Isus Navin 19

E phuv katar e Simeonesko pleme

1E dujto kocka peli pe Simeonesko pleme thaj pe lenđe familije. Lengo nasledstvo sas ande phuv savi nasledisardas e Judasko pleme. 2Von dobisardine akala gava:

e Beer-Ševa, savi akhardol vi Ševa, e Molada, 3o Hacar-Šual, e Baala, o Acem, 4o Eltolad, o Betul, e Horma, 5o Ciklag, o Bet-Markavot, e Hacar-Susa, 6o Bet-Levaot thaj o Šaruhen – dešutrin gava lenđe thanenca.

7O Ajin, o Rimon, o Eter thaj o Ašan – e štar gava lenđe thanenca 8thaj sa e thana oko akala gava sa dži ko Vaalat-Beer, savo akhardol još vi Ramat-Negev. Godova sas o nasledstvo katar e Simeonesko pleme pale lenđe familije. 9Lengo nasledstvo sas lino katar e Judasko pleme zato kaj dobisardine majbut phuv nego so trubulas len. Gajda e Simeonesko pleme dobisarda piro nasledstvo maškar e Judasko pleme.

E phuv katar e Zavulonesko pleme

10E trito kocka peli pe Zavulonesko pleme thaj pe lenđe familije. E granica katar lengo nasledstvo džalas sa dži ko Sarid. 11Kotar džalas po zapad dži ke Marala thaj dotaknilas o Dabašet thaj o potok savo sas paše ko Jokneam. 12Katar o Sarid banđarelas po istok dži ke granica Kislot-Tavor thaj džalas dži ko Dovrat, thaj opre dži ke Jafija. 13Okotar džalas majdur po istok dži ko Git-Hefer thaj dži ko It-Kacin, inkljelas po Rimon thaj banđarelas prema e Nea. 14Okotar e granica banđarelas po sever prema o Hanaton thaj završilas pe ande dolina Jiftah-El. 15Akate sas još vi akala gava: o Katat, o Nahalal, o Šimron, e Jidala thaj o Vitlejem. Ukupno sas dešuduj gava lenđe thanenca.

16Sa akala gava pire thanenca sas o nasledstvo katar e Zavulonesko pleme pale lenđe familije.

E phuv katar e Isaharesko pleme

17E štarto kocka peli pe Isaharesko pleme thaj pe lenđe familije. 18Pe lengo područje sas:

o Jizreel, o Kesulot, o Šunem, 19o Hafarajim, o Šion, o Anaharat, 20o Rabit, o Kišjon, o Avec, 21o Remet, o En-Ganim, e En-Hada thaj o Bet-Pacec. 22E granica dotaknilas o Tavor, e Šahacima thaj o Bet-Šemeš thaj završilas pe reka Jordan. Sas dešušov gava lenđe thanenca.

23Sa akala gava pire thanenca sas o nasledstvo katar o Isaharesko pleme pale lenđe familije.

E phuv katar e Asiresko pleme

24E pandžto kocka peli pe Asiresko pleme thaj pe lenđe familije. 25Pe lengo područje sas:

o Helkat, o Hali, o Beten, o Ahšaf, 26o Alameleh, o Amad thaj o Mišal. Po zapad e granica dotaknilas e planina Karmel thaj o Šihor-Livnat. 27Askal banđarelas po istok karig o Bet-Dagon, dirilas e phuv katar o Zavulonesko pleme thaj e dolina Jiftah-El, pa džalas po sever dži ko Bet-Emek thaj Neiel. Askal džalas majdur po sever dži ko Kavul, 28dži ko Avdon, dži ko Rehov, dži ko Hamon, dži ke Kana thaj sa dži ko baro Sidon. 29Okote e granica banđarelas karig e Rama thaj džalas dži ko utvrdime gav Tir, askal banđarelas karig e Hosa thaj završilas pe po Sredozemno more po područje e gavengo: o Ahziv, 30e Uma, o Afek thaj o Rehov – biš thaj duj gava lenđe thanenca.

31Sa akala gava pire thanenca sas o nasledstvo katar e Asiresko pleme pale lenđe familije.

E phuv katar e Neftalimesko pleme

32E šovto kocka peli pe Neftalimesko pleme thaj pe lenđe familije.

33Lenđi granica džalas katar o Helef thaj katar o baro kaš ando Caananim prekal o Adami-Nekev thaj prekal o Javneel dži ko Lakum thaj završilas pes pe reka Jordan. 34Askal e granica banđarelas po zapad karig o Aznot-Tavor thaj inkljelas karig o Hukok. Po jugo dirilas e phuv katar o Zavulonesko pleme, po zapado e phuv katar o Asiresko pleme, a po istok ke Jehuda pe reka Jordan.

35E utvrdime gava sas: o Cidim, o Cer, o Hamat, o Rakat, o Kineret, 36e Adama, e Rama, o Hacor, 37o Kedeš, o Edrej, o En-Hacor, 38o Jiron, o Migdal-El, o Horem, o Bet-Anat thaj o Bet-Šemeš – dešuinja gava lenđe thanenca.

39Sa akala gava pire thanenca sas o nasledstvo katar e Neftalimesko pleme pale lenđe familije.

E phuv katar e Danesko pleme

40E eftato kocka peli pe Danesko pleme thaj pe lenđe familije. 41Po područje kaj sas lesko nasledstvo sas:

e Cora, o Eštaol, o Ir-Šemeš, 42o Šaalabin, o Ajalon, e Jitla, 43o Elon, e Timna, o Ekron, 44o Elteke, o Gibeton, o Vaalat, 45o Jehud, o Bene-Berak, o Gat-Rimon, 46o Me-Jarkon, o Rakon thaj o područje paše Jopa.

47Ali e Danesko pleme sas but slabo te zauzmil godoja phuv, pa đeline thaj napadnisardine o Lešem thaj osvojisardine les. Sa e manušen save trajinas inća mudardine e mačesa thaj zauzmisardine o gav, naselisajle okote thaj akhardine les Dan, sago kaj akhardolas lengo prapapo.

48Sa akala gava pire thanenca sas nasledstvo katar e Danesko pleme pale lenđe familije.

O Isus Navin dobil piro nasledstvo

49Kana podelisardine e phuv thaj sas gata godoleja, e Izraelcurja dine e Isuse Navine nasledstvo maškar pende. 50Sago kaj o GOSPOD zapovedisarda, dine les o gav savo kamlas, o Timnat-Serah ande Efremešće gore, a vo obnovisarda o gav thaj nastanisajlo ande leste. 51Godova područje si save o rašaj o Eleazer, o Isus Navin thaj e vođe e familijenđe dine ando nasledstvo e Izraelconenđe gajda kaj čhudenas e kocka ando Šilo, anglo GOSPOD, po ulaz ando Šator e sastankosko. Gajda sas gata godoleja te delin e phuv.