Sanskrit Bible (NT) in Sinhala Script (සත්‍යවේදඃ।)
1 කරින්ථිනඃ 14
යූයං ප්‍රේමාචරණේ ප්‍රයතධ්වම් ආත්මිකාන් දායානපි විශේෂත ඊශ්වරීයාදේශකථනසාමර්ථ්‍යං ප්‍රාප්තුං චේෂ්ටධ්වං|
යෝ ජනඃ පරභාෂාං භාෂතේ ස මානුෂාන් න සම්භාෂතේ කින්ත්වීශ්වරමේව යතඃ කේනාපි කිමපි න බුධ්‍යතේ ස චාත්මනා නිගූඪවාක්‍යානි කථයති;
කින්තු යෝ ජන ඊශ්වරීයාදේශං කථයති ස පරේෂාං නිෂ්ඨායෛ හිතෝපදේශාය සාන්ත්වනායෛ ච භාෂතේ|
පරභාෂාවාද්‍යාත්මන ඒව නිෂ්ඨාං ජනයති කින්ත්වීශ්වරීයාදේශවාදී සමිතේ ර්නිෂ්ඨාං ජනයති|
යුෂ්මාකං සර්ව්වේෂාං පරභාෂාභාෂණම් ඉච්ඡාම්‍යහං කින්ත්වීශ්වරීයාදේශකථනම් අධිකමපීච්ඡාමි| යතඃ සමිතේ ර්නිෂ්ඨායෛ යේන ස්වවාක්‍යානාම් අර්ථෝ න ක්‍රියතේ තස්මාත් පරභාෂාවාදිත ඊශ්වරීයාදේශවාදී ශ්‍රේයාන්|
හේ භ්‍රාතරඃ, ඉදානීං මයා යදි යුෂ්මත්සමීපං ගම්‍යතේ තර්හීශ්වරීයදර්ශනස්‍ය ඥානස්‍ය වේශ්වරීයාදේශස්‍ය වා ශික්‍ෂායා වා වාක්‍යානි න භාෂිත්වා පරභාෂාං භාෂමාණේන මයා යූයං කිමුපකාරිෂ්‍යධ්වේ?
අපරං වංශීවල්ලක්‍යාදිෂු නිෂ්ප්‍රාණිෂු වාද්‍යයන්ත්‍රේෂු වාදිතේෂු යදි ක්කණා න විශිෂ්‍යන්තේ තර්හි කිං වාද්‍යං කිං වා ගානං භවති තත් කේන බෝද්ධුං ශක්‍යතේ?
අපරං රණතූර‍්‍ය්‍යා නිස්වණෝ යද්‍යව්‍යක්තෝ භවේත් තර්හි යුද්ධාය කඃ සජ්ජිෂ්‍යතේ?
තද්වත් ජිහ්වාභි ර‍්‍යදි සුගම්‍යා වාක් යුෂ්මාභි ර්න ගද්‍යේත තර්හි යද් ගද්‍යතේ තත් කේන භෝත්ස්‍යතේ? වස්තුතෝ යූයං දිගාලාපින ඉව භවිෂ්‍යථ|
ජගති කතිප්‍රකාරා උක්තයෝ විද්‍යන්තේ? තාසාමේකාපි නිරර්ථිකා නහි;
කින්තූක්තේරර්ථෝ යදි මයා න බුධ්‍යතේ තර්හ්‍යහං වක්ත්‍රා ම්ලේච්ඡ ඉව මංස්‍යේ වක්තාපි මයා ම්ලේච්ඡ ඉව මංස්‍යතේ|
තස්මාද් ආත්මිකදායලිප්සවෝ යූයං සමිතේ ර්නිෂ්ඨාර්ථං ප්‍රාප්තබහුවරා භවිතුං යතධ්වං,
අතඒව පරභාෂාවාදී යද් අර්ථකරෝ(අ)පි භවේත් තත් ප්‍රාර්ථයතාං|
යද්‍යහං පරභාෂයා ප්‍රර්ථනාං කුර‍්‍ය්‍යාං තර්හි මදීය ආත්මා ප්‍රාර්ථයතේ, කින්තු මම බුද්ධි ර්නිෂ්ඵලා තිෂ්ඨති|
ඉත්‍යනේන කිං කරණීයං? අහම් ආත්මනා ප්‍රාර්ථයිෂ්‍යේ බුද්ධ්‍යාපි ප්‍රාර්ථයිෂ්‍යේ; අපරං ආත්මනා ගාස්‍යාමි බුද්ධ්‍යාපි ගාස්‍යාමි|
ත්වං යදාත්මනා ධන්‍යවාදං කරෝෂි තදා යද් වදසි තද් යදි ශිෂ්‍යේනේවෝපස්ථිතේන ජනේන න බුද්ධ්‍යතේ තර්හි තව ධන්‍යවාදස්‍යාන්තේ තථාස්ත්විති තේන වක්තං කථං ශක්‍යතේ?
