Biblica® Open Kirundi Contemporary Bible 2025
Zaburi 134
Ni indirimbo yo mw’iduga.
Nimuhimbaze Uhoraho, yemwe basavyi b’Uhoraho mwese,
mwebwe mukorera mu nzu y’Uhoraho mugakesha ijoro.
Nimutarike ibiganza vyanyu hejuru muri mu Ngoro,
muhimbaze Uhoraho.
Uhoraho aguhezagire ari i Siyoni,
ni we Muremyi w’ijuru n’isi.
Biblica® Open Kirundi Contemporary Bible 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.