2 Tesalonika

Paulus 'ai Surata ma Soi Ḏiḏi

toma jama'ata Tesalonika

Demo ma mulaingi

Ngowa'a ngaku Yesus toma limau Tesalonika manga 'akala re sinyingara 'i ruwahe. Ananga ya sahe nyangu mangale Ma Jou Yesus 'ai ta-sapolo ma soi ḏiḏi (2:1-2) Ra ananga 'age ma lelegu 'aḏi fikiri, Ma Jou Yesus 'ai wangere sa'i ri ngadolo dadi raḏi munara riwara (3:6, 11:12).

Wakutu Paulus 'o lefo surata ma soi ḏiḏi nena-ne toma jama'ata Tesalonika, unanga 'ai maksudu sa'i ma tero 'ai surata ma mulaingi. Unanga 'a sinamoto ananga manga 'akala re sinyingara, la 'aḏi tahana toma susa re sangisara, re toma jira mo-moini (1:4-10). Unanga 'o doto'o ananga mangale 'oru 'i dadi toma 'orasa Ma Jou Yesus dadunu 'o sapolo moju (2:1-12) re unanga 'o pula'a duga re domolo, la 'aḏi ngaku mode-mode'e Ma Jou Yesus (2:13-15), ananga gena-ge 'aḏi pamalasa awa, mada'a 'aḏi munara disa ngo-ngoromo (3:6-15). Toma surata ma dara nena-ne, Paulus soi rai o'o i'a 'o kanau mangale Ma Jou Yesus 'ai ta-sapolo ma soi ḏiḏi. (1:7-10; 2:1-12).

Ma dara:

1. Demo ma mulaingi. (1:1-2)

2. Paulus 'o sibere 'ai murasa ma la ra Ma Jou'ongu Madutu, sababu ngowa'a Tesalonika. Re unanga 'a site'e ananga manga 'akala re sinyingara, la wakutu ngowa'a ya'u 'a'a cira ananga, ananga tatapu 'aḏi ngaku Ma Jou Yesus. (1:3-12)

3. Unanga 'o doto'o ananga mangale 'oru ga'a ḏua 'i dadi toma 'orasa Ma Jou Yesus dadunu 'o sapolo moju. (2:1-17)

4. Paulus 'o golo'o ngowa'a Tesalonika 'aḏi manyiata di'a unanga, re unanga 'o pula'a duga re domolo, la awa 'aḏi dadi ngowa'a pamalasa. (3:1-15)

5. Tabea re Barakati ma ḏo-ḏogumu. (3:16-18)