ත්වං සම්‍යග් ඊශ්වරං ධන්‍යං වදසීති සත්‍යං තථාපි තත්‍ර පරස්‍ය නිෂ්ඨා න භවති|
යුෂ්මාකං සර්ව්වේභ්‍යෝ(අ)හං පරභාෂාභාෂණේ සමර්ථෝ(අ)ස්මීති කාරණාද් ඊශ්වරං ධන්‍යං වදාමි;
තථාපි සමිතෞ පරෝපදේශාර්ථං මයා කථිතානි පඤ්ච වාක්‍යානි වරං න ච ලක්‍ෂං පරභාෂීයානි වාක්‍යානි|
හේ භ්‍රාතරඃ,යූයං බුද්ධ්‍යා බාලකාඉව මා භූත පරන්තු දුෂ්ටතයා ශිශවඉව භූත්වා බුද්ධ්‍යා සිද්ධා භවත|
ශාස්ත්‍ර ඉදං ලිඛිතමාස්තේ, යථා, ඉත්‍යවෝචත් පරේශෝ(අ)හම් ආභාෂිෂ්‍ය ඉමාන් ජනාන්| භාෂාභිඃ පරකීයාභි ර්වක්ත්‍රෛශ්ච පරදේශිභිඃ| තථා මයා කෘතේ(අ)පීමේ න ග්‍රහීෂ්‍යන්ති මද්වචඃ||
අතඒව තත් පරභාෂාභාෂණං අවිශ්චාසිනඃ ප්‍රති චිහ්නරූපං භවති න ච විශ්වාසිනඃ ප්‍රති; කින්ත්වීශ්වරීයාදේශකථනං නාවිශ්වාසිනඃ ප්‍රති තද් විශ්වාසිනඃ ප්‍රත්‍යේව|
සමිතිභුක්තේෂු සර්ව්වේෂු ඒකස්මින් ස්ථානේ මිලිත්වා පරභාෂාං භාෂමාණේෂු යදි ඥානාකාඞ්ක්‍ෂිණෝ(අ)විශ්වාසිනෝ වා තත්‍රාගච්ඡේයුස්තර්හි යුෂ්මාන් උන්මත්තාන් කිං න වදිෂ්‍යන්ති?
