1. Korinćanenđe 2

1Kana avilem tumende, phralalen, či avilem te e bare alavenca ili ande bari mudrost objaviv tumenđe e Devlesko svedočanstvo. 2Kaj odlučisardem, dok semas tumenca, te či ćerav svato pale khanči avre osim palo Isuso Hristo savo si razapnime. 3Avilem tumende ande slabosti thaj izdravas e bare daratar. 4Či ćeravas tumenđe svato thaj či propovedivas e ubedljive alavenca save si katar e manušenđi mudrost, nego katar e sila e Sveto Duhošći maškar tumende, 5te tumaro paćipe či temeljil pes pe manušenđi mudrost, nego pe Devlešći sila.

E Devlešći mudrost thaj e Devlesko Duho

6Ali e mudrost mothas maškar okola save si duhovno paće, ali na e mudrost akale themešći, niti katar e vladarja akale themešće, save propadin. 7Nego, amen mothas e Devlešći tajno mudrost, savi sas garadi thaj savja o Del majsigo nego so postanisardas o them preodredisardas pale amari slava. 8Godoja mudrost ni jek vladari akale themesko či pindžardas. Kaj te pindžardinesas, či razapnisardinesas e slavne Gospode. 9Nego, sar si ramome ando Sveto lil:

“Okova so e jak či dićhel

thaj so o kan či ašunel

niti e manušešći gođi šaj haćarel,

godova o Del pripremisardas okolenđe save volin les.”

10A amenđe o Del godova objavisarda prekal o Sveto Duho, savo preispituil thaj džanel sa, čak vi e Devlešće majhanduk tajne. 11Kaj, ko katar e manuša pindžarel e manušešći gindimata, osim o duho savo si ande leste? Isto gajda, khonik či džanel e Devlešće gindimata osim o Duho e Devlesko. 12A amen, či primisardam e duho akale themesko, nego e Duho savo si katar o Del, te džanas so o Del dija men sago daro. 13Thaj godova vi phenas, ali na e alavenca save si sikade katar e manušenđi mudrost, nego gajda sago kaj sikada men o Duho, tumačisaras o duhovno čačipe okolenđe save si duhovne. 14O manuš savo naj duhovno či prihvatil okova so avel katar e Devlesko Duho, kaj godova si pale leste dilipe thaj našti haćarel kaj pale godova čačipe trubul te prosudil pe e Devlešće Duhosa. 15O duhovno manuš šaj sa te prosudil, ali les khonik našti prosudil. 16Kaj:

“Ko pindžarda e Gospodešće gndurja,

ko šaj te proučil les?”

No amen gndis sago o Hristo.