Sanskrit Bible (NT) in Tibetan Script (སཏྱཝེདཿ།)
༢ ཏཱིམཐིཡཿ 3
ཙརམདིནེཥུ ཀླེཤཛནཀཱཿ སམཡཱ ཨུཔསྠཱསྱནྟཱིཏི ཛཱནཱིཧི།
ཡཏསྟཱཏྐཱལིཀཱ ལོཀཱ ཨཱཏྨཔྲེམིཎོ ྅རྠཔྲེམིཎ ཨཱཏྨཤླཱགྷིནོ ྅བྷིམཱནིནོ ནིནྡཀཱཿ པིཏྲོརནཱཛྙཱགྲཱཧིཎཿ ཀྲྀཏགྷྣཱ ཨཔཝིཏྲཱཿ
པྲཱིཏིཝརྫིཏཱ ཨསནྡྷེཡཱ མྲྀཥཱཔཝཱདིནོ ྅ཛིཏེནྡྲིཡཱཿ པྲཙཎྜཱ བྷདྲདྭེཥིཎོ
ཝིཤྭཱསགྷཱཏཀཱ དུཿསཱཧསིནོ དརྤདྷྨཱཏཱ ཨཱིཤྭརཱཔྲེམིཎཿ ཀིནྟུ སུཁཔྲེམིཎོ
བྷཀྟཝེཤཱཿ ཀིནྟྭསྭཱིཀྲྀཏབྷཀྟིགུཎཱ བྷཝིཥྱནྟི; ཨེཏཱདྲྀཤཱནཱཾ ལོཀཱནཱཾ སཾམརྒཾ པརིཏྱཛ།
ཡཏོ ཡེ ཛནཱཿ པྲཙྪནྣཾ གེཧཱན྄ པྲཝིཤནྟི པཱཔཻ རྦྷཱརགྲསྟཱ ནཱནཱཝིདྷཱབྷིལཱཥཻཤྩཱལིཏཱ ཡཱཿ ཀཱམིནྱོ
ནིཏྱཾ ཤིཀྵནྟེ ཀིནྟུ སཏྱམཏསྱ ཏཏྟྭཛྙཱནཾ པྲཱཔྟུཾ ཀདཱཙིཏ྄ ན ཤཀྣུཝནྟི ཏཱ དཱསཱིཝད྄ ཝཤཱིཀུཪྻྭཏེ ཙ ཏེ ཏཱདྲྀཤཱ ལོཀཱཿ།
ཡཱནྣི ཪྻཱམྦྲིཤྩ ཡཐཱ མཱུསམཾ པྲཏི ཝིཔཀྵཏྭམ྄ ཨཀུརུཏཱཾ ཏཐཻཝ བྷྲཥྚམནསོ ཝིཤྭཱསཝིཥཡེ ྅གྲཱཧྱཱཤྩཻཏེ ལོཀཱ ཨཔི སཏྱམཏཾ པྲཏི ཝིཔཀྵཏཱཾ ཀུཪྻྭནྟི།
ཀིནྟུ ཏེ བཧུདཱུརམ྄ ཨགྲསརཱ ན བྷཝིཥྱནྟི ཡཏསྟཡོ རྨཱུཌྷཏཱ ཡདྭཏ྄ ཏདྭད྄ ཨེཏེཥཱམཔི མཱུཌྷཏཱ སཪྻྭདྲྀཤྱཱ བྷཝིཥྱཏི།
མམོཔདེཤཿ ཤིཥྚཏཱབྷིཔྲཱཡོ ཝིཤྭཱསོ རྡྷཪྻྱཾ པྲེམ སཧིཥྞུཏོཔདྲཝཿ ཀླེཤཱ
ཨཱནྟིཡཁིཡཱཡཱམ྄ ཨིཀནིཡེ ལཱུསྟྲཱཡཱཉྩ མཱཾ པྲཏི ཡདྱད྄ ཨགྷཊཏ ཡཱཾཤྩོཔདྲཝཱན྄ ཨཧམ྄ ཨསཧེ སཪྻྭམེཏཏ྄ ཏྭམ྄ ཨཝགཏོ྅སི ཀིནྟུ ཏཏྶཪྻྭཏཿ པྲབྷུ རྨཱམ྄ ཨུདྡྷྲྀཏཝཱན྄།
པརནྟུ ཡཱཝནྟོ ལོཀཱཿ ཁྲཱིཥྚེན ཡཱིཤུནེཤྭརབྷཀྟིམ྄ ཨཱཙརིཏུམ྄ ཨིཙྪནྟི ཏེཥཱཾ སཪྻྭེཥཱམ྄ ཨུཔདྲཝོ བྷཝིཥྱཏི།
ཨཔརཾ པཱཔིཥྛཱཿ ཁལཱཤྩ ལོཀཱ བྷྲཱམྱནྟོ བྷྲམཡནྟཤྩོཏྟརོཏྟརཾ དུཥྚཏྭེན ཝརྡྡྷིཥྱནྟེ།
ཀིནྟུ ཏྭཾ ཡད྄ ཡད྄ ཨཤིཀྵཐཱཿ, ཡཙྩ ཏྭཡི སམརྤིཏམ྄ ཨབྷཱུཏ྄ ཏསྨིན྄ ཨཝཏིཥྛ, ཡཏཿ ཀསྨཱཏ྄ ཤིཀྵཱཾ པྲཱཔྟོ྅སི ཏད྄ ཝེཏྶི;
ཡཱནི ཙ དྷརྨྨཤཱསྟྲཱཎི ཁྲཱིཥྚེ ཡཱིཤཽ ཝིཤྭཱསེན པརིཏྲཱཎཔྲཱཔྟཡེ ཏྭཱཾ ཛྙཱནིནཾ ཀརྟྟུཾ ཤཀྣུཝནྟི ཏཱནི ཏྭཾ ཤཻཤཝཀཱལཱད྄ ཨཝགཏོ྅སི།
ཏཏ྄ སཪྻྭཾ ཤཱསྟྲམ྄ ཨཱིཤྭརསྱཱཏྨནཱ དཏྟཾ ཤིཀྵཱཡཻ དོཥབོདྷཱཡ ཤོདྷནཱཡ དྷརྨྨཝིནཡཱཡ ཙ ཕལཡཱུཀྟཾ བྷཝཏི
ཏེན ཙེཤྭརསྱ ལོཀོ ནིཔུཎཿ སཪྻྭསྨཻ སཏྐརྨྨཎེ སུསཛྫཤྩ བྷཝཏི།
Sanskrit Bible (NT) in Tibetan Script (སཏྱཝེདཿ།). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.