2 Petrus

Petrus

'ai Surata ma Soi Ḏiḏi

Demo ma mulaingi

Petrus 'ai surata ma soi ḏiḏi nena-ne, unanga 'a siḏingoto toma ngowa'a ngaku Yesus, ga'a ngowa'a Yahudi ua. Toma surata nena-ne ma dara, Petrus 'o lawana guru 'agama manga de'oso re ḏegoro ma rousu ua, re 'aḏi gasa habari ma rapu. Petrus 'o siajele mangale ngene balasu ma'istiari ino toma guru-guru 'agama ma sa-sakala, re ḏi'i ngene balasu wo ngaku mode-mode'e nanga Jou Yesus re wo macako'o namo-namoto do-doto'o toma ngowa'a ga'a raḏi sisakisi Ma Jou Yesus 'ai demo.

Petrus 'ai 'akala si-siḏi madutu toma guru-guru sa-sakala, sababu ananga 'aḏi doto'o Ma Jou dadunu 'o sapolo moju ua toma dungia nena-ne (3:3-4). Petrus 'o siajele mangale Ma Jou dadunu 'o sapolo nyangu nange-ne sababu Ma Jou'ongu Madutu 'o pake 'akala ma ḇanyo toma ngowa'a ma jira (3:8-9). Mada'a Yesus ḏuanga i'a dadunu 'o sapolo moju di'a 'a siwejere ngowa'a ma jira gena-ge.

Ma dara:

1. Demo ma mulaingi. (1:1-2)

2. Petrus 'o pula'a duga re domolo, la nanga ngo-ngaku 'i ma tero nanga de'oso re ḏegoro ma la-la. (1:3-21)

3. Petrus 'o si'elingi mangale guru-guru 'agama sa-sakala. (2:1-22)

4. Petrus 'o si'elingi mangale Yesus dadunu 'o sapolo moju. (3:1-13)

5. Demo ma ḏo-ḏogumu. (3:14-18)