Lukas

Habari Roanga

ga'a Lukas 'a lefo

Demo ma mulaingi

Lukas, unanga 'o dotere re Paulus 'ai ḏagilomu di'a singadolo Habari Roanga (Kol. 4:4; 2Tim. 4:11; Flm. 24). Unanga 'o disa waro Yesus 'ai jarita toma ngowa-ngowa'a ga'a ya waro (balangu 1:1-2). Togumu i'a unanga 'a lefo Habari Roanga nena-ne.

Toma boku nena-ne ma dara, Lukas 'a jarita mangale Yesus 'ai maksudu di'a sapolo toma dungia nena-ne. Yesus sapolo disa ngowa-ngowa'a ga'a raḏi kiḏanga ra Ma Jou'ongu Madutu, re 'U sibebasa ananga toma ḏosa ma hukumu (19:10). Yesus 'o sapolo toma dungia di'a sisalamata ngowa'a mo-moini, pa'i ngowa'a Yahudi ḇato ua (2:10, 2:30-32, 3:6, 24:47). Toma Habari Roanga nena-ne, ngene nga'unu wa baca mangale Yesus 'ai mura re dadalara toma ngowa'a ma dinga'unu ua (6:20, 7:22, 14:11-13, 21:1-4). Ngene wo baca ḏi'i mura re dadalara toma ngowa'a baraḏosa (5:30, 7:37-50, 15:1-2). Ngene ḏi'i baca mangale mura re dadalara toma we-were'a (balangu 7:11-17, 8:2-3, 10:38-42, 13:10-13, 21:1-4, 23:27-31) re mura re dadalara toma ngowa 'olo (balangu 8:41-42, 54-55, 9:38-42, 9:46-48, 18:15-17).

Ma dara:

1. Ma mulaingi (balangu 1:1-4)

2. Sibuoro Yohanes tukanga baptis, re Ma Jou Yesus (balangu 1:5–2:52)

3. Yesus siḏagi munara ma mulaingi (balangu 3:1–4:13)

4. Yesus 'ai munara toma daeraha Galilea (balangu 4:14–9:50)

5. Yesus 'ai munara toma ḏo-ḏagi ma dara si'a limau Yerusalem (balangu 9:51–19:27)

6. Migu ma ḏo-ḏogumu toma limau Yerusalem (balangu 19:28–23:56)

7. Yesus dadunu 'o 'ahu moju re 'o masijumu Tai me-mete'e (balangu 24)