Sanskrit Bible (NT) in Sinhala Script (සත්‍යවේදඃ।)
1 තීමථියඃ 4
පවිත්‍ර ආත්මා ස්පෂ්ටම් ඉදං වාක්‍යං වදති චරමකාලේ කතිපයලෝකා වහ්නිනාඞ්කිතත්වාත්
කඨෝරමනසාං කාපට්‍යාද් අනෘතවාදිනාං විවාහනිෂේධකානාං භක්‍ෂ්‍යවිශේෂනිෂේධකානාඤ්ච
භූතස්වරූපාණාං ශික්‍ෂායාං භ්‍රමකාත්මනාං වාක්‍යේෂු ච මනාංසි නිවේශ්‍ය ධර්ම්මාද් භ්‍රංශිෂ්‍යන්තේ| තානි තු භක්‍ෂ්‍යාණි විශ්වාසිනාං ස්වීකෘතසත්‍යධර්ම්මාණාඤ්ච ධන්‍යවාදසහිතාය භෝගායේශ්වරේණ සසෘජිරේ|
යත ඊශ්වරේණ යද්‍යත් සෘෂ්ටං තත් සර්ව්වම් උත්තමං යදි ච ධන්‍යවාදේන භුජ්‍යතේ තර්හි තස්‍ය කිමපි නාග්‍රාහ්‍යං භවති,
යත ඊශ්වරස්‍ය වාක්‍යේන ප්‍රාර්ථනයා ච තත් පවිත්‍රීභවති|
ඒතානි වාක්‍යානි යදි ත්වං භ්‍රාතෘන් ඥාපයේස්තර්හි යීශුඛ්‍රීෂ්ටස්‍යෝත්තම්ඃ පරිචාරකෝ භවිෂ්‍යසි යෝ විශ්වාසෝ හිතෝපදේශශ්ච ත්වයා ගෘහීතස්තදීයවාක්‍යෛරාප්‍යායිෂ්‍යසේ ච|
යාන්‍යුපාඛ්‍යානානි දුර්භාවානි වෘද්ධයෝෂිතාමේව යෝග්‍යානි ච තානි ත්වයා විසෘජ්‍යන්තාම් ඊශ්වරභක්තයේ යත්නඃ ක්‍රියතාඤ්ච|
යතඃ ශාරීරිකෝ යත්නඃ ස්වල්පඵලදෝ භවති කින්ත්වීශ්වරභක්තිරෛහිකපාරත්‍රිකජීවනයෝඃ ප්‍රතිඥායුක්තා සතී සර්ව්වත්‍ර ඵලදා භවති|
වාක්‍යමේතද් විශ්වසනීයං සර්ව්වෛ ර්ග්‍රහණීයඤ්ච වයඤ්ච තදර්ථමේව ශ්‍රාම්‍යාමෝ නින්දාං භුංජ්මහේ ච|
යතෝ හේතෝඃ සර්ව්වමානවානාං විශේෂතෝ විශ්වාසිනාං ත්‍රාතා යෝ(අ)මර ඊශ්වරස්තස්මින් වයං විශ්වසාමඃ|
ත්වම් ඒතානි වාක්‍යානි ප්‍රචාරය සමුපදිශ ච|
අල්පවයෂ්කත්වාත් කේනාප්‍යවඥේයෝ න භව කින්ත්වාලාපේනාචරණේන ප්‍රේම්නා සදාත්මත්වේන විශ්වාසේන ශුචිත්වේන ච විශ්වාසිනාම් ආදර්ශෝ භව|
යාවන්නාහම් ආගමිෂ්‍යාමි තාවත් ත්ව පාඨේ චේතයනේ උපදේශේ ච මනෝ නිධත්ස්ව|
ප්‍රාචීනගණහස්තාර්පණසහිතේන භවිෂ්‍යද්වාක්‍යේන යද්දානං තුභ්‍යං විශ්‍රාණිතං තවාන්තඃස්ථේ තස්මින් දානේ ශිථිලමනා මා භව|
ඒතේෂු මනෝ නිවේශය, ඒතේෂු වර්ත්තස්ව, ඉත්ථඤ්ච සර්ව්වවිෂයේ තව ගුණවෘද්ධිඃ ප්‍රකාශතාං|
ස්වස්මින් උපදේශේ ච සාවධානෝ භූත්වාවතිෂ්ඨස්ව තත් කෘත්වා ත්වයාත්මපරිත්‍රාණං ශ්‍රෝතෘණාඤ්ච පරිත්‍රාණං සාධයිෂ්‍යතේ|
Sanskrit Bible (NT) in Sinhala Script (සත්‍යවේදඃ।). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.