Luka

Orooka o lebo ka

Luka

wele

Epa eka wa gwara o rose azaa ewele eka luka ka wele

Luka, ka ne yeng legwa ka Bulus kaya ka wele a ngmǝ ana.

Luka kangza kaya ka wele Ogole Atoma. Ka eze ewela leere ena a ale a oromo oka a beya wai na Tiyapilas, oromo oka ondo gongnga wai, ba eza ondo gongnga wai a nyimi ana togomo te Roma. Tiyapilas ba eza a wa samba o kona eyapa a nyimi orooka o lebo azaa Yeso Kiristi. Luka ka yeme bena wa dongdong rose na epa eka wa kone azaa Yeso magangganga mai. Azaa nyimi Luka ka wele keeya azaa o ngmenga, o cikǝ, ogole, o gbwǝ, ka o kurǝ ebeene e Yeso Kiristi, a kap nangka epa eme e ale. Ka wele a kap, aka dongdong tare e keeya, aka baala awere aka epa eme e ye.

O bena Luka ondo eza ewela ka Yahuda taza ne aka wele a ale ondooka o Yahuda taza ne, a were yende ka bele makili ma Yahuda ka epaaka ne ezeze.

Epaaka Luka ka wele aza ame

Luka ka wele a ngmǝ me ka ka wore o bena Yeso kaya ondo boza a pate aromo. A ngmǝ lebo azaa Yeso Kiristi a ka kang pate aromo makeke.

Luka kanza ka wela azaa:

O bare o Yeso, o bena kaya Ateokora, kaya Kiristi kanza, ondo boza ka Ashili a tono o tonga ne

O bere o rere

O beya a ngmǝ ka Ashili

O nata lenyong ana o dera ka o zurki a ana o cǝ

Nangka Ashili ya yeme o pisǝ oro, ka nangka teyo pisi ana ondo

Nangka andaye ne tare Yeso nane kangkama kai

Nangka a arseze ewela e Luka

Otomo o zaa shili yende wa bele o ngmenga o Yohana o batisma ka o Yeso

O ngmenga Yeso ka e yana e kai

Nangka Ashili a babare orona azaa o gole o Yeso

Yohana wa eze aromo o batisma, awa kang aza Yeso

Seze ana buudu a Yeso

Nangka ogomo o bere o buru wa kedeya Yeso o wake

Yeso ka beele orooka o lebo a ka eze epa o tera o kpwe a makeke Galili

Yeso ka baya makeke Galili aka ale a peng Urushalima, a nyimi teweno, ka zoole aka ezeze epa o tera o kpwe a to ara cak

Epaaka e ale a peng Urushalima: A core a ngmǝ a saka kai azaa uti o gendare

Yeso ka ere malo o gbwǝ aka ale azaa shili