කින්තු සර්ව්වේෂ්වීශ්වරීයාදේශං ප්‍රකාශයත්සු යද්‍යවිශ්වාසී ඥානාකාඞ්ක්‍ෂී වා කශ්චිත් තත්‍රාගච්ඡති තර්හි සර්ව්වෛරේව තස්‍ය පාපඥානං පරීක්‍ෂා ච ජායතේ,
තතස්තස්‍යාන්තඃකරණස්‍ය ගුප්තකල්පනාසු ව්‍යක්තීභූතාසු සෝ(අ)ධෝමුඛඃ පතන් ඊශ්වරමාරාධ්‍ය යුෂ්මන්මධ්‍ය ඊශ්වරෝ විද්‍යතේ ඉති සත්‍යං කථාමේතාං කථයිෂ්‍යති|
හේ භ්‍රාතරඃ, සම්මිලිතානාං යුෂ්මාකම් ඒකේන ගීතම් අන්‍යේනෝපදේශෝ(අ)න්‍යේන පරභාෂාන්‍යේන ඓශ්වරිකදර්ශනම් අන්‍යේනාර්ථබෝධකං වාක්‍යං ලභ්‍යතේ කිමේතත්? සර්ව්වමේව පරනිෂ්ඨාර්ථං යුෂ්මාභිඃ ක්‍රියතාං|
යදි කශ්චිද් භාෂාන්තරං විවක්‍ෂති තර්හ්‍යේකස්මින් දිනේ ද්විජනේන ත්‍රිජනේන වා පරභාाෂා කථ්‍යතාං තදධිකෛර්න කථ්‍යතාං තෛරපි පර‍්‍ය්‍යායානුසාරාත් කථ්‍යතාං, ඒකේන ච තදර්ථෝ බෝධ්‍යතාං|
කින්ත්වර්ථාභිධායකඃ කෝ(අ)පි යදි න විද්‍යතේ තර්හි ස සමිතෞ වාචංයමඃ ස්ථිත්වේශ්වරායාත්මනේ ච කථාං කථයතු|
අපරං ද්වෞ ත්‍රයෝ වේශ්වරීයාදේශවක්තාරඃ ස්වං ස්වමාදේශං කථයන්තු තදන්‍යේ ච තං විචාරයන්තු|
කින්තු තත්‍රාපරේණ කේනචිත් ජනේනේශ්වරීයාදේශේ ලබ්ධේ ප්‍රථමේන කථනාත් නිවර්ත්තිතව්‍යං|
සර්ව්වේ යත් ශික්‍ෂාං සාන්ත්වනාඤ්ච ලභන්තේ තදර්ථං යූයං සර්ව්වේ පර‍්‍ය්‍යායේණේශ්වරීයාදේශං කථයිතුං ශක්නුථ|
ඊශ්වරීයාදේශවක්තෘණාං මනාංසි තේෂාම් අධීනානි භවන්ති|
යත ඊශ්වරඃ කුශාසනජනකෝ නහි සුශාසනජනක ඒවේති පවිත්‍රලෝකානාං සර්ව්වසමිතිෂු ප්‍රකාශතේ|
අපරඤ්ච යුෂ්මාකං වනිතාඃ සමිතිෂු තූෂ්ණීම්භූතාස්තිෂ්ඨන්තු යතඃ ශාස්ත්‍රලිඛිතේන විධිනා තාඃ කථාප්‍රචාරණාත් නිවාරිතාස්තාභි ර්නිඝ්‍රාභි ර්භවිතව්‍යං|
අතස්තා යදි කිමපි ජිඥාසන්තේ තර්හි ගේහේෂු පතීන් පෘච්ඡන්තු යතඃ සමිතිමධ්‍යේ යෝෂිතාං කථාකථනං නින්දනීයං|
ඓශ්වරං වචඃ කිං යුෂ්මත්තෝ නිරගමත? කේවලං යුෂ්මාන් වා තත් කිම් උපාගතං?
යඃ කශ්චිද් ආත්මානම් ඊශ්වරීයාදේශවක්තාරම් ආත්මනාවිෂ්ටං වා මන්‍යතේ ස යුෂ්මාන් ප්‍රති මයා යද් යත් ලිඛ්‍යතේ තත්ප්‍රභුනාඥාපිතම් ඊත්‍යුරරී කරෝතු|
කින්තු යඃ කශ්චිත් අඥෝ භවති සෝ(අ)ඥ ඒව තිෂ්ඨතු|
අතඒව හේ භ්‍රාතරඃ, යූයම් ඊශ්වරීයාදේශකථනසාමර්ථ්‍යං ලබ්ධුං යතධ්වං පරභාෂාභාෂණමපි යුෂ්මාභි ර්න නිවාර‍්‍ය්‍යතාං|
සර්ව්වකර්ම්මාණි ච විධ්‍යනුසාරතඃ සුපරිපාට්‍යා ක්‍රියන්තාං|
Sanskrit Bible (NT) in Sinhala Script (සත්‍යවේදඃ।). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.