Sudije 21

Romnja palo Venijaminesko pleme

1E Izraelcurja agajda haline solah ande Micpa: “Nijek amendar či dela pire čheja pale nijek manuš andar e Venijaminesko pleme.”

2O them đelo ando Betel, pa okote dži ke rjat glasno kućinas thaj rovenas ćerće jasvenca anglo Del.

3Mothonas: “GOSPODE, Devla e Izraelosko! Sostar akava dogodisajlo ando Izrael, pa ađes o Izrael ačhilo bi jek sasto pleme?”

4Thejara đes o them uštilo rano detharinako, pa ćerdine žrtveniko thaj e Devlešće prinesisardine žrtve paljenice thaj žrtve palo zajedništvo.

5Askal e Izraelcurja pučline: “Savo izraelosko pleme či avile po skupo anglo GOSPOD?” Kaj zurale haline solah kaj mudarena svakone ko či avel anglo GOSPOD ande Micpa.

6E Izraelcurja tugujinas zbog pire phrala e Venijamincurja.

Mothonas: “Ađes si jek pleme čhindo katar o Izraelsko them. 7Sar te arakhas romnjen pale okola save ačhile? Pošto halam solah e GOSPODEŠĆE kaj ni jećha katar amare čhejen či udajisarasa pale lende?”

8Askal phučline: “Savo izraelosko pleme či avilo anglo GOSPOD ande Micpa?”

Thaj dikhla pe kaj khonik andar o gav Javeš-Gilad či avilo ando tabor, po skupo. 9Kaj, kana đinavenas e manušen, nas khonik andar o Javeš-Gilad.

10Askal bičhaldine okote dešuduj milje ratnikonen thaj zapovedisardine lenđe: “Džan thaj mudaren e mačesa e manušen save trajin ando Javeš-Gilad, zajedno e manušnjenca thaj čhavrenca. 11Agajda ćeren: Mudaren svakone manuše thaj svakone manušnja savi već suta e muškarconesa.”

12Maškar okola kaj trajinas ando Javeš-Gilad arakhline štar šela terne čhejen save još či sutine e muškarconenca thaj andine len ando tabor ando Šilo ande phuv Hanaan. 13Askal e sasti zajednica bičhalda e glasnikonen ke Venijamincen ke Rimonsko stena thaj ponudisardine lenđe miro. 14Gajda e Venijamincurja boldine pe thaj e izraelsko zajednica dija len okole čhejen save mukline po trajo ando Javeš-Gilad. Ali nas dosta čhejen pale sa lende.

15E themešće sas žao pale Venijamincurja, kaj o GOSPOD čhinda len katar aver Izraelošće plemenurja.

16E starešine andar e zajednica phendine: “Sar te arakhas romnjen pale aver Venijaminovcurja kana si sa lenđe manušnja andar o pleme istrebime?”

17Varesave phendine: “E Venijamincen save ačhile džude trubul te avel naslednikurja, te na avel khoslo jek sasto izraelsko pleme. 18Amare čhejen našti das lenđe pale romnja, kaj amen e Izraelcurja agajda halam solah: ‘Prokleto te avel svako ko del pire čheja palo manuš andar e Venijaminesko pleme.’ ”

19Phendine: “Svako brš ando Šilo inćarel pe o prazniko ande slava e GOSPODEŠĆE. O gav si severno katar o Betel, istočno katar o drom savo andar o Betel inđarel ando Sihem thaj južno katar e Levona.”

20Zato zapovedisardine e Venijamincenđe: “Džan thaj garaven tumen ando vinograd, 21pa okotar len sama. Kana e čheja andar o Šilo inkljen te ćhelen, tumen huten avri andar o vinograd thaj neka svako pešće astarel manušnja maškar e čheja andar o Šilo, pa bolden tumen ande Venijaminešći phuv. 22Kana lenđe dada ili phrala aven te žalin pe amenđe, amen phenas lenđe: ‘Jarton lenđe zbog amende, kaj ando rato či zarobisardam manušnja pale svakoneste lendar. Tumen či avena došale, kaj tumen korkoro či dine tumare čhejen.’ ”

23Thaj e Venijamincurja gajda ćerdine. Astardine manušnjen katar okola čheja save aviline te ćhelen thaj svako pire manušnja inđarda te avel lešći romnji. Askal boldine pe ande phuv savi o Del dija len, obnovisardine e gava thaj nastanisajle ande lende.

24Askal e Izraelcurja đele svako pešće, svako ando piro pleme thaj ande piri familija, svako ande phuv savi o Del dija les.

25Ande godoja vrjama ando Izrael nas caro, pa svako ćerelas so gndilas kaj si lačhe ande lešće jakha.