Sanskrit Bible (NT) in Sinhala Script (සත්‍යවේදඃ।)
ප්‍රකාශිතං 15
තතඃ පරම් අහං ස්වර්ගේ (අ)පරම් ඒකම් අද්භුතං මහාචිහ්නං දෘෂ්ටවාන් අර්ථතෝ යෛ ර්දණ්ඩෛරීශ්වරස්‍ය කෝපඃ සමාප්තිං ගමිෂ්‍යති තාන් දණ්ඩාන් ධාරයන්තඃ සප්ත දූතා මයා දෘෂ්ටාඃ|
වහ්නිමිශ්‍රිතස්‍ය කාචමයස්‍ය ජලාශයස්‍යාකෘතිරපි දෘෂ්ටා යේ ච පශෝස්තත්ප්‍රතිමායාස්තන්නාම්නෝ (අ)ඞ්කස්‍ය ච ප්‍රභූතවන්තස්තේ තස්‍ය කාචමයජලාශයස්‍ය තීරේ තිෂ්ඨන්ත ඊශ්වරීයවීණා ධාරයන්ති,
ඊශ්වරදාසස්‍ය මූසසෝ ගීතං මේෂශාවකස්‍ය ච ගීතං ගායන්තෝ වදන්ති, යථා, සර්ව්වශක්තිවිශිෂ්ටස්ත්වං හේ ප්‍රභෝ පරමේශ්වර| ත්වදීයසර්ව්වකර්ම්මාණි මහාන්ති චාද්භුතානි ච| සර්ව්වපුණ්‍යවතාං රාජන් මාර්ගා න්‍යාය්‍යා ඍතාශ්ච තේ|
හේ ප්‍රභෝ නාමධේයාත්තේ කෝ න භීතිං ගමිෂ්‍යති| කෝ වා ත්වදීයනාම්නශ්ච ප්‍රශංසාං න කරිෂ්‍යති| කේවලස්ත්වං පවිත්‍රෝ (අ)සි සර්ව්වජාතීයමානවාඃ| ත්වාමේවාභිප්‍රණංස්‍යන්ති සමාගත්‍ය ත්වදන්තිකං| යස්මාත්තව විචාරාඥාඃ ප්‍රාදුර්භාවං ගතාඃ කිල||
තදනන්තරං මයි නිරීක්‍ෂමාණේ සති ස්වර්ගේ සාක්‍ෂ්‍යාවාසස්‍ය මන්දිරස්‍ය ද්වාරං මුක්තං|
යේ ච සප්ත දූතාඃ සප්ත දණ්ඩාන් ධාරයන්ති තේ තස්මාත් මන්දිරාත් නිරගච්ඡන්| තේෂාං පරිච්ඡදා නිර්ම්මලශෘභ්‍රවර්ණවස්ත්‍රනිර්ම්මිතා වක්‍ෂාංසි ච සුවර්ණශෘඞ්ඛලෛ ර්වේෂ්ටිතාන්‍යාසන්|
අපරං චතුර්ණාං ප්‍රාණිනාම් ඒකස්තේභ්‍යඃ සප්තදූතේභ්‍යඃ සප්තසුවර්ණකංසාන් අදදාත්|
අනන්තරම් ඊශ්වරස්‍ය තේජඃප්‍රභාවකාරණාත් මන්දිරං ධූමේන පරිපූර්ණං තස්මාත් තෛඃ සප්තදූතෛඃ සප්තදණ්ඩානාං සමාප්තිං යාවත් මන්දිරං කේනාපි ප්‍රවේෂ්ටුං නාශක්‍යත|
Sanskrit Bible (NT) in Sinhala Script (සත්‍යවේදඃ।). Copyright © 2018 SanskritBible.in. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.