O Isus Navin 16

E phuva tare Josifese potomkura

1Kava si i phuv savi ulada pe kockasa e Josifese potomkurenđe. Lenđi granica džala tari len o Jordan pašo Jerihon, istočno tare paja e Jerihonese, maškari pustinja savi džala taro Jerihon maškaro gorje dži o Betel. 2Taro Betel i granica džala dži o Luz, sa dži o Atarot ani phuv e Arkijacurenđi. 3Gothar i granica mućhola pe dži o zapad, dži o than e Jafleturengo, dži o Teluno Bet-Horon thaj dži o Gezer thaj završila pe ko Sredozemno more.

4Gija e Josifese potomkura, e Manasijaso thaj e Efremeso pleme, dobisade piro nasledstvo.

E phuva tare Efremeso pleme

5Kava si e Efremesi phuv savi sasa uladi lese familijaće:

I granica taro lengo nasledstvo džala taro Atrot-Adar ko istok dži o Upruno Bet-Horon, 6a gothar dži o Sredozemno more. Taro Mihmetat ko sever i granica banđola ko istok dži o Taanat-Šilo, istočno taro Janoha. 7Tari Janoha i granica mućhola pe dži o Atrot thaj o Naarat, pašo Jerihon thaj završila pe paši len o Jordan. 8Taro Tapuah i granica džala ko zapad pašo potoko e Kanako thaj završila pe dži o Sredozemno more.

Gova si nasledstvo e Efremese plemeso thaj lese familijako. 9Ane gova nasledstvo računina pe i e forura thaj lenđe gava, save sesa dinde e Efremcurenđe iako sesa pe Manasijasi phuv.

10E Efremcura ni ikalde e Hanaancuren save živisade ano Gezer, pa gija von bešen maškar lende i avđive, al e Efremcura čhute e Hanaancuren te ćeren bući sar robura.