1 U Timotheo 2

1Hubhe emade gonti, ehwanza eputo ne shiputo na putilwe na salifwe hwa bhantu bhoti, 2huje amwene bhoti bhabhali muu gosi aje timanye adele husiku enyinza abhatauwa bhoti abhe shishi. 3Eli linza nantele lihwete wa hwi tagalila hwa Ngolobhe ofwozi wetu. 4Omwe ansongwa aje abhantu bhonti bhafwolwe nantele bhaimanye elyoli. 5Hwa huje ahweli Ongolobhe omo, nantele ali okhomanyi omo owa Ngolobhe na bhantu yali Kilisti oYesu. 6Ahwifumize mwene afidiye hwa bhonti, gagalolile hunsiku zyezibhalile. 7Nantele ane nemwene eha bhombile abhe jube eyangalyoli sagaeyanga ilenga. Ane edi manyizi hwa bhantu bhasebha puta hunyinza zyalwoli. 8Nantele uhwanza alume papoti bhapute na bhosye amakhono amiza bila avitwe nasanje. 9Shesho nantele abhashe bhahwikwatizye amendega gahwetewa hushishi nahizije. Bhaganje bhene nsisi zyazitawilwa ne zahabu, ne Lulu, na menda agehele engosi. 10Nantele ejigabhakwale amenda gaga hwanziwa abhashe bhabhahwete oputi ashelele embobo enyiza. 11Oshi ahwimanzye abhe shibhatama nantele neshishi yoti. 12Ogaje huluhusu oshe amanzye nantele abhe gosi pamwanya palume nante akhalemye. 13Nantele oHadamu abhombwelwe ahwade nantele oEva. 14O Hadamu sagakhopelelwe lelo she akhopelelwe tee nashi abagulwe. 15Hata eshi afwolwashilole apape abhana nkashelebhai yedelela ashilele owinza no lugano na lwozwo nenjele enyinza.