Zaburi 126

Ni indirimbo yo mw’iduga.

1Hamwe Uhoraho yagarukana i Siyoni abajanwe ari inyagano,

twari tumeze nk’abarota.

2Akanwa kacu kari kuzuye ibitwengatwenge

indimi zacu zari zuzuye indirimbo z’umunezero.

Maze biravugwa mu mahanga ngo:

“Uhoraho yabakoreye ibikomeye.”

3Uhoraho yadukoreye ibikomeye,

natwe turanezerewe.

4Uhoraho garukana abacu bajanywe ari inyagano,

bamere nk’imigezi y’i Negebu.

5Ababiba barira

bazokwimbura baririmba.

6Abasohoka barira,

bajanye imbuto kubiba,

bazogarukana indirimbo z’umunezero,

bikoreye ivyimburwa.