Mateyo

Mulumbe Mubotu wa Jesu Kilisitu Wakalembwa a

MATEYO

Bupanduluzhi

Mulumbe kwendelana a Mateyo ndi bbuku limwe lili akati kama bbuku ali one amuchizuminano chipya, amba pabumi bwa Jesu Kilistu. Lyomwe lyangayo lilaitwa ati, “Mulumbe” chamba ati, “Makani Mabotu” a kalembwe chindi Jesu nakamana kufa, Mateyo, Maako, Luuka alimwi a Joni. Amana balembi tabazhi buzuba bwine a chindi mulumbe wa Mateyo niwakalembwa, pesi mpashi chakalinga chindi myaka ikkumi a chisambomwe kuzwa Jesu nakamana kuzhalwa. Alimwi a kubusena nkulyakalembelwa takuzhibikilwe kabotu. Pesi bantu banji balayezha yezha kwamba lyakalembwa mubusena bwa Palastini alimwi a mumuzhi wa Jelusalema. Alimwi mulembe Mateyo wakalinga shimutelo chindi Jesu katana kumulomba kwamba abe shichiya wakwe. Alimwi wakali kwitwa ati Levi. Mateyo wakalinga antomwi abatumwa balinga kkumi abobilo, bakalembela bamasololi ba ku Juuda. Ichi chilabonwa chatangalala akwelanizhingwa a chindi myaka ili kkumi a chisambomwe kuzwa mumalembe achizuminano chipya. Wakachichita kwamba atondezha bantu ati Jesu ngu Mesiya. Munununi usalilwe a Jesu wakashishimwa. Mateyo wakalemba zhintu zhinji kujatikizha bulelo bwa Leza. Bama Juuda bakalikuyeya kwamba Mesiya ulakuba Mwami wa tunzanyu mubulelo bwakwe. Pesi Mateyo wakabweza kuyandishisha kujaya muzezo ngubakalikuchite bama Juuda a kubazubulwila kwamba bwami bwa Leza mbwa Muuya. Mulumbe wa Mateyo, ndibbuku libotu lyelele kutalika makani mu chizuminano chipya ankambo kakwelanizhingwa nkulichite kuzwa ku chizuminano chakaindi. Lilaswanganya zhizuminano zhobilo. Balembe bamwi bakayeya kwamba Mateyo wakali kusola kuchilila bulembe bwa Mozesi, ayo ngu mabbuku ali osanwe akutanguna muchizuminano chipya. Mulumbe wa Jesu amulundu (5-7) inga lya elanizhigwa a chindi Jesu nakalikupa milawo kuli Mozesi muli bbuku lya Detulonomi 19.3-23-33 mbwakayalwa

1. Mateyo wakautalika Mulumbe akupandulula kuzhalwa kwa Jesu Kilistu alimwi akutalika mulimo wakwe chinene cha 1-4

2. Alimwi Mateyo wakatolelela a kupandulula mulimo wa Jesu alimwi akuishya kwakwe kunji muchinene cha 5-25.

3. Mukumanizha, Mateyo wakamba palufu lwa Jesu, mulimo wakwe alimwi abubuke muchinene cha 26-28.