Yakobus

Yakobus

'ai Surata

Demo ma mulaingi

Surata nena-ne 'a Yakobus 'a lefo. Yakobus nena-ne ḏa Ma Jou Yesus 'ai nongoḏu (Mat. 13:55; Gal. 1:19). Yakobus unanga ngowa'a ngaku Yesus toma limau Yerusalem manga bi-biri'i lamo'o (Som. 21:8; Gal. 2:9). Unanga 'o lefo surata nena-ne di'a suku Israel nga nyagi moi re nga muḏiḏi ga'a 'aḏi are toma dungia sitabi donga (1:1). Mada'a Yakobus 'ai demo tai surata nena-ne ma dara di'a ngowa'a ngaku Yesus mo-moini, pa'i ngowa'a Yahudi ḇato ua.

Toma surata nena-ne ma dara Yakobus 'o siajele mangale de'oso re ḏegoro ma la-la ra Ma Jou'ongu Madutu 'ai momina (1:27). Na'o ngene wo kanau ngaku Ma Jou Yesus, mada'a wa mete'e Unanga 'ai mau ua, nanga ngo-ngaku ma faeda 'i cua (2:14-26). Toma surata nena-ne ma dara wo sanga duga re domolo ma repe, di'a nanga 'ahu wange moi-wange moi.