཤྭརསྱ ཏཏྟྭཾ ན བུདྷྱཏེ།

12ཝཡཉྩེཧལོཀསྱཱཏྨཱནཾ ལབྡྷཝནྟསྟནྣཧི ཀིནྟྭཱིཤྭརསྱཻཝཱཏྨཱནཾ ལབྡྷཝནྟཿ, ཏཏོ ཧེཏོརཱིཤྭརེཎ སྭཔྲསཱདཱད྄ ཨསྨབྷྱཾ ཡད྄ ཡད྄ དཏྟཾ ཏཏྶཪྻྭམ྄ ཨསྨཱབྷི རྫྙཱཏུཾ ཤཀྱཏེ།

13ཏཙྩཱསྨཱབྷི རྨཱནུཥིཀཛྙཱནསྱ ཝཱཀྱཱནི ཤིཀྵིཏྭཱ ཀཐྱཏ ཨིཏི ནཧི ཀིནྟྭཱཏྨཏོ ཝཱཀྱཱནི ཤིཀྵིཏྭཱཏྨིཀཻ ཪྻཱཀྱཻརཱཏྨིཀཾ བྷཱཝཾ པྲཀཱཤཡདྦྷིཿ ཀཐྱཏེ།

14པྲཱཎཱི མནུཥྱ ཨཱིཤྭརཱིཡཱཏྨནཿ ཤིཀྵཱཾ ན གྲྀཧླཱཏི ཡཏ ཨཱཏྨིཀཝིཙཱརེཎ སཱ ཝིཙཱཪྻྱེཏི ཧེཏོཿ ས ཏཱཾ པྲལཱཔམིཝ མནྱཏེ བོདྡྷུཉྩ ན ཤཀྣོཏི།

15ཨཱཏྨིཀོ མཱནཝཿ སཪྻྭཱཎི ཝིཙཱརཡཏི ཀིནྟུ སྭཡཾ ཀེནཱཔི ན ཝིཙཱཪྻྱཏེ།

16ཡཏ ཨཱིཤྭརསྱ མནོ ཛྙཱཏྭཱ ཏམུཔདེཥྚུཾ ཀཿ ཤཀྣོཏི? ཀིནྟུ ཁྲཱིཥྚསྱ མནོ྅སྨཱབྷི རླབྡྷཾ།