Galatia

Paulus 'ai Surata

toma Jama'ata Galatia

Demo ma mulaingi

Ngowa'a ga'a tegoro toma daeraha Galatia, ananga gena-ge ngowa'a Yahudi ua. Ananga 'aḏi silamo'o jou'ongu ma somoara re jou'ongu ma lelegu ga'a Ma Jou'ongu Madutu ua. Mada'a wakutu Paulus 'o ngadolo re 'o singadolo Habari Roanga toma daeraha Galatia, 'age tamanga sigolona ngowa'a ga'a 'aḏi dadi ngowa'a ngaku Yesus.

Palisi'i i'a, Paulus 'o tagi sisoi'i tala daeraha Galatia 'age guru-guru 'agama ga'a 'aḏi doto'o do-doto'o banari ua. Guru 'agama gena-ge 'aḏi doto'o so'o ne: Enanga 'i tiai ua, na'o ngene pa'i wo ngaku Yesus ḇato. Ngene balasu masuna ḏi'i mete'e Ma Jou'ongu Madutu 'ai parenta ra Abraham, re ngene balasu wo mete'e 'agama Yahudi ma 'atoranga ḏi'i.

Wakutu Paulus 'a 'isene ananga manga do-doto'o so'o gena, unanga 'o ruta. Tai surata ma dara ga'a siḏingoto toma ngowa'a Galatia, unanga 'ai do-doto'o so'o ne: Ngene nga'unu ua wo dadi ngowa'a loasa re banari ra Ma Jou'ongu Madutu 'ai momina, sababu ngene wo masuna re mete'e 'agama Yahudi ma 'atoranga. Pa'i sababu ngene wo ngaku ra Yesus ḇato, ngene wo dadi ngowa'a loasa re banari ra Ma Jou'ongu Madutu 'ai momina ma tero Abraham.

Paulus 'ai do-doto'o ga'a ma re'u i'a toma surata nena-ne ngene wa sanga toma 2:16 re 5:1.

Ma dara:

1. Demo ma mulaingi (1:1-10)

2. Paulus 'o dadi Yesus 'ai so-soma'a sababu Yesus 'o siwatasa unanga di'a singadolo Habari Roanga. (1:11-2:21)

3. Paulus 'o doto'o ngowa'a Galatia (Gal 3:4) so'o ne: Kalaha wa mete'e ua 'agama ma 'atoranga ngene nyengara wo dadi loasa re banari ra Ma Jou'ongu Madutu 'ai momina, sababu nanga ngo-ngaku ra Yesus.

4. Paulus 'o pula'a duga re domolo toma ngowa'a Galatia (5:1-6:10): Awa ngene wo mete'e 'a Musa 'ai hukumu, sababu Yesus ro sibebasa ngene toma hukumu gena-ge. Mada'a awa ngene wa mete'e nanga 'akala ma nyafusu ma jira. Ngene balasu wo mete'e Ma Ngagara 'Ofi-'Ofi enanga ma mau.

5. Duga re domolo ma ḏo-ḏogumu (6:11-18)