Sudije 15

O Samson marel pe e Filistejenca

1Posle varesavi vrjama, ande vrjama kana žanjil pe o điv, o Samson lija jećhe jarco thaj đelo te posetil pire romnja.

Phendas: “Džav te sovav mungre romnjava ande laći soba.” Ali lako dad či mukla les te del andre.

2Lako dad phendas lešće: “Gndisardem kaj mrzis lat akana, pa dijem la ćire ćirvešće. Naj li laći majterni phen majšukar latar? Le laće pheja umesto lat.”

3O Samson phendas lešće: “Akaja data či avava došalo e Filistejenđe kana ćerava lenđe bilačhipe!”

4Askal đelo thaj astarda trin šela lisicen, phangla len duj po duj pale porja, a maškar lenđe porja čhuta baklja. 5Askal dija jag e baklje thaj mukla e lisicen ande Filistejenđe njive e đivesa. Gajda dija jag lengo điv ande snopurja thaj o điv savo či žanjisardine, e vinogradurja thaj e maslenikurja.

6Kana e Filistejcurja phučline: “Ko ćerda godova?”, phendine lenđe: “O Samson, o džamutro katar okova manuš andar e Timna. Ćerdas godova zato kaj akava lijas lešće romnja thaj dija lat lešće ćirvešće.”

Askal e Filistejcurja đele thaj dine jag vi lat vi laće dade.

7O Samson phendas lenđe: “Pošto gajda ćerdine, či avela man miro, dok či osvetiv man tumenđe.”

8Vo zurale napadnisarda len thaj mudarda buten lendar. Pale godova đelo te trajil ande jek pećina savi sas ande Etamsko stena.

O Samson pobedil e Filistejcen

9E Filistejcurja avile thaj utaborisajle ande Juda, pa spremonas pe te napadnin o gav Lehi.

10E Judejcurja phučline len: “Sostar teljardine pe amende?”

E Filistejcurja phendine: “Avilam te astaras e Samsone, thaj te ćeras lešće so vo ćerda amenđe.”

11Askal trin milje manuša đele dži ke pećina savi sas ande Etamsko stena thaj phendine e Samsonešće: “Zar tu či džanes kaj e Filistejcurja vladin pe amende? So ćerdan amenđe godova?”

O Samson phendas: “Samo ćerdem okova so von ćerdine manđe.”

12Von phendine lešće: “Avilam te phandavasa tut e šolenca thaj te predaisaras tut ande vas e Filistejenđe.”

A o Samson phendas: “Han manđe solah kaj tumen korkoro či mudarena man.”

13Von phendine lešće. “Amen či mudarasa tut. Samo phandavasa tut e šolenca thaj predaisarasa tut ande vas e Filistejenđe.”

Phandadine les e duje neve šolenca thaj inđardine les katar e pećina. 14Kana aresline dži ko gav than Lehi, e Filistejcurja teljardine leste thaj čhonas muj e bahtatar. Askal o Duho e GOSPODESKO mukla pes po Samson, pa e šole postanisardine pe lešće vas sago e lanene thava kana den pe jag thaj peline lešće vastendar. 15Vo arakhla e ivand magarešći falka, lija lat thaj lasa mudarda milja manušen.

16O Samson askal phendas:

“E magarešće falkava

čhudem len pe gomila,

e magarešće falkava

milja manušen mudardem.”

17Kana godova phendas, čhudas pestar e falka, a okova than akhardas Ramat-Lehi1.

18Pošto sas but trušalo, agajda zavapisardas e GOSPODEŠĆE: “Dijan akaja bari pobeda manđe, ćire slugašće. Pa zar te akana merav e trušatar thaj te perav e biobrezime manušenđe ande vas?”

19Askal o Del putardas jek pukotina ande phuv pašo gav Lehi thaj kotar inkljisto o paj. O Samson pila paj thaj boldas pe lešće e snaga thaj vo avilo peste. Zato godova izvor akhardas En-Hakore2. O izvor vi ađes postojil pašo Lehi.

20O Samson sas sudija ando Izrael biš brš, ande vrjama kana vladinas e Filistejcurja.