Otkrivenje 7

O Del lel sama pe piro them

1Pale godova dikhlem štar anđelen sar ačhen pe štar riga e phuvjaći thaj inćaren štar balvaja te ni jek balval či phurdel ni pe phuv ni po more, niti pe varesavo kaš.

2Askal dikhlem aver anđele sar avel katar o istok. Inđarelas pesa o pečato e džude Devlesko. Vo čhuta muj e zurale glasosa okole štare anđelenđe savenđe si dini e vlast te naudin e phuvjaće thaj e morešće: 3“Na naudin e phuvjaće, ni e morešće, ni e kaštenđe, dok amare Devlešće slugen či obeležis e pečateja po čikat!”

4Askal ašundem o brojo okolengo kaj sas obeležime. Sas šel thaj štarvardeš thaj štar milje andar o svako pleme e Izraelošće themesko:

5Andar e Judasko pleme dešuduj milje obeležime e pečateja,

andar e Ruvimosko pleme dešuduj milje,

andar e Gadesko pleme dešuduj milje,

6andar e Asiresko pleme dešuduj milje,

andar e Neftalimesko pleme dešuduj milje,

andar e Manasijesko pleme dešuduj milje,

7andar e Simeonesko pleme dešuduj milje,

andar e Levijesko pleme dešuduj milje,

andar e Isaharesko pleme dešuduj milje,

8andar e Zavulonesko pleme dešuduj milje,

anda e Josifesko pleme dešuduj milje,

thaj andar e Venijaminesko pleme dešuduj milje obeležime e pečatesa.

E bute manuša ando parnipe

9Pale godova dikhlem e but manušen, saven khonik našti đinavelas, andar e svako nacija, pleme, them thaj čhib. Ačhenas anglo prestolje thaj anglo Bakhro lačharde ande parne haljine, thaj ande vas inđarenas e palmenđe krandže. 10Von glasno čhon muj: “O spasenje pripadil amare Devlešće savo bešel po prestolje thaj e Bakhrešće!”

11A sa e anđelurja ačhenas oko prestolje, oko e starešine thaj oko e štar džude bićurja. Von peline pe koča e mujesa dži ke phuv thaj poklonisajle e Devlešće, 12thaj mothonas:

“Amin! Blagoslov thaj slava,

mudrost thaj zahvalnost,

čast, sila thaj snaga,

pripadil amare Devlešće pale uvek.

Amin!”

13Askal phučla man jek katar o starešina: “Ko si akala save si lačharde ande parne haljine thaj katar avile?”

14Me phendem lešće: “Tu godova džanes, gospodarina.”

A vo phendas manđe: “Godola si okola kaj avile katar e bari nevolja, thaj save e Bakhrešće ratesa thodine thaj parnjardine pire haljine. 15Zato ačhen angle Devlesko prestolje thaj đes thaj rjat služin e Devlešće ande lesko Hramo. A okova savo bešel po prestolje trajila maškar lende thaj štitila len. 16Von nikad majbut či avena bokhale thaj trušale, niti phabarela len o kham niti varesavi žega. 17Kaj, lengo pastiri avela o Bakhro, savo si maškare po prestolje, thaj inđarela len po izvor e džude pajesko. A o Del khosela svako jasvin katar lenđe jakha.”