Zaburi 15

Ni Zaburi ya Dawidi.

1Uhoraho, ni nde azoba mw’ihema ryawe ryera?

Ni nde ashobora kuba ku musozi wawe wera?

2Ni uwutagira umugayo mu buzima bwiwe,

akora ibigororotse,

akavuga ukuri kuvuye mu mutima;

3ururimi rwiwe ntiruvuge nabi abandi,

ntagirire nabi mugenziwe,

ntavuge ibibi ku bandi.

4Akengera abakora ibibi

ariko akubaha abubaha Uhoraho.

Yubahiriza ico yarahiye naho comugirira nabi,

ntiyihindukize mw’ijambo;

5agurana abakene atiteze inyungu;

ntiyemera igiturire ngo arenganye uwuri mu kuri.

Uwukora ivyo

ntazokwigera anyiganyizwa.