Lil e Jevrejenđe 1

O Dol vaćarda amenđe prekal piro Čhavo

1Ane purane vremenura, but droma thaj ke but načinura vaćarda o Dol amare paradadenđe prekal e prorokura, 2al ane kala palune đivesa vaćarda amenđe prekal piro Čhavo, kas čhuta te avol nasledniko pe sa thaj prekal kaste ćerda i o sveto. 3O Čhavo si odsjaj tare Devlesi slava thaj verno sikavol e Devleso karakter. Vov ićarol sa pe zurale Lafesa thaj kana thoda e manušen tare grehura, bešlo ko počasno than ki desno rig e Bare Devlesi ko nebo.

O Isus si pobaro tare anđelura

4O Čhavo gaći postanisada pobaro tare anđelura, golese so o Dol dija le alav savo si but pobaro alav tare anđelurengo.

5O Dol nijekhe anđelose ni vaćarda kava:

“Tu san mingro čhavo,

od ađive sem ćiro Dad”,

il:

“Me ka avav leso Dad,

a vov ka avol mingro Čhavo.”

6A kana o Dol sikada pe jekhebijande Čhave e svetose, palem vaćarda:

“Nek peren ke koča angle leste

sa e Devlese anđelura!”

7A e anđelurenđe phenda:

“Vov pe anđeluren ćerol sar balvalja,

a pe slugen ćerol sar plameno e jagako.”

8Al pe Čhavese vaćarda:

“Ćiro presto, Devla, ačhol ane sa e đivesa.

Tu vladi pravedno ane ćiro carstvo.

9Mangljan o pravednost

thaj mrzisadan o bišukaripe.

Golese o Dol, ćiro Dol,

makhlja tut uljesa taro radost,

pobut nego ćire amalen.”

10Thaj vadži vaćarda o Dol:

“Tu, Gospode, ko anglunipe postavisadan o temelji e phuvako

thaj o nebo si bući ćire vastenđi.

11Tu ka ačhe, al von ka nestanin

thaj ka pharadon sar e šeja.

12Tu ka paćare len sar purano ogrtači,

thaj ka menjin pe sar šeja.

Al tu ka ačhe isto,

thaj ćire berša ni ka načhen.”

13O Dol nijekhe anđelose ni vaćarda kava:

“Beš manđe ko počasno than ki desno rig

sa dži kaj ni čhuvav

ćire dušmajen tale ćire pingre.”

14Naj li sa e anđelura duxura save služin thaj save si bičhalde te služin kolenđe save ka nasledin o spasenje?