Isus Navin 3

E Izraelcurja naćhen e reka Jordan

1O Isus Navin aver detharin uštilo rano, pa vo thaj sa e Izraelcurja teljardine andar Šitim thaj aresline dži ke reka Jordan, kaj utaborisajle majsigo so naćhena pe aver rig.

2Posle trin đesa e nadglednikurja nakhline kroz o tabor 3thaj zapovedisardine e themešće: “Dićhena e rašajen save si Leviturja kaj inđaren o Kovčeg katar o savez e GOSPODESKO, tumare Devlesko. Čim dićhen len, tumen teljaren katar tumare thana thaj džan pala lende. 4Gajda džanena save dromesa te džan, kaj nikad majsigo či džanas godole dromesa. Ali neka avel maškar tumende thaj maškar o Kovčeg razmak inja šela meterja – na aven lešće majpaše.”

5O Isus Navin phendas e themešće: “Posvetin tumen, kaj thejara o GOSPOD ćerela maškar tumende čudesne dela.”

6A e rašajenđe phendas: “Vazden o Kovčeg e savezosko thaj teljaren anglal, a o them palal tumende.”

Thaj von vazdine o Kovčeg e savezosko thaj teljardine anglal, a them pale lende.

7O GOSPOD phendas e Isuse Navinešće: “Ađes počniva te vazdav tut angle jakha sa e Izraelconenđe, te džanen kaj sem tusa sago kaj semas e Mojsijesa. 8Phen e rašajenđe save inđaren o Kovčeg e savezosko: ‘Kana aven dži ko rubo e jordanešće pajesko, den andre ande reka thaj ačhen.’ ”

9O Isus Navin phendas e Izraelconenđe: “Aven te ašunen e alava e GOSPODEŠĆE, tumare Devlešće!”

10Askal phendas: “Pe akava džanena kaj si o džudo Del maškar tumende thaj kaj vo čače angla tumende tradela e Hanaancen, Hetiten, Hivijcen, Perižanen, Girgašanen, Amorejcen, thaj e Jevusejcen. 11Ake o Kovčeg katar o savez e Gospodaresko e saste phuvjako dela ande reka jordanošći angle tumende. 12Akana izabirin dešuduj manušen andar e Izraelošće plemenurja, jećhe andar svako pleme. 13Čim e rašaja save inđaren o Kovčeg e GOSPODESKO, savo si Gospodari e saste phuvjako, ačhen pungrenca ando Jordan, ačhena e paja save thavden opral sago e brana.”

14Kana o them teljarda andar o tabor te naćel prekal e reka Jordan, anglal lende teljardine e rašaja save inđarenas o Kovčeg e savezosko. 15Čim e rašaja save inđarenas o Kovčeg avile dži ke reka Jordan thaj ačhile pungresa ando paj – vi ako e reka Jordan inkljelas prekal e obala sa e vrjama e žetvaći – 16e paja save thavdenas opral ačhile te thavden thaj ćidine pe, sago e brana sa dži ko gav Adam, paše ko gav Cartan. Ande isto vrjama, e paja save thavdenas ando Mulo more, more Arava, potpuno crda pe. Gajda o them nakhla e reka vorta ko Jerihon. 17E rašaja save inđarenas o Kovčeg e GOSPODEŠĆE savezosko ačhenas čvrsto pe šući phuv maškare ande reka Jordan dok sa o Izraelsko them či nakhlo prekal o Jordan po šuko.